ନୂଆଦିଲ୍ଲୀ,୧୪ ।୨: ବିଶେଷ ଦିନମାନଙ୍କରେ ଡୁଡଲ କରି ସଭିଙ୍କୁ ଶୁଭେଚ୍ଛା ବାର୍ତ୍ତା ଦେଉଥିବା ବିଶ୍ୱର ଅଗ୍ରଣୀ ସର୍ଚ୍ଚ ଇଞ୍ଜିନ ଗୁଗଲ ଏଥର ଭାଲେଣ୍ଟାଇନ ଡେ’ ୨୦୨୨ ଅବସରରେ ବି ସ୍ୱତନ୍ତ୍ର ଡୁଡଲ ତିଆରି କରିଛି । ଡୁଡଲରେ ଏଥର ହାମଷ୍ଟର(ପକ୍ଷୀ)ର ଯୋଡିକୁ ପ୍ରତିକ ଭାବେ ନେଇ ଗୁଗଲ ସାରା ବିଶ୍ୱକୁ ପ୍ରେମର ବାର୍ତ୍ତା ଦେଇଛି । ଏହା ଏହି ପକ୍ଷୀ ଯୁଗଳକୁ ପୁଣିଥରେ ଏକାଠି ହେବାର ବାର୍ତ୍ତା ଦେଇଛି । ଏହି ପକ୍ଷୀଦ୍ୱୟ ଭୁଲରେ ଅଲଗା ହୋଇଯାଇଥିଲେ । ଗୁଗଲ ଏହି ହାମଷ୍ଟର ପକ୍ଷୀ ଯୋଡିଙ୍କୁ ନିଜ ଲୋଗୋ ସହ ପ୍ରସ୍ତୁତ କରିଛି ।
ବିଶ୍ୱକୁ ପ୍ରେମର ବାର୍ତ୍ତା ଦେଉଥିବା ସନ୍ଥ ଭାଲେଣ୍ଟାଇନଙ୍କ ସ୍ମୃତିରେ ଏହି ଦିବସ ସାରା ବିଶ୍ୱରେ ପାଳନ କରାଯାଇଥାଏ । ବିଶେଷ ଭାବେ ପ୍ରେମୀ ଯୁଗଳ ଏହାକୁ ବିଶେଷ ଢଙ୍ଗରେ ପାଳନ କରି ଥାଆନ୍ତି ।
