ନୂଆଦିଲ୍ଲୀ,୧୨।୧୨: ବିବାହ ବନ୍ଧନରେ ଆଉ ଜଣେ କ୍ରିକେଟର। ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୦ରେ ବୋଲିଂ କରି ବାହାବା ସାଉଁଟିଥିବା ମିଷ୍ଟ୍ରି ସ୍ପିନର ବରୁଣ ଚକ୍ରବର୍ତ୍ତୀ ନିଜ ପ୍ରେମିକାଙ୍କୁ ବିବାହ କରିଛନ୍ତି। ସମସ୍ତ ରୀତିନୀତି ଅନୁଯାୟୀ ପରିବାର ଏବଂ ବନ୍ଧୁଙ୍କ ଗହଣରେ ବିବାହ ସମ୍ପନ୍ନ ହୋଇଛି। ବରୁଣଙ୍କ ବିବାହର ଫଟୋକୁ କ୍ରିକେଟର ଅରୁଣ କାର୍ତ୍ତିକ ନିଜ ସୋସିଆଲ ପୃଷ୍ଠାରେ ଶେୟାର କରିଥିଲେ। ଏହା ଏବେ ଭାଇରାଲ ହେଉଛି। ପ୍ରଶଂସକମାନେ ତାଙ୍କୁ ଶୁଭେଚ୍ଛା ଜଣାଉଛନ୍ତି।
ଆଇପିଏଲ୍ରେ ଭଲ ପ୍ରଦର୍ଶନ କରିବା ହେତୁ ଭାରତ ଏକାଦଶ ଟିମ୍ରେ ସାମିଲ ହୋଇଥିଲେ ବରୁଣ। ହେଲେ ଆଘାତ ଲାଗିବା କାରଣରୁ ସେ ଅଷ୍ଟ୍ରେଲିଆ ସିରିଜରେ ଖେଳିପାରି ନ ଥିଲେ। ତାଙ୍କ ସ୍ଥାନରେ ନଟରାଜନଙ୍କୁ ଦଳରେ ସାମିଲ କରାଯାଇଥିଲା। ଏବେ ପର୍ଯ୍ୟନ୍ତ ୧୪ଟି ଟି୨୦ ଖେଳିଥିବା ବରୁଣ ୧୮ଟି ଉଇକେଟ ନେବାରେ ସଫଳ ହୋଇଛନ୍ତି।
