ମୁମ୍ବାଇ,୫ା୩: ନଭି ମୁମ୍ବାଇସ୍ଥିତ ଡା. ଡି.ଓ୍ବାଇ. ସ୍ପୋଟର୍ସ ଏକାଡେମୀରେ ରବିବାର ଖେଳାଯାଇଥିବା ମହିଳା ପ୍ରିମିୟର ଲିଗ୍ର ତୃତୀୟ ମ୍ୟାଚରେ ୩ ଉଇକେଟରେ ୟୁପି ଓ୍ବାରିୟର୍ଜ ରୋମାଞ୍ଚକ ବିଜୟ ହାସଲ କରିଛି। ଅନ୍ୟପକ୍ଷେ ଗୁଜରାଟ ଜାଏଣ୍ଟ୍ସ କ୍ରମାଗତ ଦ୍ୱିତୀୟ ପରାଜୟ ବରଣ କରିଛି।
ଗୁଜରାଟ ଜାଏଣ୍ଟ୍ସ ନିଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୧୬୯ ରନ୍ କରିଥିଲା। ହେଲେ ୟୁପି ବ୍ୟାଟିଂ କରିବାକୁ ଆସି ୧୦୫ ରନ୍ରେ ୭ ଉଇକେଟ ହରାଇଥିବା ବେଳେ ଗ୍ରେସ୍ ହାରିସ ୨୬ ବଲରେ ୫୯ ରନ୍(୭ ଚୌକା, ୩ ଛକା) ଓ ସୋଫି ଏକଲେଷ୍ଟୋନ ୧୨ ବଲରେ ୨୨ ରନ୍(୧ ଚୌକା, ୧ ଛକା) ଅସମାପ୍ତ ୮ମ ଉଇକେଟରେ ୨୬ ବଲ୍ରୁ ୭୦ ରନ୍ର ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦଳକୁ ବିଜୟୀ କରାଇଥିଲେ। ଗୁଜରାଟର କିମ୍ ଗାର୍ଥ ୫ ଉଇକେଟ ଅକ୍ତିଆର କରିଥିଲେ।
