ଓ୍ବାଶିଂଟନ,୧୩ା୧୧: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଝିଅ ଟିଫାନୀ ରବିବାର ତାଙ୍କର ଦୀର୍ଘଦିନର ପ୍ରେମିକ ମାଇକେଲ ବୋଲୋସଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଟ୍ରମ୍ପଙ୍କ ଫ୍ଲୋରିଡାସ୍ଥିତ ନିବାସ ମାର୍-ଏ-ଲାଗୋରେ ଏହି ବିବାହ ଅନୁଷ୍ଠିତ ହୋଇଥିଲା।
ମାଇକେଲଙ୍କ ସହ ବିବାହ ପୂର୍ବରୁ ଟ୍ରମ୍ପ ଝିଅ ଟିଫାନୀଙ୍କ ହାତ ଧରି ଗାଲରେ ଚୁମ୍ବନ ଦେଇ ରାସ୍ତାରେ ନେଇଥିଲେ। ବିବାହମଣ୍ଡପକୁ ନୀଳ, ଗୋଲାପୀ ଏବଂ ଧଳା ଫୁଲରେ ସଜାଯାଇଥିଲା। ଯେଉଁଠାରେ ଟିଫାନୀ ମାଇକେଲଙ୍କ ସହ ବିବାହ ଶପଥ ନେଇଥିଲେ।
ଟିଫାନୀ ଧଳା ରଙ୍ଗର ଏକ ଲମ୍ବା ଗାଉନ ପିନ୍ଧିଥିଲେ। ଏହି ବେଶରେ ସେ ଖୁବ୍ ସୁନ୍ଦର ଦେଖାଯାଉଥିଲେ। ଭାଇରାଲ ହେଉଥିବା ଫଟୋରେ ଟ୍ରମ୍ପ ଝିଅ ଏବଂ ଜ୍ୱାଇଁଙ୍କ ସହ ଫଟୋ ଉଠାଇଛନ୍ତି। ସେ ବେଶ୍ ଖୁସି ଥିବା ଜଣାପଡୁଛନ୍ତି।
ବିବାହକୁ ନେଇ ଟିଫାନୀ ଚିନ୍ତିତ ଥିଲେ। କାରଣ ଫ୍ଲୋରିଡାରେ ହୋଇଥିବା ଝଡ଼ ତୋଫାନ ପ୍ରଭାବରେ ତାଙ୍କ ବିବାହ କାଳେ ପ୍ରଭାବିତ ହେବ ଏନେଇ ସେ ଚିନ୍ତିତ ଥିଲେ। ଶୁକ୍ରବାର ରାତ୍ରିଭୋଜନ ଦିଆଯିବ। ଝଡ଼ ଯୋଗୁ ଅନ୍ତର୍ଜାତୀୟ ବିମାନବନ୍ଦର ବନ୍ଦ ରହିଥିଲା ଏବଂ ସମସ୍ତ ବିମାନ ବାତିଲ କରାଯାଇଥିଲା। ଏହି ସମୟରେ, ଅନେକ ଅତିଥି ଫ୍ଲୋରିଡାରେ ଥିଲେ। ପାମ୍ ବିଚ୍ କାଉଣ୍ଟି କୋର୍ଟ ପରିସର ବନ୍ଦ ହେବାର ଠିକ୍ ପୂର୍ବରୁ ଟିଫାନୀ ଏବଂ ତାଙ୍କ ପ୍ରେମିକ ମଙ୍ଗଳବାର ବିବାହ ସ୍ବୀକୃତି ପାଇଥିଲେ।
