ନୂଆଦିଲ୍ଲୀ,୨୨ ।୧୧: ତ୍ରିପୁରାରେ ପୋଲିସ ବର୍ବରତାକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ପାର୍ଟି ତ୍ରୁଣମୂଳ କଂଗ୍ରେସର ଏମ୍ପଙ୍କ ପ୍ରତିନିଧିମଣ୍ଡଳ ସୋମବାର ସ୍ୱରାଷ୍ଟ୍ର ମନ୍ତ୍ରଣାଳୟ ବାହାରେ ବିରୋଧ ପ୍ରଦର୍ଶନ କରିଛନ୍ତି । ଟିଏମ୍ସିର ଏମ୍ପିମାନେ ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହଙ୍କ ସହ ସାକ୍ଷାତ୍ କରିବାକୁ ଅଡି ବସିଛନ୍ତି । ଡେରେକ ଓ ବ୍ରାୟନ, ସୁଖେନ୍ଦୁ ଶେଖର ରାୟ, ଶାନ୍ତନୁ ସେନ, ଡୋଲା ସେନଙ୍କ ସମେତ ତ୍ରୁଣମୂଳ କଂଗ୍ରେସର ୧୬ ଏମ୍ପି ସକାଳୁ ସକାଳୁ ଦିଲ୍ଲୀ ସ୍ଥିତ ତ୍ରୁଣମୂଳ କାର୍ଯ୍ୟାଳୟରେ ପହଞ୍ଚିଥିଲେ । ସୂଚନାଯୋଗ୍ୟ, ସ୍ୱରାଷ୍ଟ୍ର ମନ୍ତ୍ରଣାଳୟ ସମ୍ନାରେ ବିରୋଧ ପ୍ରଦର୍ଶନ କରିବା ସମୟରେ ଏମ୍ପି ସୁଖେନ୍ଦୁ ଶେଖର ରାୟ କହିଥିଲେ, ତ୍ରିପୁରା ସରକାରଙ୍କୁ ବରଖାସ୍ତ କରିବା ଦରକାର । ତ୍ରିପୂରାରେ ଗୁଣ୍ଡାରାଜ ଚାଲିଛି । ସ୍ୱାରାଷ୍ଟ୍ରମନ୍ତ୍ରୀଙ୍କ ସହ ଆମେ ସାକ୍ଷାତ୍ କରିବାକୁ ଚାହୁଁଥିଲୁ ହେଲେ ସେ ଆମକୁ ସମୟ ଦେଲେ ନାହିଁ । ଆମର ଟିଏମ୍ସି ଯୁବା ନେତାଙ୍କ ଉପରେ ମିଛ ମାମଲା ଦାୟର କରାଯାଇଛି ବୋଲି ଟିଏମ୍ ସି ଅଭିଯୋଗ କରିଛି ।
