ଖପ୍ରାଖୋଲ, ୧୪ା୧୨(ଡି.ଏନ.ଏ.) ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ପଞ୍ଚାୟତ ବେନକେରା ଅଷ୍ଟମ ଆଦିବାସୀ କପ୍ କ୍ରିକେଟ ଟୁର୍ନାମେଣ୍ଟ ରବିବାର ଉଦ୍ଯାପିତ ହୋଇଯାଇଛି ା ଉଦଯାପନନୀ ମ୍ୟାଚ୍ ପତ୍ରାପାଲି ଏବଂ ବାଲିପଟା ମଧ୍ୟରେ ହୋଇଥିଲା। ପତ୍ରାପାଲି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୨ ଓଭରରେ ୭ ଉଇକେଟ ହରାଇ ୧୦୫ ରନ୍ ସଂଗ୍ରହ କରିଥିଲା ା ଜବାବରେ ବାଲିପଟା ୧୦୨ ରନ୍ ସଂଗ୍ରହ କରି ପାରିଥିଲ ା ଫଳରେ ପତ୍ରାପାଲି ଚାମ୍ପିୟନ ଘୋଷିତ ହୋଇଥିଲା। ଅମ୍ପେୟାର ଭାବେ ଖେଳକୁ ପୀତବାସ ସାହୁ, ପ୍ରଶାନ୍ତ ମିଶ୍ର ପରିଚାଲନା କରିଥିଲେ। ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥିଭାବେ ପଶ୍ଚିମ ଓଡିଶା ଆଦିବାସୀ କଲ୍ୟାଣ ସଂଘ ମହାସଚିବ ନିରଞ୍ଜନ ବିଶି, ସମ୍ମାନିତ ଅତିଥି ସିନେ ନିର୍ଦ୍ଦେଶକ ଲମ୍ବୋଦର ଟାକରି, ଲକ୍ଷ୍ମୀ ଶବର, ନନ୍ଦ ପୁଟେଲ, ସଦାନନ୍ଦ ହଂସ ପ୍ରମୁଖ ଯୋଗଦେଇଥିଲେ ା ଏହି ଅବସରରେ ଚାମ୍ପିୟନ୍ ଦଳକୁ ଟ୍ରଫି ସହ ନଗଦ ୧୫ ହଜାର ଏବଂ ରନର୍ସ ଅପ୍ ଦଳକୁ ଟ୍ରଫି ସହ ନଗଦ ୧୦ ହଜାର ଟଙ୍କା ପ୍ରଦାନ କରାଯାଇଥିଲା ା ବେନକେରା କ୍ରିକେଟ କ୍ଲବ ତରଫରୁ ଆୟୋଜିତ ଟୁର୍ନାମେଣ୍ଟରେ ୧୬ଟି ଦଳ ଭାଗ ନେଇଥିଲେ ା
