Posted inଖେଳ

‘ଖେଳାଳିଙ୍କ ଜୀବନଶୈଳୀ ବଦଳାଇବ ଅଲ୍‌ଟିମେଟ ଖୋ ଖୋ’

ଭୁବନେଶ୍ୱର, ୨୭।୮(କ୍ରୀଡ଼ା ପ୍ରତିନିଧି): ପୁଣେର ମହାଲୁଙ୍ଗେସ୍ଥିତ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସରେ ଚାଲିଥିବା ଅଲ୍‌ଟିମେଟ୍‌ ଖୋ ଖୋ ଲିଗ୍‌ରେ ପ୍ରଭାବୀ ପ୍ରଦର୍ଶନ କରି ଆସିଥିବା ଓଡ଼ିଶା ଜଗରନଟ୍ସର ଖେଳାଳିଙ୍କୁ ଉତ୍ସାହିତ କରିଛନ୍ତି କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା। ଭୁବନେଶ୍ୱରଭିତ୍ତିକ ଫ୍ରାଞ୍ଚାଇଜ୍‌ ଜଗରନଟ୍ସ କ୍ରମାଗତ ୪ ମ୍ୟାଚ ଜିତିବା ସହ ମୋଟ ୫ ବିଜୟ ସହ ୧୫ ପଏଣ୍ଟ ହାସଲ କରିଛି। ଖେଳାଳିଙ୍କ ସହ ଭାବବିନିମୟ କରି କ୍ରୀଡ଼ାମନ୍ତ୍ରୀ ଆଗକୁ ଆହୁରି ଏପରି ପ୍ରଦର୍ଶନ ଜାରି ରଖିବା ପାଇଁ ଉତ୍ସାହ ଦେଇଛନ୍ତି। ”ଆମ ଓଡ଼ିଶା ଜଗରନଟ୍ସ ଦଳ ପଏଣ୍ଟ ଟେବୁଲର ଶୀର୍ଷକୁ ଉଠିଥିବାରୁ ମୁଁ ବହୁତ ଖୁସି। ୬ ମ୍ୟାଚ ମଧ୍ୟରୁ ଆମେ ୫ଟିରେ ବିଜୟ ହାସଲ କରିଛୁ। ଆମ ଦଳ ଫାଇନାଲରେ ପ୍ରବେଶ କରିବାନେଇ ମୁଁ ଦୃଢ଼ ନିଶ୍ଚିତ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ‘ସ୍ପୋଟର୍‌ସ ଫର ୟୁଥ୍‌, ୟୁଥ୍‌ ଫର ଫ୍ୟୁଚର’ ଦୃଷ୍ଟିଭଙ୍ଗୀ ଓଡ଼ିଶାକୁ ଏକ କ୍ରୀଡ଼ା ହବ୍‌ରେ ପରିଣତ କରିଛି“ ବୋଲି ତୁଷାରକାନ୍ତି କହିଛନ୍ତି। ଆମେ ରାଜ୍ୟବ୍ୟାପୀ ତୃଣମୂଳ ସ୍ତରରେ ଭିତ୍ତିଭୂମିରେ ଉନ୍ନତି ଆଣିବା ଉପରେ ଫୋକସ କରୁଛୁ। ଖୋ ଖୋକୁ ଏକ କ୍ରୀଡ଼ା ଭାବେ ଗ୍ରହଣ କରିବା ପାଇଁ ଓଡ଼ିଶା ଜଗରନଟ୍ସ ରାଜ୍ୟର ପିଲାମାନଙ୍କୁ ଅନୁପ୍ରାଣିତ କରିପାରିଥିବ ବୋଲି ମୋର ବିଶ୍ୱାସ। ଅଲ୍‌ଟିମେଟ ଖୋ ଖୋ ସମୟକ୍ରମେ ଅନେକ ଖୋ ଖୋ ଖେଳାଳିଙ୍କ ଜୀବନଶୈଳୀ ବଦଳାଇବାରେ ସହାୟକ ହେବାନେଇ ମୁଁ ଆଶାବାଦୀ ବୋଲି ସେ ପ୍ରକାଶ କରିଛନ୍ତି।
