ବଜେଟରେ ଆସିପାରେ ଭାକ୍ସିିନ ସେସ୍‌

ନୂଆଦିଲ୍ଲୀ: କରୋନା ଭାକ୍ସିନ କାର୍ଯ୍ୟକାରୀ କରାଇବା ଲାଗି ବଜେଟରେ ନୂଆ ସେସ୍‌ ଲାଗୁ ହୋଇପାରେ। ଏ ନେଇ ବର୍ତ୍ତମାନ ଜୋର୍‌ଦାର ଚର୍ଚ୍ଚା ଆରମ୍ଭ ହୋଇଛି। ବର୍ତ୍ତମାନ ସରକାରଙ୍କ ରାଜସ୍ବ କ୍ଷତିଗ୍ରସ୍ତ ହୋଇ ରହିଛି। ରାଜକୋଷକୁ ଅଧିକ ପାଣ୍ଠି ଆବଶ୍ୟକ ପଡୁଛି। ସେହିଭଳି ପ୍ରତିରକ୍ଷା ଲାଗି ଅଧିକ ଖର୍ଚ୍ଚ କରିବାକୁ ପଡୁଛି। ଏଭଳି ସ୍ଥିତିରେ ଫେବୃୟାରୀ ପହିଲାରେ ଆସିବାକୁ ଥିବା ବଜେଟରେ ସରକାର ‘ଭାକ୍ସିନ ସେସ୍‌’ ଲାଗୁ କରାଇବା ନେଇ ଘୋଷଣା କରିପାରନ୍ତି।
ବର୍ତ୍ତମାନ ଅର୍ଥ ବ୍ୟବସ୍ଥା ଧୀରେ ଧୀରେ ସ୍ବାଭାବିକ ସ୍ଥିତିକୁ ଫେରୁଛି। ରାଜସ୍ବ ସଂଗ୍ରହରେ ମଧ୍ୟ ପରିବର୍ତ୍ତନ ଦେଖାଯାଇଛି। ପ୍ରଥମ ତ୍ରୈମାସରେ ଟିକସ ସଂଗ୍ରହ ଖସି ଯାଇଥିଲା। ବିଭିନ୍ନ ଚ୍ୟାଲେଞ୍ଜ ସତ୍ତ୍ୱେ ବଜାର ଟ୍ରାକ୍‌କୁ ଫେରୁଛି। ହେଲେ ବଜେଟରେ ଯେଉଁ ଟିକସ ଧାର୍ଯ୍ୟ ଲକ୍ଷ୍ୟ ରହିଥିଲା ତାହା ହାସଲ କରିବାକୁ ସରକାର ସକ୍ଷମ ହେବେ ନାହିଁ। କରୋନା ବଜାରକୁ କ୍ଷତିଗ୍ରସ୍ତ କରିଥିବା ବେଳେ ଆର୍ଥତ୍କ କାର୍ଯ୍ୟକଳାପ ବିଶେଷ କରି ଭିତ୍ତିଭୂମି ଏବଂ ନିଯୁକ୍ତି ସୃଷ୍ଟି କରୁଥିବା କ୍ଷେତ୍ରଗୁଡିକୁ ସରକାର ଗୁରୁତ୍ୱ ଦେଇପାରନ୍ତି। ଏହା କରିବାକୁ ହେଲେ ସରକାରଙ୍କୁ ଅଧିକ ଖର୍ଚ୍ଚ କରିବାକୁ ପଡ଼ିପାରେ। ଭାକ୍ସିନ ଲାଗୁ କରାଇବା ଲାଗି ଯେଉଁ ଖର୍ଚ୍ଚ ଆସିବ ତା’ର ଭାର ଉଠାଇବା ଲାଗି କେନ୍ଦ୍ର ରାଜି ଅଛି। ଫଳରେ ସରକାରଙ୍କ ଲାଗି ଏହା ଆଉ ଏକ ବୋଝ ହେବ। ଭାକ୍ସିନ କାର୍ଯ୍ୟକାରୀ କରାଗଲେ ସରକାରଙ୍କୁ ୬୦ ହଜାର କୋଟି ଟଙ୍କା ଖର୍ଚ୍ଚ କରିବାକୁ ପଡିବ ବୋଲି ଆକଳନ କରାଯାଇଛି।
