ପ୍ରାଣୀ ଚିକିତ୍ସାକୁ ଦିଆଯାଉନି ପ୍ରାଧାନ୍ୟ

ଖମାର,୧୮ା୨:  ଗ୍ରାମାଞ୍ଚଳର ଅର୍ଥନୀତିକୁ ଆଗକୁ ନେବାରେ ପ୍ରାଣୀଧନଙ୍କ ପ୍ରମୁଖ ଭୂମିକା ରହିଛି। ସେଥିପାଇଁ ସରକାରଙ୍କ ପକ୍ଷରୁ ପ୍ରାଣୀଧନ ପାଳନ ନିମନ୍ତେ ବିଭିନ୍ନ ଯୋଜନାରେ ଯୁବତୀ ଯୁବକମାନଙ୍କୁ ପ୍ରୋତ୍ସାହନ ଯୋଗାଇ ଦିଆଯାଉଛି। ଅଳ୍ପ ସୁଧରେ ବ୍ୟାଙ୍କରୁ ଋଣ ପ୍ରଦାନ ସହ ସ୍ବାବଲମ୍ବୀ କରିବାର ବ୍ୟବସ୍ଥା କରାଯାଉଛି। କିନ୍ତୁ ପ୍ରାଣୀଧନଙ୍କ ଚିକିତ୍ସା ଦିଗରେ ସରକାର ପ୍ରାଧାନ୍ୟ ଦେଉ ନ ଥିବାରୁ ଅନେକ ଅଞ୍ଚଳରେ ଯୋଜନା ଫଳପ୍ରଦ ହୋଇପାରୁ ନାହିଁ। ଅନୁଗୋଳ ଜିଲା ପାଲଲହଡ଼ା ବ୍ଲକ ଖମାର ଅଞ୍ଚଳ ଏହାର ଏକ ଉଦାହରଣ। ଏଠାରେ ଥିବା ଖମାର ପ୍ରାଣୀ ଚିକିତ୍ସା କେନ୍ଦ୍ର ଓ ୫ଟି ଉପ କେନ୍ଦ୍ରରେ ଜଣେ ହେଲେ ଡାକ୍ତର ନାହାନ୍ତି। ଫଳରେ ପ୍ରାଣୀଧନଙ୍କ ଚିକିତ୍ସା ସେବା ଏକପ୍ରକାର ଠପ୍‌ ହୋଇଯାଇଛି।
ଖମାର ପ୍ରାଣୀ ଚିକିତ୍ସାକେନ୍ଦ୍ର ଅଧୀନରେ ଶଙ୍ଖମୁର, ସିଆରିମାଳିଆ, ଇଞ୍ଜିଡ଼, ଖେମଳା ଓ ବଡ଼ସଡ଼ା ଉପ ଚିକିତ୍ସାକେନ୍ଦ୍ର ରହିଛି। ଏସବୁ ଉପ କେନ୍ଦ୍ରରେ ଆଦୌ ଡାକ୍ତର ନ ଥିବାବେଳେ ଖମାରରେ ଥିବା ଜଣେ ଡାକ୍ତର ଓ ଏଲ୍‌ଆଇ (ଲାଇଭ୍‌ ଷ୍ଟକ୍‌ ଇନ୍ସପେକ୍ଟର)ଙ୍କ ଗତ ଜାନୁୟାରୀ ମାସରେ ବଦଳି ହୋଇଯାଇଛି। ଫଳରେ ହଜାର ହଜାର ପ୍ରାଣୀଧନଙ୍କୁ ଚିକିତ୍ସାସେବା ମିଳିପାରୁ ନାହିଁ। ପୂର୍ବରୁ ଖମାରରେ ଥିବା ଏଲ୍‌ଆଇ ଡିଲେଶ୍ୱର ସାମଲଙ୍କ ୧୮ ଜାନୁୟାରୀ ୨୦୨୧ରେ ଓ ପ୍ରାଣୀଧନ ଚିକିତ୍ସକ ନିରୋଦ ସାହୁଙ୍କ ସେହି ମାସ ୨୧ ତାରିଖରେ ବଦଳି ହୋଇଛି। ତେଣୁ ଚାଷୀମାନେ ପାଳନ କରିଥିବା ଗୋରୁ, ଛେଳି, ମେଣ୍ଢା, କୁକୁଡ଼ା ଆଦିଙ୍କ ଚିକିତ୍ସା ସେବା ବିପର୍ଯ୍ୟସ୍ତ ହୋଇପଡ଼ିଛି। ଉପଯୁକ୍ତ ସମୟରେ ଚିକିତ୍ସା ଓ ପରାମର୍ଶ ମିଳୁ ନ ଥିବାରୁ ବହୁ ପ୍ରାଣୀଧନଙ୍କ ଜୀବନହାନି ମଧ୍ୟ ଘଟୁଛି। ଫଳରେ ବ୍ୟାଙ୍କରୁ ଋଣ କରି ପ୍ରାଣୀ ପାଳନ କରିଥିବା ଚାଷୀମାନେ କ୍ଷତି ସହିବାକୁ ବାଧ୍ୟ ହେଉଛନ୍ତି। ବାରମ୍ବାର ଅଭିଯୋଗ ପରେ ମଧ୍ୟ ଅନୁଗୋଳ ଜିଲା ପ୍ରଶାସନ ଏ ଦିଗରେ ଧ୍ୟାନ ଦେଉ ନ ଥିବାରୁ ଖମାର ପ୍ରାଣୀ ଚିକିତ୍ସାକେନ୍ଦ୍ରରେ ଏବେ ଜଣେ ମାତ୍ର ପିଅନ ଅଛନ୍ତି। ସେହିପରି ବଡ଼ସଡାଠାରେ ଥିବା ଉପ ଚିକିତ୍ସାକେନ୍ଦ୍ର ପରିତ୍ୟକ୍ତ ଅବସ୍ଥାରେ ପଡ଼ିଛି। ନୂଆ କୋଠା ନିର୍ମାଣ ହେବା ଦିନଠାରୁ ଏଠାରେ ଜଣେ ହେଲେ ଡାକ୍ତର କି କର୍ମଚାରୀ ନିଯୁକ୍ତି ଦିଆଯାଇ ନାହିଁ। ଫଳରେ ଉକ୍ତ କୋଠାରେ ଅସାମାଜିକମାନେ ଆଡ୍ଡା ଜମାଉଛନ୍ତି। ଲକ୍ଷାଧିକ ଟଙ୍କା ବ୍ୟୟରେ ଭିତ୍ତିଭୂମି ନିର୍ମାଣ କରାଯାଉଥିଲେ ମଧ୍ୟ ତାହାକୁ କାର୍ଯ୍ୟରେ ଲଗାଯାଉ ନ ଥିବାରୁ ସରକାର ଅର୍ଥର ଅପବ୍ୟୟ ହେଉଛି। ତୁରନ୍ତ ଏ ଦିଗରେ ରାଜ୍ୟ ସରକାର ଦୃଷ୍ଟି ନ ଦେଲେ ଖମାର ଅଞ୍ଚଳର ଚାଷୀ, ଯୁବତୀ ଯୁବକମାନେ ପ୍ରାଣୀଧନ ପାଳନରୁ ମୁହଁ ଫେରାଇ ନେବେ ସାଧାରଣରେ ମତପ୍ରକାଶ ପାଉଛି।

