ମାର୍ଶାଘାଇ,୧୩।୮ (ଡି.ଏନ.ଏ): ମାର୍ଶାଘାଇ ବ୍ଲକ ବେରୁହଁା ଦଳିତସାହିର ଲୋକ ସପ୍ତାହେ ଧରି ଜଳବନ୍ଦୀ ଅବସ୍ଥାରେ ଥିଲେ। ଶୁକ୍ରବାର ଏହି ସମସ୍ୟା ଦୂର ହୋଇଛି। ପାଣି ଜମି ରହିବାରୁ ସପ୍ତାହେ ହେଲା ପିଲାମାନେ ବିଦ୍ୟାଳୟ ଓ ପିଇବା ପାଣି ପାଇଁ ନଳକୂପକୁ ଯିବାରେ ଘୋର ଅସୁବିଧା ହେଉଥିଲା। ସାହିରେ ଥିବା କଂକ୍ରିଟ ରାସ୍ତା ଉପରେ ଆଣ୍ଠୁଏ ପାଣି ଜମି ରହିଥିଲା। ୭୦ ଘର ଥିବା ଏହି ଦଳିତ ସାହିର କେତେଜଣ ଲୋକ ନିଜ ଘର ଆଗ ସରକାରୀ ଜାଗାରେ ମାଟି ପକାଇ ଉଚ୍ଚା କରିଛନ୍ତି। ଫଳରେ ପ୍ରାକୃତିକ ଜଳ ନିଷ୍କାସନ ପଥ ଅବରୋଧ ହୋଇଥିଲା। କଚା ଘର କାନ୍ଥ ମୂଳରେ ପାଣି ରହି ଭୁଶୁଡିବା ଅବସ୍ଥାରେ ଥିଲା। ଗତ ୮ ତାରିଖରେ ବେରୁହଁା ପଞ୍ଚାୟତରେ ପଲ୍ଲୀରେ ପ୍ରଶାସନ କାର୍ଯ୍ୟକ୍ରମ ଚାଲିଥିବା ବେଳେ ଦଳିତ ସାହିର ଲୋକ ପହଞ୍ଚତ୍ ତହସିଲଦାରଙ୍କୁ ଅଭିଯୋଗ କରିଥିଲେ। ଶୁକ୍ରବାର ଅତିରିକ୍ତ ତହସିଲଦାର ଅଶୋକ କୁମାର ବେହେରା, ତାଳସଙ୍ଗା ରାଜସ୍ବ ନିରୀକ୍ଷକ ଅନନ୍ତ ମହାରଣା ଓ ପୋଲିସ ମିଳିତ ଭାବେ ଗଁାରେ ପହଞ୍ଚତ୍ ଜେସିବି ସାହାଯ୍ୟରେ ଅବରୋଧ ସ୍ଥଳଙ୍କୁ ହଟାଇ ଜଳ ନିଷ୍କାସନ କରାଇଥିଲେ।