ପ୍ରାଥମିକ ଅର୍ଡର ଭାବେ ସରକାର ୧୧ ନିୟୁତ ସଟ୍ସ ବ୍ୟବସ୍ଥା କରିବେ। ଏଥିଲାଗି ପ୍ରାୟ ୨୨୦ କୋଟି ଟଙ୍କା ଖର୍ଚ୍ଚ କରାଯିବ। ଏହି ଅର୍ଥ ପିଏମ୍‌ କେୟାର ପାଣ୍ଠିରୁ ପ୍ରଦାନ କରାଯିବ। ରାଜସ୍ବ ହ୍ରାସକୁ ଭରଣାକରିବା ଲାଗି ଟିକସ କିମ୍ବା ସେସ୍‌ ଲାଗୁ କରାଇବାକୁ ଲକ୍‌ଡାଉନ ବେଳେ ଟିକସ ଅଧିକାରୀମାନେ ସରକାରଙ୍କୁ ପରାମର୍ଶ ଦେଇଥିଲେ। ଏହା ଟିକସ ଲାଗୁ କରାଇବା ଲାଗି ଠିକ୍‌ ସମୟ ନୁହେଁ ବୋଲି କହି ଅର୍ଥ ମନ୍ତ୍ରଣାଳୟ ଏହି ପ୍ରସ୍ତାବକୁ ଟାଳିଦେଇଥିଲା। ଏହା ପରେ ସରକାର ପେଟ୍ରୋଲ ଏବଂ ଡିଜେଲ ଉପରେ ଟିକସ ବଢ଼ାଇ ଦେଇଥିଲେ। ରାଜ୍ୟ ସରକାରଗୁଡିକ ମଧ୍ୟ ମଦ ଉପରେ ମଧ୍ୟ ଟିକସ ବଢାଇଥିଲେ। ବର୍ତ୍ତମାନ ମଦ ଉପରେ ଟିକସ କମିଥିଲେ ମଧ୍ୟ କେନ୍ଦ୍ର ସରକାର ଇନ୍ଧନ ଉପରୁ ଉତ୍ପାଦ ଟିକସ କମାଇବା ଦେଖାଯାଉନାହିଁ। ବର୍ତ୍ତମାନ ଅର୍ଥ ବ୍ୟବସ୍ଥାରେ ପୁଣି ଥରେ ଆଶା ଦେଖାଯାଉଛି। ଏଭଳି ସ୍ଥିତିରେ କେତେଜଣ ସରକାରୀ ଅଧିକାରୀ ଏବଂ ଟିକସ କନ୍‌ସଲଣ୍ଟାଣ୍ଟ ଭାକ୍ସିନ ନାମରେ ସ୍ବଳ୍ପ ପରିମାଣର ଟିକସ ଲାଗୁ କରାଇବା ସପକ୍ଷରେ ରହିଛନ୍ତି। ଆୟ ଉପରେ ଯଦି ୧ରୁ ୨% ସେସ୍‌ ଲାଗେ ତେବେ ଏହା ବେଶି ପ୍ରଭାବ ପକାଇ ନ ପାରେ ବୋଲି ଏକ ପ୍ରମୁଖ ଫାର୍ମର ଜଣେ କନ୍‌ସଲଣ୍ଟାଣ୍ଟ କହିଛନ୍ତି। ପୂର୍ବରୁ ମଧ୍ୟ ସରକାର ହେଲ୍‌ଥ ସେସ୍‌ ଲାଗୁ କରାଇଛନ୍ତି। ପରୋକ୍ଷ ଟିକସ ଉପରେ ଏବେ ସେସ୍‌ ଏବଂ ସରଚାର୍ଜ ଲାଗୁ ହେଉନାହିଁ। ଜିଏସ୍‌ଟି ଲାଗୁହେବା ପରେ ବିଳାସପୂର୍ଣ୍ଣ ସାମଗ୍ରୀ, ମଦ, ପାନମସଲା, ଗୁଟ୍‌ଖା ଏବଂ ଅନ୍ୟ ତମାଖୁ ସାମଗ୍ରୀ ଉପରେ କ୍ଷତିପୂରଣ ସେସ୍‌ ଲାଗୁ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଅଭିବୃଦ୍ଧି ଲାଗି ସରକାର,ଆର୍‌ବିଆଇ ସମନ୍ବୟ ଜରୁରୀ:ଶକ୍ତିକାନ୍ତ ଦାସ

