ଏନ୍‌ଏଚ୍‌ରେ ଟୋଲ୍‌ ଶୋଷଣ

ଯାଜପୁର ଅଫିସ,୧୦ା୫:ଏନ୍‌ଏଚ୍‌ଏଆଇ(ନ୍ୟାଶନାଲ ହାଇୱେ ଅଥରିଟି ଅଫ୍‌ ଇଣ୍ଡିଆ)ରେ ଟୋଲ୍‌ ଶୋଷଣ ସୀମା ଲଂଘିଛି। ୫୦ କିମି ଦୂରତା ମଧ୍ୟରେ ଥିବା ୩ ଟୋଲ୍‌ ପ୍ଲାଜାରେ ଏଭଳି ବେଆଇନ କାର୍ଯ୍ୟ ଚାଲିଛି। ୨୦୧୬ ଜୁଲାଇରେ ହୋଇଥିବା ନିଷ୍ପତ୍ତି ଅନୁସାରେ ୧୬ନଂ.ଜାତୀୟ ରାଜପଥର କଟକ ଜିଲା ମଙ୍ଗୁଳିରେ ଥିବା ଟୋଲ୍‌ ପ୍ଲାଜା ବନ୍ଦାଳୋ ନିକଟକୁ ସ୍ଥାନାନ୍ତର ହୋଇଛି। ତେବେ ସେହି ନିଷ୍ପତ୍ତି ଅନୁସାରେ ବନ୍ଦାଳୋରୁ ୬୦ କିମି ଦୂର ଭଦ୍ରକ ଜିଲା ଡାହାଲା ନିକଟକୁ ପାଣିକୋଇଲି ଟୋଲ୍‌ ପ୍ଲାଜା ଏବଂ ୫୩ ନଂ. ଏନ୍‌ଏଚ୍‌ର ଶ୍ରୀରାମପୁର ଟୋଲ୍‌ ପ୍ଲାଜାକୁ କେନ୍ଦ୍ରାପଡ଼ା ଜିଲା ମାର୍ଶାଘାଇକୁ ସ୍ଥାନାନ୍ତର କରାଯାଇନାହିଁ।
ଗତ ତା.୧୧ା୮ା୨୦୧୬ରେ ଜାତୀୟ ରାଜପଥ ୫୩ ଓ ୧୬ନଂ.ରେ ଥିବା ଟୋଲ୍‌ ପ୍ଲାଜାଗୁଡ଼ିକର ସ୍ଥାନ ପରିବର୍ତ୍ତନ ସକାଶେ ସାଇଟ୍‌ ସିଲେକ୍ସନ କରିବାକୁ ରାଜ୍ୟ ପରିବହନ ସଚିବଙ୍କ କାର୍ଯ୍ୟାଳୟରୁ ନିଷ୍ପତ୍ତି ହୋଇଥିଲା। ବିଭାଗୀୟ ଅତିରିକ୍ତ ସଚିବ (ଟେକ୍‌ନିକାଲ) ତାଙ୍କ ପତ୍ରସଂଖ୍ୟା ୧୨୪୪୮/୧୧ା୮ା୨୦୧୬ରେ ଯାଜପୁର, ଚଣ୍ଡିଖୋଲ, ବାଲେଶ୍ୱର ଓ ଭଦ୍ରକ ଆଞ୍ଚଳିକ ପରିବହନ ଅଧିକାରୀ(ଆର୍‌ଟିଓ)ମାନଙ୍କୁ ଏହି ମର୍ମରେ ନିର୍ଦ୍ଦେଶ ଦେଇଥିଲେ। ଯାଜପୁର ଜିଲା ବନ୍ଦାଳୋକୁ ମଙ୍ଗୁଳି ଟୋଲ୍‌ ପ୍ଲାଜା ଏବଂ ପାଣିକୋଇଲି ଟୋଲ୍‌ ପ୍ଲାଜା ବନ୍ଦାଳୋଠାରୁ ୬୦ କିଲୋମିଟର ଦୂର ଡାହାଳକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଥିଲା। ଉକ୍ତ ପତ୍ରରେ ଦୁଇଟି ଟୋଲ୍‌ ପ୍ଲାଜାର ଦୂରତା ଯେପରି ୬୦ କିଲୋମିଟର ବ୍ୟବଧାନରେ ରହିବ ଏବଂ ମ୍ୟୁନିସିପାଲିଟି, ଏନ୍‌ଏସି ଓ ମାର୍କେଟ୍‌ ଏରିଆରୁ ୧୦ କିଲୋମିଟର ଦୂରରେ ରହିବ ସେଥିପାଇଁ ଯନତ୍ବାନ୍‌ ହେବାକୁ ଉକ୍ତ ପତ୍ରରେ ଦର୍ଶାଯାଇଥିଲା। ତେଣୁ ଜାତୀୟ ରାଜପଥ ବିଭାଗର ସ୍ଥାନୀୟ ନିର୍ବାହୀ ଯନ୍ତ୍ରୀ, ମୁଖ୍ୟଯନ୍ତ୍ରୀ ଓ ଏନ୍‌ଏଚ୍‌ଏଆଇ କର୍ତ୍ତୃପକ୍ଷଙ୍କ ସହ ପରାମର୍ଶ କରି ଆବଶ୍ୟକ ପଦକ୍ଷେପ ନେବାକୁ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା। ୨୦୧୬ ଜୁଲାଇ ୧୯ରେ ପରିବହନ ବିଭାଗ ପକ୍ଷରୁ ଟୋଲ୍‌ ପ୍ଲାଜା ସ୍ଥାନାନ୍ତରକୁ ନେଇ ନିଷ୍ପତ୍ତି ହୋଇଥିଲା। ଏନେଇ ରାଜ୍ୟ ପରିବହନ ବିଭାଗ କାର୍ଯ୍ୟାଳୟ ପକ୍ଷରୁ ଇଆଇସି/ୱାର୍କ ସେକ୍ରେଟାରିଙ୍କୁ ୧୧୦୬୩/୧୯ା୭ା୨୦୧୬ ପତ୍ର ସଂଖ୍ୟାରେ ସବିଶେଷ ସୂଚନା ପ୍ରଦାନ କରାଯାଇଥିଲା। କିନ୍ତୁ ବର୍ତ୍ତମାନ ଏନ୍‌ଏଚ୍‌ ୬ ବନ୍ଦାଳୋଠାରେ ଥିବା ଟୋଲ୍‌ଗେଟଠାରୁ ପାଣିକୋଇଲି ଟୋଲ୍‌ଗେଟର ଦୂରତା ମାତ୍ର ୪୭ କିଲୋମିଟର। ଚଣ୍ଡିଖୋଲ-ପାରାଦୀପ ଜାତୀୟ ରାଜପଥ-୫୩ରେ ଥିବା ଶ୍ରୀରାମପୁର ଟୋଲ୍‌ଗେଟ୍‌ଠାରୁ ପାଣିକୋଇଲି ଟୋଲ୍‌ଗେଟ୍‌ର ଦୂରତା ୩୨ କିଲୋମିଟର। ଅନ୍ୟପକ୍ଷେ ୨୦୦ ନମ୍ବର କେନ୍ଦୁଝର ଜିଲା ହସନପୁର ଟୋଲ୍‌ ପ୍ଲାଜା ପାଣିକୋଇଲିଠାରୁ ମାତ୍ର ୩୫ କିମି ଦୂରତାରେ ରହିଛି। ଏହିକ୍ରମରେ ଭୁବନେଶ୍ୱରଠାରୁ ଯାଜପୁର ଜିଲାଦେଇ ପ୍ରସିଦ୍ଧ ଘଟଗାଁ ତାରିଣୀ ମନ୍ଦିରକୁ ଗଲେ ମଙ୍ଗୁଳି, ପାଣିକୋଇଲି ଓ ହସନପୁର ନିକଟସ୍ଥ ୩ ଟୋଲ୍‌ ପ୍ଲାଜା ଅତିକ୍ରମ କରିବାକୁ ପଡୁଛି। ଯାଜପୁର ରୋଡରୁ ଭୁବନେଶ୍ୱର