ଗୋରଖପୁର,୧୦।୧୧: ଗୋରଖପୁର-କୁଶିନଗର ରାଜପଥରେ ଜଗଦୀଶପୁର ନିକଟରୁ ଏକ ଦ୍ରୁତ ଗତିରେ ଆସୁଥିବା ଟ୍ରକ ଦୁଇଟି ବସ ଧକ୍କା ଦେଇଥିଲା। ଏହି ଦୁର୍ଘଟଣାରେ ୬ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୨୭ ଜଣ ଆହତ ହୋଇଛନ୍ତି। ଆହତମାନଙ୍କୁ ଜିଲା ଡାକ୍ତରଖାନା ଏବଂ ମେଡିକାଲ କଲେଜରେ ଭର୍ତ୍ତି କରାଯାଇଛି। ଏମାନଙ୍କ ମଧ୍ୟରୁ କେତେକଙ୍କ ଅବସ୍ଥା ଅତ୍ୟନ୍ତ ଗମ୍ଭୀର। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ଏସପି ସିଟି ଏବଂ ଅନ୍ୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ।
କୁହାଯାଉଛି ଯେ, ଗୋରଖପୁରରୁ ଏକ ବସ ଯାତ୍ରୀଙ୍କ ସହ ପାରଓ୍ବନା ଯାଉଥିଲା। ଜଗଦୀଶପୁରର ମଲାଲାପୁର ନିକଟରେ ବସର ଚକଟି ପିଟି ହୋଇଯାଇଥିଲା। ଡ୍ରାଇଭର ଏବଂ କଣ୍ଡକ୍ଟର ବସ ରାସ୍ତା କଡ଼ରେ ରଖି ଅନ୍ୟ ଏକ ବସ ଡାକିଥିଲେ। ଗୋରଖପୁରରୁ ଏକ ଖାଲି ବସ ଆସି ଯାତ୍ରୀମାନଙ୍କୁ ନେଉଥିଲା। କିଛି ଲୋକ ଦୁଇଟି ବସ ମଧ୍ୟରେ ଛିଡା ହୋଇଥିବା ବେଳେ ଏହି ସମୟରେ ଏକ ଦ୍ରୁତ ଗତିରେ ଆସୁଥିବା ଟ୍ରକ ପଛପଟୁ ବସ୍କୁ ଧକ୍କା ଦେଇଥିଲା।