ମୁମ୍ବାଇ,୨୮-୬: ଦେଶର ଅଭିବୃଦ୍ଧି ତ୍ୱରାନ୍ବିତ କରିବା ଲାଗି ସରକାର ଏବଂ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସମନ୍ବୟ ରଖି କାର୍ଯ୍ୟ କରିବା ରଆବଶ୍ୟକତା ରହିଛି। ସେହିଭଳି ବ୍ୟବସ୍ଥାଗତ...

ଜେଟ୍‌ ଏୟାରଓ୍ବେଜ୍‌ର ବିଡିଂରେ ସାମିଲ ହେବେ ହିନ୍ଦୁଜା ଭ୍ରାତା

ନୂଆଦିଲ୍ଲୀ,୨୨-୫: ଆର୍ଥିକ ସଙ୍କଟ କାରଣରୁ ସାମୟିକ ବନ୍ଦ ହୋଇଯାଇଥିବା ଘରୋଇ ବିମାନ କମ୍ପାନୀ ଜେଟ୍‌ ଏୟାରଓ୍ବେଜର ବିଡିଂରେ ହିନ୍ଦୁଜା ଭ୍ରାତା ଭାଗ ନେବେ। ଚଳିତ ସପ୍ତାହରେ...

ବଜେଟ ୨୦୨୧-୨୨

ମୁଖ୍ୟାଂଶ ସ୍ବାସ୍ଥ୍ୟ ବଜେଟ ୯୪,୦୦୦ କୋଟିରୁ ୨.୩୮ ଲକ୍ଷ କୋଟିକୁ ବୃଦ୍ଧି ଆରମ୍ଭ ହେବ ପ୍ରଧାନମନ୍ତ୍ରୀ ଆତ୍ମନିର୍ଭର ସ୍ବସ୍ଥ ଭାରତ ଯୋଜନା କୋଭିଡ୍‌ ଟିକା ପାଇଁ...

ଡିବିଟିରେ ୩୬,୬୫୯ କୋଟି

ନୂଆଦିଲ୍ଲୀ,୨୦।୪: ସୁବିଧାର ପ୍ରତ୍ୟକ୍ଷ ହସ୍ତାନ୍ତର(ଡିବିଟି) ଦ୍ୱାରା ଦେଶର ୧୬.୦୧ କୋଟି ଲୋକଙ୍କ ପାଖକୁ ସରକାର ୩୬,୬୫୯ କୋଟି ଟଙ୍କା ପଠାଇଛନ୍ତି। ପବ୍ଲିକ ଫାଇନାନ୍ସ ମ୍ୟାନେଜମେଣ୍ଟ ସିଷ୍ଟମ(ପିଏଫ୍‌ଏମ୍‌ଏସ୍‌)ରେ...

ପ୍ଲାଟ୍‌ଫର୍ମ ଟିକେଟ ହେବ ମହଙ୍ଗା

ମୁମ୍ବାଇ: ପ୍ଲାଟ୍‌ଫର୍ମ ଟିକେଟ ମୂଲ୍ୟ ବୃଦ୍ଧି ଦ୍ୱାରା ରାଜସ୍ବ ବଢ଼ାଇବା ଲାଗି ରେଲଓ୍ବେ ଯୋଜନା ରଖିଛି। ଦେଶର ବଛା ବଛା ଷ୍ଟେଶନରେ ପ୍ଲାଟ୍‌ଫର୍ମ ଟିକେଟ ମୂଲ୍ୟ...

ପୋଷ୍ଟ ଅଫିସ୍‌ରେ ହେବ ଆୟକର ରିଟର୍ନ

ଭୁବନେଶ୍ୱର,୧୮।୭: ଦେଶର ସମସ୍ତ କରଦାତାଙ୍କ ପାଇଁ ରିଟର୍ନ ଦାଖଲ କରିବା ପ୍ରକ୍ରିୟାକୁ ଆହୁରି ସରଳ କରିଛି ଆୟକର ବିଭାଗ। ବର୍ତ୍ତମାନ କରଦାତା ନିକଟରେ ଥିବା ଡାକଘରେ ସେମାନଙ୍କର...

ଜେଟ୍‌ଲୀଙ୍କ ସ୍ବାସ୍ଥ୍ୟାବସ୍ଥାକୁ ନେଇ ଗୁଜବ

ନୂଆଦିଲ୍ଲୀ,୨୭-୫: କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ନେଇ ସୋସିଆଲ ମିଡିଆରେ ହେଉଥିବା ପ୍ରଚାର ଏକ ଗୁଜବ ବୋଲି ସରକାରୀ ମୁଖପାତ୍ର କହିଛନ୍ତି।...

ଟିକସ ସଂଗ୍ରହ ୨୨.୫% କମିଲା

ନୂଆଦିଲ୍ଲୀ,୧୭।୯: ଚଳିତ ଆର୍ଥତ୍କ ବର୍ଷ ଦ୍ୱିତୀୟ ତ୍ରୈମାସ ଶେଷ ସୁଦ୍ଧା କେନ୍ଦ୍ର ସରକାରଙ୍କ ମୋଟ ଟିକସ ସଂଗ୍ରହ ୨୨.୫% ହ୍ରାସ ଘଟିଛି। ସେପ୍ଟେମ୍ବର ୧୫ ସୁଦ୍ଧା...

Advertisement


Archives

Model This Week

Why Dharitri