ଗୁରୁବାର ଶେଷ ସୁଦ୍ଧା ଓଡ଼ିଶା ଜଗରନଟ୍ସ ୪୨ ଡିଫେଣ୍ଡିଂ ପଏଣ୍ଟ ହାସଲ କରିଛି, ଯାହାକି ଲିଗ୍‌ରେ ଅନ୍ୟ ତୁଳନାରେ ସର୍ବାଧିକ। ଚଳିତ ସିଜନରେ ଶୁଭାଶିଷ ସାନ୍ତ୍ରା ଦଳର ଗୁରୁତ୍ୱପୂର୍ଣ୍ଣ ଖେଳାଳି ସାବ୍ୟସ୍ତ ହୋଇଛନ୍ତି। ସେ ୪୩ ପଏଣ୍ଟ ହାସଲ କରି ବର୍ତ୍ତମାନ ଟପ୍‌-୩ ଓ୍ବାଜିରଙ୍କ ମଧ୍ୟରେ ରହିଛନ୍ତି। ଜଗରନଟ୍ସ ଦଳର ଅନ୍ୟତମ ଶୀର୍ଷ ପ୍ରଦର୍ଶନକାରୀ ହେଲେ ଓଡ଼ିଶା ଖେଳାଳି ବାଲେଶ୍ୱରର ଜଗନ୍ନାଥ ମୁର୍ମୁ। ସେ କ୍ରୀଡ଼ାମନ୍ତ୍ରୀଙ୍କ ସହ ଭାବବିନିମୟ କରିବା ପରେ ବେଶ୍‌ ଉତ୍ସାହିତ ହୋଇ ପଡ଼ିଛନ୍ତି। ଏହା ଟାଇଟଲ ଜିତିବା ପାଇଁ ଖେଳାଳିଙ୍କୁ ମୋଟିଭେଟ କରିବ ବୋଲି କହିଛନ୍ତି। ”ଆମ ରାଜ୍ୟର କ୍ରୀଡ଼ାମନ୍ତ୍ରୀଙ୍କ ସହ ମିଶିବା ସମସ୍ତ ଖେଳାଳିଙ୍କ ପାଇଁ ଖୁସିର ବିଷୟ। ବ୍ୟସ୍ତ କାର୍ଯ୍ୟସୂଚୀ ସତ୍ତ୍ୱେ ସେ ସମୟ ବାହାର କରି ପୁଣେ ଆସି ଆମମାନଙ୍କୁ ଉତ୍ସାହିତ କରିଛନ୍ତି। ଆଗାମୀ ମ୍ୟାଚଗୁଡ଼ିକରେ ଅଧିକ ପରିଶ୍ରମ କରିବା ପାଇଁ ସେ ଆମକୁ ପରାମର୍ଶ ଦେଇଛନ୍ତି। ଆମେ ହାତରେ ଟ୍ରଫି ଧରୁ ବୋଲି ସେ ଚାହୁଁଛନ୍ତି ଏବଂ ଆମେ ମଧ୍ୟ ତାହା କରିବା ପାଇଁ ସବୁମତେ ଚେଷ୍ଟା କରିବୁ“ ବୋଲି ଜଗନ୍ନାଥ ପ୍ରକାଶ କରିଛନ୍ତି।
ଓଡ଼ିଶା ଜଗରନଟ୍ସ ଏହାର ପରବର୍ତ୍ତୀ ମ୍ୟାଚରେ ମୁମ୍ବାଇ ଖିଲାଡିଜ୍‌କୁ ଭେଟିବ। ଏଥିରେ ବିଜୟ ହାସଲ କଲେ ଦଳର ପ୍ଲେ-ଅଫ୍‌ ପ୍ରବେଶ ନିଶ୍ଚିତ ହୋଇଯିବ। ଖୋ ଖୋ ଫେଡେରେଶନ ଅଫ୍‌ ଇଣ୍ଡିଆ ସହିତ ମିଶି ଅମିତ ବର୍ମନ ଅଲ୍‌ଟିମେଟ ଖୋ ଖୋକୁ ପ୍ରମୋଟ କରୁଛନ୍ତି। ସିଜନ-୧ରେ ମୋଟ ୬ଟି ଦଳ ଅଂଶଗ୍ରହଣ କରୁଛନ୍ତି ଏବଂ ଏହାର ଫାଇନାଲ ସେପ୍ଟେମ୍ବର ୪ରେ ଅନୁଷ୍ଠିତ ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଅଶ୍ୱିନ ଆଇସିସି ପ୍ଲେୟର ଅଫ୍‌ ଦି ମନ୍ଥ୍‌