ପ୍ରଶାସନର ଅବହେଳା ଦାୟୀ
ଖମାର ଅଞ୍ଚଳରେ ହଜାର ହଜାର ସଂଖ୍ୟାରେ ଗୋରୁ, କୁକୁଡ଼ା, ଛେଳି ଅଛନ୍ତି। କିନ୍ତୁ ପ୍ରଶାସନର ଅବହେଳା କାରଣରୁ ପ୍ରାଣୀଧନଙ୍କୁ ଚିକିତ୍ସା ସେବା ମିଳିପାରୁ ନାହିଁ। ଦୀର୍ଘ ଦିନ ହେବ ଏଠି ପ୍ରାଣୀଧନ ଚିକିତ୍ସକ ନ ଥିବାରୁ ଚାଷୀମାନେ ଅସୁବିଧାର ସମ୍ମୁଖୀନ ହେଉଛନ୍ତି। ସମସ୍ୟାର ତୁରନ୍ତ ସମାଧାନ ନ ହେଲେ ରାସ୍ତାକୁ ଓହ୍ଲାଇବାକୁ ବାଧ୍ୟ ହେବୁ।
-ମୀନା ପ୍ରଧାନ, ଓଡ଼ଶ

ଗୋ ପାଳନ ପ୍ରତି ଆଗ୍ରହ କମୁଛି
ଗାଈ ପାଳନ ପାଇଁ ପୂର୍ବରୁ ଲୋକଙ୍କ ମଧ୍ୟରେ ଆଗ୍ରହ ଦେଖାଯାଉଥିଲା। କିନ୍ତୁ ଚିକିତ୍ସା ବ୍ୟବସ୍ଥା ନେଇ ଲୋକେ ବର୍ଷ ବର୍ଷ ଧରି ହଇରାଣ ହେଉଥିବାରୁ ସେଥିପ୍ରତି ଆଉ ମନ ବଳାଉ ନାହାନ୍ତି। ବିଶେଷକରି ଗାଈମାନଙ୍କ ପ୍ରଜନନ କ୍ଷେତ୍ରରେ ଅସୁବିଧା ହେଉଛି। ବ୍ୟାଙ୍କରୁ ଗୋ ପାଳନ ପାଇଁ ଋଣ ମଧ୍ୟ ଠିକ୍‌ ଭାବେ ପ୍ରଦାନ କରାଯାଉ ନାହିଁ।
-ଅନସୂୟା ଦେହୁରୀ, ଶଙ୍ଖମୁର

