ୱାଶିଂଟନ,୨୦ ।୧୧: ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ନାତୁଣୀ ନାଓମି ବାଇଡେନଙ୍କର ରବିବାର ହ୍ୱାଇଟ ହାଉସରେ ବିବାହ ସମ୍ପନ୍ନ ହୋଇଛି । ହ୍ୱାଇଟ ହାଉସରେ ଆୟୋଜିତ ଏକ ପ୍ରାଇଭେଟ ପାର୍ଟିରେ ସେ ପିଟର ନୀଲଙ୍କୁ ବିବାହ କରିଛନ୍ତି । ମିଡିଆ ରିପୋର୍ଟ ଅନୁଯାୟୀ, ନାଓମି ସାଉଥ ଲନରେ ବିବାହ କରିଛନ୍ତି ।
ମିଡିଆ ରିପୋର୍ଟ ଅନୁଯାୟୀ ପ୍ରାୟ ଗୋଟିଏ ଦଶକରୁ ଅଧିକ ସମୟ ପରେ ଏମିତି ପ୍ରଥମ ଥର ହୋଇଛି ହ୍ୱାଇଟ ହାଉସରେ ଏକ ବିବାହ କାର୍ଯ୍ୟକ୍ରମ ଆୟୋଜନ କରାଯାଇଛି । କେବଳ ଏତିକି ନୁହେଁ ହ୍ୱାଇଟ ହାଉସ ଇତିହାସରେ ପ୍ରଥମ ଥର ଲାଗି କୌଣସି ରାଷ୍ଟ୍ରପତିଙ୍କ ନାତି/ନାତୁଣୀଙ୍କର ବିବାହ ହୋଇଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ହ୍ୱାଇଟ ହାଉସରେ ବିବାହ ପରେ ସେଠାରେ ଲଞ୍ଚ କରାଯାଇଥିଲା ଯେଉଁଥିରେ ବାଇଡେନ ପରିବାରର ନିକଟତମମାନେ ସାମିଲ ହୋଇଥିଲେ ।
ନିଜ ନାତୁଣୀଙ୍କ ବାହାଘରକୁ ନେଇ ଉତ୍ସାହିତ ଥିବା ରାଷ୍ଟ୍ରପତି ଜୋ ବାଇଡେନ ଓ ଫାଷ୍ଟ ଲେଡି ଜିଲ ବାଇଡେନ ତାଙ୍କୁ ଶୁଭେଚ୍ଛା ଜଣାଇଛନ୍ତି । ସେମାନେ ଟୁଇଟ କରି କହିଛନ୍ତି ନାଓମି ଓ ପିଟର ତୁମକୁ ଶୁଭେଚ୍ଛା, ଆମେ ତୁମକୁ ଭଲପାଉ ।
ସୂଚନାଯୋଗ୍ୟ, ୨୦୨୧ରେ ନାଓମି ଓ ପିଟର ଏକ ଇନଷ୍ଟାଗ୍ରାମ ପୋଷ୍ଟ ଜରିଆରେ ସେମାନଙ୍କ ବିବାହ ଘୋଷଣା କରିଥିଲେ । ସେମାନଙ୍କ ଏହି ପୋଷ୍ଟ ପରେ କମେଣ୍ଟ ବକ୍ସରେ ସେମାନଙ୍କ ପ୍ରଶଂସକ ଶୁଭେଚ୍ଛା ଜଣାଇ ସ୍ୱାଗତ କରିଥିଲେ । ମିଡିଆ ରିପୋର୍ଟ ଅନୁଯାୟୀ, ବର୍ଷ ଆରମ୍ଭରୁ ହିଁ ଏମାନେ ସୂଚନା ଦେଇଥିଲେ କି ଏମାନେ କେଉଁଠି ବିବାହ କରିବେ ।
ସୂଚନା ଅନୁଯାୟୀ, ହ୍ୱାଇଟ ହାଉସରେ ୨୦୧୩ରେ ଶେଷ ଥର ପାଇଁ ଏକ ବିବାହ ଅନୁଷ୍ଠିତ ହୋଇଥିଲା । ରାଷ୍ଟ୍ରପତିଙ୍କ ଫଟୋଗ୍ରାଫର ପିଟ ସୁଜା ରୋଜ ଗାର୍ଡନରେ ତାଙ୍କ ପାର୍ଟନର ପଟ୍ଟି ଲିଜଙ୍କ ସହ ବିବାହ ପାଇଁ ଉଭୟ ଏକାଠି ରହିବାକୁ କଥା ଦେଇଥିଲେ ।
୨୮ ବର୍ଷିୟା ନାଓମି ବାଇଡେନ କଲମ୍ବିଆ ଲ ସ୍କୁଲରେ ପାଠ ପଢିଛନ୍ତି । ଏପଟେ ପିଟର ବି ଆଇନ ଛାତ୍ର । ଏହା ପୂର୍ବରୁ ହ୍ୱାଇଟ ହାଉସର କିଛି କାର୍ଯ୍ୟକ୍ରମରେ ସେ ଇଣ୍ଟର୍ନଶିପ କରି ସାରିଛନ୍ତି ।
Congratulations Naomi and Peter! We love you. pic.twitter.com/aIEatnDQhm
— Jill Biden (@FLOTUS) November 19, 2022
