ଭୁବନେଶ୍ୱର,୧୪ ।୮(ବ୍ୟୁରୋ): ସ୍ବାଧୀନତାର ୭୫ବର୍ଷ ଉପଲକ୍ଷେ ‘ଆଜାଦୀ କା ଅମୃତ ମହୋତ୍ସବ’ ଅବସରରେ ‘ହର୍ ଘର୍ ତ୍ରିରଙ୍ଗା’ କାର୍ଯ୍ୟକ୍ରମ ଆୟୋଜିତ ହେଉଛି। ଏନେଇ ରାଜଧାନୀର ବିଭିନ୍ନ ସ୍ଥାନରେ ବିଭିନ୍ନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ସହର ସାରା ତ୍ରିରଙ୍ଗାମୟ ହୋଇଥିବାବେଳେ ଖାଦ୍ୟରେ ମଧ୍ୟ ଦେଶ ଭକ୍ତିର ଝଲକ ଦେଖିବାକୁ ମିଳିଛି। ରସୁଲଗଡ଼ରେ ରହୁଥିବା ସଫ୍ଟୱେର ଇଞ୍ଜିନିୟର ପ୍ରୀତିଶା ଦାଶ ଘରେ ରହି ସ୍ବାଧୀନତା ଦିବସକୁ ନିଆର ଢ଼ଙ୍ଗରେ ପାଳନ କରିବାକୁ ନିଆରା ପ୍ରୟାସ କରିଛନ୍ତି। ସେ ନାରଙ୍ଗୀ, ଧଳା ଓ ସବୁଜ ରଙ୍ଗ ବ୍ୟବହାର କରି ବିଭିନ୍ନ ସ୍ବାଦିଷ୍ଟ ଖାଦ୍ୟ ପ୍ରସ୍ତୁତ କରିଛନ୍ତି। ତ୍ରିରଙ୍ଗାର ତିନି ରଙ୍ଗର ପେଷ୍ଟ୍ରି, ସ୍ମୁଦି ପଲଉ, ଦୋସା, ବରଫି ଭଳି ସ୍ବାଦିଷ୍ଟ ଭୋଜନ ପ୍ରସ୍ତୁତ କରିଛନ୍ତି। ତେବେ ଏହା କୌଣସି ରାସାୟନିକ ରଙ୍ଗରୁ ପ୍ରସ୍ତୁତ ହୋଇନାହିଁ। ସେ ଗ୍ରୀନ୍ ଆପଲ୍ କ୍ରସ୍, ଅରେଞ୍ଜ କ୍ରସ୍ ଏବଂ ନଡ଼ିଆ ରସ ବ୍ୟବହାର କରିଛନ୍ତି। ନାରଙ୍ଗୀ ରଙ୍ଗର ପଲଉ ପ୍ରସ୍ତୁତି ପାଇଁ ସେ ଟମାଟୋ ବ୍ୟବହାର କରିଥିବାବେଳେ ସବୁଜରଙ୍ଗର ପଲଉ ପ୍ରସ୍ତୁତିରେ ଧନିଆ ପୋଦିନା ଓ ରସୁଣ ବ୍ୟବହାର କରିଥିବା କହିଛନ୍ତି। ସେହିପରି ଅଶୋକଚକ୍ର ପାଇଁ ସେ ଲବଙ୍ଗର ବ୍ୟବହାର କରିଛନ୍ତି।
ଦୋସାରେ ସେ ସୋଦୁଅର ଉପରି ଭାଗକୁ ଗାଜର କୋରାରେ ରଙ୍ଗାଇଥିବାବେଳେ ନିମ୍ନଭାଗକୁ ଧନିଆ ପୋଦିନା ଓ କଞ୍ଚାଲଙ୍କାରେ ରଙ୍ଗିନ କରିଛନ୍ତି। ମାଟି ମା’ଠାରୁ ଆମେ ଖାଦ୍ୟ ପାଉଥିବାବେଳେ ମାଟି ମା’ ଉଦ୍ଦେଶ୍ୟରେ ସେ ଏହି ସବୁ ଭୋଜନ ପ୍ରସ୍ତୁତ କରିଛନ୍ତି। ସ୍ବାଧୀନତା ଦିବସରେ ଘରେ ରହି ଏଭଳି କିଛି ଖାଦ୍ୟ ତିଆରି କରି ପରିବାର ସହ ସମୟ ବିତାନ୍ତୁ ବୋଲି ସେ ବାର୍ତ୍ତା ଦେଇଛନ୍ତି।
