କଟକ ଅଫିସ,୨୧ା୪: କମିଶନରେଟ୍ ପୋଲିସରେ ବୁଧବାର ଜଣେ ଏସିପିଙ୍କ ସମେତ ୭ ଇନ୍ସପେକ୍ଟର, ୪୪ ସବ୍ଇନ୍ସପେକ୍ଟର ଓ ୪ ଜଣ ଆସିଷ୍ଟାଣ୍ଟ ସବ୍ଇନ୍ସପେକ୍ଟରଙ୍କ ବଦଳି କମିଶନରେଟ ପୋଲିସ ମଧ୍ୟରେ କରାଯାଇଛି। ବିଭିନ୍ନ ଥାନାରେ ଖାଲି ପଡ଼ିଥିବା ପଦବୀ, ପ୍ରଶାସନିକ ଆବଶ୍ୟକତା ଓ ଲୋକଙ୍କ ସେବାକୁ ଦୃଷ୍ଟିରେ ରଖାଯାଇ କରାଯାଇଛି। ଏହି କ୍ରମରେ କଟକ ଡିଆଇବିରେ ଏସିପି ଭାବେ କାର୍ଯ୍ୟରତ ସତ୍ୟ ରଞ୍ଜନ ମଲ୍ଲିକଙ୍କୁ କଟକ ଆଇୟୁସିଏଡବ୍ଲ୍ୟୁକୁ ବଦଳି କରାଯାଇଛି। ସେହିପରି କଟକ ଆଇୟୁସିଏଡବ୍ଲ୍ୟୁରେ ଇନ୍ସପେକ୍ଟର ଭାବେ କାର୍ଯ୍ୟରତ କୃଷ୍ଣ ପ୍ରସାଦ ଦାସଙ୍କୁ କଟକ ଡିଆଇବିକୁ ବଦଳି କରାଯାଇଛି ା ସେହିପରି ଇନ୍ସପେକ୍ଟର ନିନାଙ୍କୁ ଭୁବନେଶ୍ୱର ୟୁପିଡିରୁ ଭୁବନେଶ୍ୱର ଡିସିଆର୍ବିକୁ, ଇନ୍ସପେକ୍ଟର ରୀନା ଦାସଙ୍କୁ କଟକ ୟୁପିଡିରୁ କଟକ ସଦର ଥାନାକୁ ଅତିରିକ୍ତ ଇନ୍ସପେକ୍ଟର ଭାବେ, ଇନ୍ସପେକ୍ଟର ଗଣେଶ ଚନ୍ଦ୍ର ସ୍ବାଇଁଙ୍କୁ ଭୁବନେଶ୍ୱର ହେଡ୍ କ୍ବାର୍ଟରରୁ ସେହିଠାରେ, ଇନ୍ସପେକ୍ଟର ବିଜୟ କୁମାର ବାରିକଙ୍କୁ ଭୁବନେଶ୍ୱର ୟୁପିଡିରୁ ଭୁବନେଶ୍ୱର ଶହୀଦ ନଗର ଥାନାକୁ ଅତିରିକ୍ତ ଇନ୍ସପେକ୍ଟର ଭାବେ, ଇନ୍ସପେକ୍ଟର ସୁଚିତ୍ରା ପରିଡ଼ାଙ୍କୁ ଭୁବନେଶ୍ୱର କମିଶନରଙ୍କ କାର୍ଯ୍ୟାଳୟରୁ ନୟାପଲ୍ଲୀ ଥାନାର ଅତିରିକ୍ତ ଇନ୍ସପେକ୍ଟର, କଟକ ଆଇୟୁସିଏଡବ୍ଲ୍ୟୁ ଇନ୍ସପେକ୍ଟର ପ୍ରମୋଦ କୁମାର ଲେଙ୍କାଙ୍କୁ ଭୁବନେଶ୍ୱର ୟୁପି ଆଣ୍ଡ୍ ଟିଟିଆଇକୁ ବଦଳି କରାଯାଇଛି। ଏଥିସହ ୪୪ ଜଣ ସବଇନ୍ସପେକ୍ଟରଙ୍କୁ କମିଶନରେଟ୍ ପୋଲିସ ଅନ୍ତର୍ଗତ ବିଭିନ୍ନ ଥାନାକୁ ବଦଳି କରାଯାଇଥିବାବେଳେ ୪ ଜଣ ଆସିଷ୍ଟାଣ୍ଟ ସବ୍ଇନ୍ସପେକ୍ଟରଙ୍କୁ ବିଭିନ୍ନ ଥାନାକୁ ବଦଳି କରାଯାଇଛି ା