ଦୁବାଇ, ୧୦ା୩ (ପି.ଟି.)- ଇଂଲଣ୍ଡ ବିପକ୍ଷ ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ପ୍ରଭାବୀ ପ୍ରଦର୍ଶନ ପାଇଁ ଭାରତର ଷ୍ଟାର ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ...

୬ ବଲ୍‌ରେ ୭୭ ରନ୍‌: ଗୋଟିଏ ଓଭରରେ ସର୍ବାଧିକ ରନ୍‌ କରି ହାସଲ କରିଥିଲେ ବିରଳ ରେକର୍ଡ

ନୂଆଦିଲ୍ଲୀ,୭।୧: ଗୋଟିଏ ଓଭରର ୬ ବଲ୍‌ରେ ୬ ଛକା ମାରିବାର ମୂହୁର୍ତ୍ତ ବହୁତ କମ୍‌ ଦେଖିବାକୁ ମିଳେ। ଏହାକୁ କ୍ରିକେଟ ପ୍ରଶଂସକ ସହଜରେ ଭୁଲି ନ...

ଇଂଲଣ୍ଡ ବିପକ୍ଷରେ କେମିତି ଜିତିବ ଭାରତ: କୋହଲି କଲେ ଖୁଲାସା

ଲଣ୍ଡନ,୩।୮: ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଭାରତୀୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅଧିନାୟକ ବିରାଟ କୋହଲି ଏହି ସିରିଜକୁ ଦଳ ପାଇଁ ଏକ ବଡ଼...

୨ ବର୍ଷ ହେଲା ଶତକ ଅପେକ୍ଷାରେ କୋହଲି

ନୂଆଦିଲ୍ଲୀ,୨୩।୧୧: ଭାରତୀୟ ରନ୍‌ ମେସିନ ବିରାଟ କୋହଲି ଆଜିକୁ ଠିକ୍‌ ୨ ବର୍ଷ ତଳେ ଅନ୍ତିମ ଅନ୍ତର୍ଜାତୀୟ ଶତକ ହାସଲ କରିଥିଲେ। ୨୦୧୯ ନଭେମ୍ବର ୨୩...

ପ୍ରଥମ ଟି୨୦ ଜିତିଲା ଭାରତ

କାନବେରା, ୪।୧୨- ଦିନିକିଆ ସିରିଜ୍‌ରେ ଅଷ୍ଟ୍ରେଲିଆଠାରୁ ପରାସ୍ତ ହୋଇଥିବା ଭାରତୀୟ ଦଳ ବିଜୟ ସହ ଟି୨୦ ସିରିଜ୍‌ ଆରମ୍ଭ କରିଛି। ଏଠାରେ ଖେଳାଯାଇଥିବା ପ୍ରଥମ ମ୍ୟାଚ୍‌କୁ...

ପୂର୍ବତନ କ୍ରିକେଟରଙ୍କ ପାଇଁ ଆଇସିଏର ୩୯ ଲକ୍ଷ ଟଙ୍କାର ପାଣ୍ଠି ସଂଗ୍ରହ

ନୂଆଦିଲ୍ଲୀ,୨।୫(ପି.ଟି.): କୋଭିଡ-୧୯ ମହାମାରୀ କାରଣରୁ ସାରା ଦେଶରେ ଚାଲିଥିବା ଲକ୍‌ଡାଉନ୍‌ କାରଣରୁ ଅର୍ଥାଭାବ ଦେଇ ଗତି କରୁଥିବା ୩୦ ଜଣ ଖେଳାଳିଙ୍କୁ ସାହାଯ୍ୟ କରିବା ପାଇଁ...

ପ୍ରଥମଥର ଲାଗି ଗୋଲ୍ଡେନ ଡକ୍‌

ବିଶାଖାପାଟନମ, ୧୯।୧୨- ଏକଦିବସୀୟ କ୍ରିକେଟ୍‌ର ୪୮ ବର୍ଷର ଇତିହାସରେ ପ୍ରଥମଥର ଲାଗି ଏକ ମ୍ୟାଚ୍‌ରେ ଉଭୟ ଦଳର ଅଧିନାୟକ ପ୍ରଥମ ବଲରେ ଖାତା ଖୋଲିବା ପୂର୍ବରୁ...

ଫାଇନାଲରେ ହକି ଓଡ଼ିଶା

କଟକ ଅଫିସ,୨୨ା୫- ହକି ଇଣ୍ଡିଆ ଆନୁକୂଲ୍ୟରେ ଛତିଶଗଡ଼ର ରାୟପୁରଠାରେ ଚାଲିଥିବା ୯ମ ସବ୍‌ଜୁନିୟର ବାଳକ ଜାତୀୟ ଚାମ୍ପିୟନଶିପ-୨୦୧୯ (ଡିଭିଜନ-ଏ)ରେ ହକି ଓଡ଼ିଶା ଦଳ ଫାଇନାଲରେ ପ୍ରବେଶ...

Advertisement
Archives

Model This Week