କ୍ଷତି ସହୁଛନ୍ତି ଚାଷୀ
ପୂର୍ବରୁ ଯୋଗାଯୋଗ କ୍ଷେତ୍ରରେ ଅସୁବିଧା ଯୋଗୁ ପ୍ରାଣୀଧନଙ୍କ ଚିକିତ୍ସାରେ ବିଳମ୍ବ ହେଉଥିଲା। ହେଲେ ଏବେ ସେହି ସମସ୍ୟା ନ ଥିଲେ ମଧ୍ୟ ପ୍ରାଣୀ ଚିକିତ୍ସାଳୟରେ ଡାକ୍ତର ନାହାନ୍ତି। ଫଳରେ ଗୋରୁ, ଛେଳି, ମେଣ୍ଢା ରଖିଥିବା ଚାଷୀ ହଇରାଣ ହେବା ସହ କ୍ଷତି ସହୁଛନ୍ତି। ସରକାର ଡାକ୍ତର ନିଯୁକ୍ତି ନ ଦେଲେ ଗୋ ପାଳନରୁ ନିବୃତ୍ତ ରହିବୁ।
-ଭୂୟାଁ ସେଠୀ, ଶଙ୍ଖମୁର

ସମସ୍ୟା ବଢ଼ି ଚାଲିଛି
ଖେମଳା ପଞ୍ଚାୟତରେ ଥିବା ପ୍ରାଣୀ ଚିକିତ୍ସାଳୟରେ ବର୍ଷ ବର୍ଷ ଧରି ଚିକିତ୍ସକ ନାହାନ୍ତି। ପ୍ରାଣୀଧନଙ୍କ ଚିକିତ୍ସା ଆବଶ୍ୟକ ପଡ଼ିଲେ ଖମାରରୁ ଡାକ୍ତର ଆସୁଥିଲେ। କିନ୍ତୁ ଖମାରରେ ଏବେ ଉକ୍ତ ପଦବୀ ଖାଲି ପଡ଼ିଥିବାରୁ ସେହି ସୁବିଧା ଆଉ ଚାଷୀଙ୍କୁ ମିଳିପାରୁ ନାହିଁ। ଫଳରେ ସମସ୍ୟା ବଢ଼ି ଚାଲିଛି।
-କ୍ଷିତୀସ ଗଡ଼ନାୟକ, ଖେମଳା

ଆମ ହାତରେ କିଛି ନାହିଁ
ଆମ ହାତରେ କିଛି ନାହିଁ। ସରକାର ଚାହିଁଲେ ହିଁ ସବୁ ଖାଲି ପଦବୀ ପୂରଣ ହେବ। ଏବେ ୨ଜଣ ଏଲ୍‌ଆଇଙ୍କୁ ଅସ୍ଥାୟୀ ଭାବେ ଖମାର ଅଞ୍ଚଳର ପ୍ରାଣୀଧନଙ୍କ ଚିକିତ୍ସା ଦାୟିତ୍ୱ ପ୍ରଦାନ କରାଯାଇଛି। ଆଗାମୀ ଦିନରେ ଉପରିସ୍ଥ ପ୍ରଶାସନ ଚାହିଁଲେ ଉତ୍ତମ ସେବା ଯୋଗାଇ ଦିଆଯିବ।
-ଜିତେନ୍ଦ୍ର ସାହୁ,
ବ୍ଲକ ପ୍ରାଣୀଧନ ଚିକିତ୍ସାଧିକାରୀ, ପାଲଲହଡ଼ା


Enter your email to get our daily news in your inbox.

All Right Reserved By Dharitri.Com

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମାଛ ଧରୁଥିଲେ ଧର୍ମପଦ: ଟାଣିନେଲା କୁମ୍ଭୀର, ଆଉ ତା’ପରେ ଯାହା ଘଟିଲା…

ମହାକାଳପଡ଼ା,୧୭।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲାରେ ପୁଣି କୁମ୍ଭୀର ଆତଙ୍କ। ନଦୀରେ ଡଙ୍ଗାରେ ଜାଲ ପକାଇ ମାଛ ଧରୁଥିବା ବେଳେ ଜଣେ ଯୁବ ମତ୍ସ୍ୟଜୀବୀଙ୍କୁ ଆକ୍ରମଣ କରିଛି…

