କଣ୍ଟାମାଳ,୨୧।୧(ଡି.ଏନ.ଏ):ବୌଦ୍ଧ ଜିଲା କଣ୍ଟାମାଳ-ମନମୁଣ୍ଡା ରାସ୍ତାର ଗୋପାଳମାଳଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ଡମ୍ପର ଅଟୋକୁ ଧକ୍କା ଦେବା ଫଳରେ ଗୋଟିଏ ପରିବାରର ୩ଜଣଙ୍କ ମୃତ୍ୟୁ ଘଟିଛି। ଅଟୋ ଡ୍ରାଇଭରଙ୍କୁ ସଂକଟାପନ୍ନ ଅବସ୍ଥାରେ ସୋନପୁର ଡାକ୍ତରଖାନା ନିଆଯାଇଛି । ଘଟଣାରୁ ପ୍ରକାଶ ଯେ , ଅଟୋ (ଓଡି୩୧ଏଫ୍୭୭୨୬) ପଲଶାଗୋରାକୁ ଦିନ ୯.୩୦ରେ ଯାଉଥିବା ବେଳେ ପଛପଟରୁ ଏକ ବଜୁରି ବୋଝେଇ ଡମ୍ପର (ଓଆର୍୩୧୨୨୩୩) ଅଟୋକୁ ଧକ୍କା ଦେବା ସହ ରାସ୍ତାର ବାମ ପଟକୁ ଖସି ପଡିଥିଲା । ଫଳରେ ଘଟଣାସ୍ଥଳରେ
ସୁରୁସୁତା ନାଗ (୫୦) ବେଲ ନାଗ (୨୫)ବବଲୁ ନାଗ (୧୩)ଙ୍କ ମୃତ୍ୟୁ ଘଟିଛି। ଅଟୋ ଡ୍ରାଇଭର ଗଣେଶ ତାଣ୍ଡି (୪୦) ସଂକଟାପନ୍ନ ଅଛନ୍ତି। ଘଟଣାସ୍ଥଳରେ ପୋଲିସ ଓ ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ସୂଚନାଯୋଗ୍ୟ , ଇଟାଭାଟିରେ ଶ୍ରମିକ ଭାବରେ କାର୍ଯ୍ୟ କରୁଥିବା ଫଗୁଣାମାଳ ଗାଁର ଏହି ପରିବାର ଏକ ବିବାହ ପାଇଁ ବଜାର ଯାଉଥିଲେ। କ୍ଷତିପୂରଣ ଦାବିରେ ରାସ୍ତାରୋକୋ ଜାରି ରହିଛି ।
