କ୍ୱିଭ/ମସ୍କୋ,୩ ।୪: ରୁଷିଆ-ୟୁକ୍ରେନ୍ ଯୁଦ୍ଧ ୪୦ ଦିନରେ ପହଞ୍ଚିଥିଲେ ବି ୟୁକ୍ରେନ୍ ଉପରେ ରୁଷିଆର ଆକ୍ରମଣ ଜାରି ରହିଛି । ୟୁକ୍ରେନର ଲକ୍ଷ ଲକ୍ଷ ଲୋକ ପଡୋଶୀ ଦେଶରେ ଶରଣ ନେଇଥିବା ବେଳେ ଶହ ଶହ ଲୋକଙ୍କ ମୃତ୍ୟୁ ହେଲାଣି । ଉଭୟ ଦେଶର ରାଷ୍ଟ୍ରପତିଙ୍କ ମଧ୍ୟରେ କେତେଥର କଥାବାର୍ତ୍ତା ହୋଇଥିବା ବେଳେ ଏବେ ପର୍ଯ୍ୟନ୍ତ ଏହାର କୌଣସି ସମାଧାନ ବାହାରି ପାରି ନ ଥିବା ବେଳେ ରୁଷିଆର ଆକ୍ରମଣ ଜାରି ରହିଛି ।
ଏବେ ରୁଷିଆ ଆକ୍ରମଣର ଜବାବ ଦେବାକୁ ଯାଇ ୟୁକ୍ରେନ୍ ରୁଷିଆର ବାୟୁସେନା ଉପରେ ଆକ୍ରମଣ କରିଛି । ୟୁକ୍ରେନ ପକ୍ଷରୁ ଗତ ୨୪ଘଣ୍ଟା ମଧ୍ୟରେ ରୁଷିଆର ୪ ମିଶାଇଲ, ୨ଟି ଏସୟୁ-୩୪ ଯୁଦ୍ଧ ବିମାନ, ଗୋଟିଏ ହେଲିକପ୍ଟରକୁ ନଷ୍ଟ କରି ଦିଆଯାଇଛି । ୟୁକ୍ରେନ୍ ବାୟୁସେନା କହିଛି ଯେଉଁ ଅଞ୍ଚଳରେ ଶତ୍ରୁ ପକ୍ଷର ସେନା ଆକ୍ରମଣ କରୁଥିଲେ ସେ ସମସ୍ତ ଅଞ୍ଚଳକୁ ବନ୍ଦ କରି ଦିଆଯାଇଛି ।