ରିଟେନ୍ସନ ପୂର୍ବରୁ SRH ଫ୍ୟାନ୍‌ଙ୍କୁ ବଡ଼ ଝଟକା! IPL ୨୦୨୭ରୁ ବାଦ୍‌ ପଡ଼ିଲେ ଷ୍ଟାର୍‌ ଓପନର୍‌, ଜାଣନ୍ତୁ କାହିଁକି…

ନୂଆଦିଲ୍ଲୀ,୧୭।୧୧: ଅଷ୍ଟ୍ରେଲିଆର ବିସ୍ଫୋରକ ବ୍ୟାଟର୍‌ ଟ୍ରାଭିସ ହେଡ୍‌ IPL ୨୦୨୭ରେ ଖେଳିବେ ନାହିଁ। ଏହାର ଅର୍ଥ ଆଗାମୀ ସିଜିନରେ ସନରାଇଜର୍ସ ହାଇଦ୍ରାବାଦ (SRH) ପକ୍ଷରୁ ଅଭିଷେକ ଶର୍ମା…

ମୃତ୍ୟୁକୁ ଆମନ୍ତ୍ରଣ କରୁଛି ଖୋଲା ଟ୍ରାନ୍ସଫର୍ମର, ତେଜୁଛି ଜନଅସନ୍ତୋଷ

କର୍ଲାମୁଣ୍ଡା:୧୭।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧୀନ ଗଜବାହାଲ ପଞ୍ଚାୟତ ଅବୁଜବାହାଲ ଗାଁ ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ ବିଦ୍ୟୁତ୍‌ ଟ୍ରାନ୍ସଫର୍ମର ବିନା…

ବରଗଡ଼ରେ କିଷାନ୍ ମହାପଞ୍ଚାୟତ: ରାଲିରେ ସାମିଲ ହେଲେ ରାଷ୍ଟ୍ରୀୟ କୃଷକ ନେତା

ବରଗଡ଼,୧୭।୧୧(ପ୍ରେମାନନ୍ଦ ଖମାରୀ):କୃଷକଙ୍କ ହକ୍, ଅଧିକାର ପାଇଁ ମଙ୍ଗଳବାର ବରଗଡ଼ ସହରରେ କିଷାନ୍ ମହାପଞ୍ଚାୟତ ଆୟୋଜିତ ହୋଇଛି। ଏଥିରେ ଅନେକ ରାଷ୍ଟ୍ରୀୟ କୃଷକ ନେତାଙ୍କ ସମେତ ହଜାର ହଜାର…

‘ଆଜି ବିଶ୍ୱକୁ ଅଧିକ ଶାନ୍ତି, ସ୍ଥିରତା ଏବଂ ନିଶ୍ଚିତତାର ଆବଶ୍ୟକତା ରହିଛି,’ ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ମୋଦି

ମନିଲା,୧୭।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ଅଂଶଗ୍ରହଣ କରୁଛନ୍ତି। ମଙ୍ଗଳବାର (ନଭେମ୍ବର ୧୭) ସମ୍ମିଳନୀର ଆରମ୍ଭରେ ସେ କହିଲେ ଯେ ଆମ ପାଖରେ…

ଇକୋ ରିଟ୍ରିଟ ବୁଲିଲେ କନ୍ଧମାଳ ସାଂସଦ: ଶୁଣିଲେ ଲୋକଙ୍କ ଅଭିଯୋଗ, ଦେଲେ ବଡ଼ ପ୍ରତିଶ୍ରୁତି

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): ଓଡ଼ିଶାର କଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପର୍ଯ୍ୟଟନ ଭିତ୍ତିଭୂମି ଓ ବିକାଶ ସମ୍ଭାବନାକୁ ନେଇ ଆଲୋଚନା କରିଛନ୍ତି କନ୍ଧମାଳ ସାଂସଦ ସୁକାନ୍ତ…

୫୮ ବର୍ଷ, ୨୫ ଟେଷ୍ଟ, ମାତ୍ର ୫ଟି ବିଜୟ, ନ୍ୟୁଜିଲ୍ୟାଣ୍ଡରେ ଭାରତୀୟ ଦଳର ରେକର୍ଡ ଅତ୍ୟନ୍ତ ନୈରାଶ୍ୟଜନକ

ନୂଆଦିଲ୍ଲୀ,୧୭।୧୧: T20 ସିରିଜରେ ଚମତ୍କାର ପ୍ରଦର୍ଶନ ପରେ, ଭାରତୀୟ ଦଳ ODI ସିରିଜରେ ମଧ୍ୟ ନିଜର ଦମଦାର ଫର୍ମ ବଜାୟ ରଖି ୩-୧ରେ ସିରିଜ ଜିତିନେଇଛି। ତେବେ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?