ଟାର୍ଗେଟରେ ବ୍ରିଟେନ୍‌

ଲଣ୍ଡନ, ୧୧ା୯: ୨୦୦୧ ସେପ୍ଟେମ୍ବର ୧୧ରେ ଆମେରିକା ଦେଖିଥିଲା ସବୁଠୁ ଘାତକ ଆତଙ୍କବାଦୀ ଆକ୍ରମଣ। ଅଲକାଏଦା ଆତଙ୍କବାଦୀ ବିଶ୍ୱ ବାଣିଜ୍ୟ କେନ୍ଦ୍ର ଟୁଇନ୍‌ ଟାଓ୍ବାର ଓ ପେଣ୍ଟାଗନ୍‌ ବିଲ୍ଡିଂରେ ମାଡ଼ କରିଥିଲେ ଅପହୃତ ହେଲିକପ୍ଟର। ଧରାଶାୟୀ ହୋଇଥିଲା ବିଶାଳକାୟ ଅଟ୍ଟାଳିକା। ପ୍ରାଣ ହରାଇଥିଲେ ୩ ହଜାର, ଆହତ ହୋଇଥିଲେ ୨୫,୦୦୦ରୁ ଊର୍ଦ୍ଧ୍ୱ। ଏହି ସ୍ମୃତି ଆଜି ବି ବିଶ୍ୱମାନସରେ ସତେଜ ହୋଇରହିଥିବାବେଳେ ଆଫଗାନିସ୍ତାନରେ ସରକାର ଗଢ଼ିଛି ତାଲିବାନ୍‌। ବିଦ୍ରୂପ କଲାଭଳି ସେହି ୯/୧୧ରେ ତାଲିବାନ ସରକାର ଶପଥ ନେବ ବୋଲି ଘୋଷଣା କରିବା ପାଶ୍ଚାତ୍ୟ ଜଗତକୁ ଚ୍ୟାଲେଞ୍ଜ କଲା ଭଳି ସ୍ଥିତି ସୃଷ୍ଟି କରିଛି। ଗୋଟିଏ ଦେଶରେ କଠୋରପନ୍ଥୀଙ୍କ ସରକାର ସମଗ୍ର ବିଶ୍ୱ ପାଇଁ ବିପଦ। ଏହା ଆତଙ୍କବାଦୀଙ୍କ ମନୋବଳ ବଢ଼ାଇଛି। ଆମେରିକା ଭଳି ବ୍ରିଟେନ ମାଟିରେ ମଧ୍ୟ ଆତଙ୍କବାଦୀ ନରସଂହାର ରଚିପାରନ୍ତି ବୋଲି ଚେତାଇଛନ୍ତି ଏମ୍‌ଆଇ୫ ଗୋଇନ୍ଦା ମୁଖ୍ୟ କେନ୍‌ ମ୍ୟାକୁଲମ୍‌।
ଆଫଗାନିସ୍ତାନ ଦଖଲ ପରେ ସେଠାରେ ତାଲିବାନ୍‌ର ସରକାର ଗଠନ କଠୋରପନ୍ଥୀଙ୍କୁ ପ୍ରୋତ୍ସାହିତ କରିଛି। ଏଣିକି ଇସ୍‌ଲାମୀୟ ଆତଙ୍କବାଦୀ ଗୋଷ୍ଠୀ ଏବଂ ଅନ୍ୟ କଠୋରପନ୍ଥୀ ସଙ୍ଗଠନ ଆଫଗାନିସ୍ତାନ ମାଟିରୁ ବିଶ୍ୱର ବିଭିନ୍ନ ପ୍ରାନ୍ତରେ ଆକ୍ରମଣ ପାଇଁ ଯୋଜନା କରିପାରନ୍ତି। ଆମେରିକା ଭଳି ବ୍ରିଟେନରେ ମଧ୍ୟ ଆକ୍ରମଣ ହେବା ଯଥେଷ୍ଟ ଆଶଙ୍କା ରହିଛି ବୋଲି କହିଛନ୍ତି ବ୍ରିଟେନ ଏମ୍‌ଆଇ୫ ଗୋଇନ୍ଦା ମୁଖ୍ୟ କେନ୍‌ ମ୍ୟାକୁଲମ୍‌। ୯/୧୧ ଆକ୍ରମଣର ୨୦ ବର୍ଷ ପୂରଣ ଅବସରରେ ଏକ ସାକ୍ଷାତ୍‌କାରରେ ମ୍ୟାକୁଲମ୍‌ କହିଛନ୍ତି, କଠୋରପନ୍ଥୀ ଓ ଆତଙ୍କବାଦୀଙ୍କ ବିରୋଧରେ ସମଗ୍ର ବିଶ୍ୱ କ୍ରମାଗତ ଭାବେ ଲଢ଼େଇ ଜାରି ରଖିଛି। ଆଗକୁ ମଧ୍ୟ ମାନବିକତା ବିରୋଧୀ କାର୍ଯ୍ୟକଳାପ ରୋକିବା ଦିଗରେ ବ୍ରିଟେନ୍‌ ମିଳିତ ଭାବେ ପ୍ରୟାସ ଜାରି ରଖି। ପୂର୍ବାପେକ୍ଷା ଅଧିକ ସତର୍କ ରହି ଏଭଳି ଗୋଷ୍ଠୀ କବଳରୁ ମାନବ ସମାଜକୁ ମୁକ୍ତ ରଖିବାକୁ ପଡ଼ିବ ବୋଲି ସେ କହିଛନ୍ତି। ୨୦୧୭ରେ ବ୍ରିଟେନ ଆତଙ୍କବାଦୀ ଆକ୍ରମଣର ଶିକାର ହୋଇଥିଲା। ଜଣେ ଆତ୍ମଘାତୀ ମାଞ୍ଚେଷ୍ଟରରେ ଚାଲିଥିବା ଏକ କାର୍ଯ୍ୟକ୍ରମକୁ ଧସେଇ ପଶିବା ସହ ଲଣ୍ଡନରେ ଦୁଇଟି ବ୍ରିଜ୍‌କୁ ଟାର୍ଗେଟ କରିଥିଲେ। ସେବେଠାରୁ ୪ ବର୍ଷ ମଧ୍ୟରେ ବ୍ରିଟେନ୍‌ରେ ୩୧ ଥର ଆକ୍ରମଣ ଯୋଜନାକୁ ପୋଲିସ ଓ ଗୋଇନ୍ଦା ବିଭାଗ ବିଫଳ କରିଥିବା ମ୍ୟାକୁଲମ୍‌ କହିଛନ୍ତି। ଏପରିକି କରୋନା ଲକ୍‌ଡାଉନ୍‌ବେଳେ ମଧ୍ୟ ୬ ଆକ୍ରମଣ ଯୋଜନାକୁ ଶେଷ ମୁହୂର୍ତ୍ତରେ ପଣ୍ଡ କରାଯାଇଛି। ତାଲିବାନ୍‌ କ୍ଷମତାକୁ ଆସିବା ପରେ ସେହିଭଳି ଗୋଷ୍ଠୀ ଏବେ ପୁଣି ମାତିବେ ଏବଂ ଧନଜୀବନ ହାନି ହେବ। ଆଫଗାନିସ୍ତାନ ଆତଙ୍କବାଦୀଙ୍କ ଭୂ-ସ୍ବର୍ଗ ପାଲଟିବ। ଆଗକୁ ପାଶ୍ଚାତ୍ୟରେ ମଧ୍ୟ ଆକ୍ରମଣ ଆଶଙ୍କା ବୃଦ୍ଧି ପାଇବ ବୋଲି ସେ ପ୍ରକାଶ କରିଛନ୍ତି।
ସୂଚନାଯୋଗ୍ୟ, ଗତ ଅଗଷ୍ଟ ୧୫ରେ କାବୁଲ ଦଖଲ କରିବା ପରେ ଆଫଗାନିସ୍ତାନରେ ସରକାର ଗଢ଼ିଛି ତାଲିବାନ। ନୂଆ ସରକାରରେ ଗୁରୁତ୍ୱପୂର୍ଣ୍ଣ ପଦବୀରେ ରହିଛନ୍ତି ମୋଷ୍ଟ ଓ୍ବାଣ୍ଟେଡ ଆତଙ୍କବାଦୀ। ଆମେରିକା ୯/୧୧ ଆକ୍ରମଣର ୨୦ ବର୍ଷ ପୂର୍ତ୍ତି ଦିବସ ପାଳନ ଦିନ ହିଁ ତାଲିବାନ୍‌ ଶପଥ ସମାରୋହ ଆୟୋଜନ କରିବ। ଆମେରିକା ନିଜ ରକ୍ତରଞ୍ଜିତ ଇତିହାସକୁ ମନେ ପକାଇବାକୁ ଯାଉଥିବାବେଳେ ତାଲିବାନ୍‌ ଏହି ଶକ୍ତିଶାଳୀ ରାଷ୍ଟ୍ରକୁ ବିଦ୍ରୂପ କରିଛି ବୋଲି କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?