ସୋରଡ଼ା,୮ା୧(ଡି.ଏନ୍.ଏ.): ଗଞ୍ଜାମ ଜିଲା ଭଗବାନପୁର ପଞ୍ଚାୟତ ରୁମାପାଲି ଗ୍ରାମରେ ଶନିବାର ସକାଳେ ଅଚାନକ ନିଆଁ ଲାଗି ଗ୍ରାମର ୧୦ ପରିବାରର ୨ ବଖରା ଲେଖାଏ ୨୦ ବଖରା ପୋଡ଼ିଯାଇଛି। ଖବର ପାଇ ପୋଲିସ ଏସ୍ଆଇ ଆର୍ତ୍ତତ୍ରାଣ ଦାନି ଓ କର୍ମଚାରୀ ସହ ସେଠାରେ ପହଞ୍ଚି ଜନସାଧାରଣଙ୍କୁ ଆଶ୍ବସ୍ତି ପ୍ରଦାନ କରିଥିଲେ। ଗ୍ରାମର ଧୋବା ଗୌଡ଼, ତ୍ରିନାଥ ଗୌଡ଼, ରାଧା ବିଶୋୟୀ, କାନ୍ଧ ଗୌଡ଼, ଗଣ୍ଡୁ ବିଶୋୟୀ,ମିଟୁ ବିଶୋୟୀ, ବସନ୍ତ ବେହେରା, ପରି ବେହେରା, କୈଳାସ ବେହେରା, ଈଶ୍ୱର ବେହେରା,ପାଣ ବେହେରା, ଡମ୍ବୁରୁ ବେହେରାଙ୍କ ୨ ବଖରା ଲେଖାଏ ପୋଡ଼ିଯାଇଛି । ତେବେ ପୀଡ଼ିତମାନଙ୍କ ମଧ୍ୟରୁ କେତେଜଣଙ୍କୁ ପ୍ରଧାନମନ୍ତ୍ରୀ ଅବାସ ଯୋଜନାରେ ଛାତ ଘର ମିଳିଥିବା ବେଳେବେଳେ ଗୃହ ସମ୍ମୁଖରେ ୨ ବଖରା ଲେଖାଏ ଚାଳଘର ଥିଲା ସେହିପରି କେତେଜଣଙ୍କୁ ଗୃହ ମିଳି ନ ଥିବା ଜଣାପଡ଼ିଛି। ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ ଗ୍ରାମରେ ପହଞ୍ଚି ପୀଡ଼ିତଙ୍କୁ ଆଶ୍ୱାସନା ଦେଇଥିଲେ। ତହସିଲ ପକ୍ଷରୁ ମଧ୍ୟ ଆକଳନ ଆରମ୍ଭ ହୋଇଛି। ଧରାକୋଟରୁ ଅଗ୍ନିଶମ ବିଭାଗ କର୍ମଚାରୀମାନେ ଆସି ନିଆଁ ଲିଭାଇଥିଲା। ସମସ୍ତ ଗ୍ରାମବାସୀ ନିଆଁ ଲିଭାରେ ସହଯୋଗ କରିଥିଲେ।
