ନୂଆଦିଲ୍ଲୀ,୪।୨: ଶୁକ୍ରବାରଠାରୁ ଆରମ୍ଭ ହେବାକୁ ଯାଉଛି ଭାରତ-ଇଂଲଣ୍ଡ ମଧ୍ୟରେ ମୁକାବିଲା। ନିକଟରେ ଅଷ୍ଟ୍ରେଲିଆକୁ ଘରୋଇ ମଇଦାନରେ ପରାଜିତ କରି ଫେରିଥିବା ଭାରତୀୟ ଦଳ ଏହି ସିରିଜ ଖେଳିବାକୁ ପ୍ରସ୍ତୁତ ରହିଛି। ଅଧିନାୟକ ବିରାଟ କୋହଲି ଏହି ସିରିଜରେ ଛୋଟବଡ଼ ପରିବର୍ତ୍ତନ କରିବା ଆଶଙ୍କା କରୁଛନ୍ତି ପ୍ରଶଂସକ। ଏହାକୁ ଦୃଷ୍ଟିରେ ରଖି କ୍ରିକେଟ ପ୍ରଶଂସକ ଜଣେ ଭାରତୀୟ ଖେଳାଳିଙ୍କୁ ଦଳରେ ସୁଯୋଗ ଦିଆଯାଉ ବୋଲି ଦାବି କରିଛନ୍ତି। ସେ ହେଲେ କୁଲଦୀପ ଯାଦବ। ଏହି ଭାରତୀୟ ସ୍ପିନର ୨୦୧୯ ଜାନୁୟାରୀରେ ଶେଷ ଥର ପାଇଁ କ୍ରିକେଟ ଖେଳିଥିବା ନଜର ଆସିଥିଲେ। ଏହାପରଠାରୁ ତାଙ୍କୁ ପଡ଼ିଆକୁ ଓହ୍ଲାଇବାକୁ ସୁଯୋଗ ମିଳିନାହିଁ। ଅଷ୍ଟ୍ରେଲିଆ ଗସ୍ତରେ ବି ତାଙ୍କୁ ଦଳରେ ଜାଗା ମିଳିଥିଲେ ହେଁ ଗୋଟିଏ ବି ମ୍ୟାଚ୍ ଖେଳିପାରି ନ ଥିଲେ। ହେଲେ ସେ ନେଟ୍ସରେ ଭାରତୀୟ ଖେଳାଳିମାନଙ୍କୁ ସମର୍ଥନ କରିଥିବାକୁ ନେଇ କୋଚ୍ଙ୍କ ସହ କାମଚଳା ଅଧିନାୟକ ଅଜିଙ୍କ୍ୟ ରାହାନେ ତାଙ୍କର ପ୍ରଶଂସା କରିଥିଲେ।
କୌଣସି ମଇଦାନ ହୋଇଥାଉନା କାହିଁକି କୂଲଦୀପ ସ୍ପିନ୍ କରିବାରେ ମାହିର ବୋଲି କୋହଲି କହିଥାନ୍ତି। ଏଣୁ ଘରୋଇ ସିରିଜରେ ତାଙ୍କୁ ସୁଯୋଗ ଦିଆଯାଇପାରେ। ଇଂଲଣ୍ଡ ବିପକ୍ଷରେ ସେ ଲାଭଦାୟକ ସାବ୍ୟସ୍ତ ହୋଇପାରନ୍ତି। ଏଣୁ ତାଙ୍କୁ ସୁଯୋଗ ଦିଆଯାଉ ବୋଲି ପ୍ରଶଂସକମାନେ ଟୁଇଟ୍ କରୁଥିବା ଦେଖାଯାଇଛି।
ଅପରପକ୍ଷେ ଦଳପାଇଁ ଖେଳିବାକୁ ନେଇ ମଧ୍ୟ କୂଲଦୀପ ଆଶା ରଖିଛନ୍ତି। ସେ ଅସଫଳତା ଦେଖିଛନ୍ତି। ଏଣୁ ତାକୁ ଭଲ ଭାବେ ବୁଝନ୍ତି। ଦୁଇବର୍ଷ ପରେ ସେ କ୍ରିକେଟ ଖେଳିଲେ ତାଙ୍କୁ ଡେବ୍ୟୁ ଖେଳିବା ଭଳି ଲାଗିବ ବୋଲି ସେ କହିଛନ୍ତି।
Who should be India’s second spinner in the first Test?#INDvsENG pic.twitter.com/3eHLaW6ffO
— Cricbuzz (@cricbuzz) February 2, 2021