କିମ୍ବା ପାରାଦୀପକୁ ଗଲେ ୫୦ କିମି ଦୂରତା ମଧ୍ୟରେ ୨ଟି ଟୋଲ୍‌ ଗେଟ୍‌ ପଡୁଛି। ମଙ୍ଗୁଳି ଟୋଲ୍‌ ପ୍ଲାଜା ସ୍ଥାନାନ୍ତର ହୋଇ ସାରିଥିବାବେଳେ ଯାଜପୁର ଜିଲାର ଶ୍ରୀରାମପୁର ଓ ପାଣିକୋଇଲି ଟୋଲ୍‌ ପ୍ଲାଜା କାହିଁକି ସ୍ଥାନାନ୍ତର ହେଉନାହିଁ ତାହା ପ୍ରଶ୍ନବାଚୀ ସୃଷ୍ଟି କରିଛି।
ପାଣିକୋଇଲି ଟୋଲ୍‌ ପ୍ଲାଜାରୁ କେତେଜଣ ପ୍ରଭାବଶାଳୀ ବ୍ୟକ୍ତି ମାସିକ ଚାନ୍ଦା ପାଉଥିବାରୁ ଏହା ସ୍ଥାନାନ୍ତର ହୋଇ ପାରୁ ନ ଥିବା ଆଲୋଚନା ହୋଇଛି। ଏହାବାଦ୍‌ କେନ୍ଦୁଝର ଓ ସୁକିନ୍ଦା ଅଞ୍ଚଳରୁ ଖଣିଜ ପଦାର୍ଥ ପରିବହନରେ ବିପୁଳ ଅର୍ଥ ଏଠାରେ ମିଳୁଥିବାରୁ ଏହାକୁ ସ୍ଥାନାନ୍ତର କରିବାକୁ ଟୋଲ୍‌ କର୍ତ୍ତୃପକ୍ଷ ଅରାଜି ହେଉଥିବା କୁହାଯାଉଛି। ସରକାରଙ୍କ ନିର୍ଦ୍ଦେଶର ପ୍ରାୟ ୫ ବର୍ଷ ଅତିକ୍ରାନ୍ତ ହେଉଥିବାବେଳେ ଏନ୍‌ଏଚ୍‌ଏଆଇର ଗାଇଡ୍‌ଲାଇନ ଏଠାରେ ଫମ୍ପା ମାଠିଆ ସଦୃଶ ହୋଇଛି। ଏନେଇ ଗାଡ଼ି ମାଲିକ ସ୍ମୃତିରଞ୍ଜନ ଘଡେଇ କୁହନ୍ତି, ଯୋଡ଼ାରୁ ପାରାଦୀପକୁ ପରିବହନ ଗାଡି ଯିବା ବାଟରେ ୫୦ କିମି ମଧ୍ୟରେ ୨ଟି ଟୋଲ୍‌ ପ୍ଲାଜା ଅତିକ୍ରମ କରିବାକୁ ପଡୁଛି। ଏହାସହ ପାଣିକୋଇଲି ଟୋଲ୍‌ ପ୍ଲାଜାରେ ଫାଷ୍ଟ ଟାଗ୍‌ ଠିକ୍‌ ଭାବେ କାର୍ଯ୍ୟକାରୀ ହେଉନାହିଁ। ସେଠାରେ ନଗଦ ଟଙ୍କା ଦେଇ ଗାଡ଼ି ଅତିକ୍ରମ ହେବା ପରେ ଫାଷ୍ଟ ଟାଗ୍‌ରୁ ପଇସା କଟୁଛି। ଏଭଳି ଭାବେ ଗାଇଡ୍‌ଲାଇନକୁ ଉଲ୍ଲଂଘନ କରାଯାଉଥିବାରୁ ଗାଡିମାଲିକମାନେ ବହୁ ଖର୍ଚ୍ଚାନ୍ତ ହେଉଛନ୍ତି। ଗାଡି ମାଲିକ ସୁବାସ ଧଳ କୁହନ୍ତି ଏନ୍‌ଏଚ୍‌ଏଆଇର ଗାଇଡ୍‌ଲାଇନକୁ ରାଜ୍ୟ ପରିବହନ ବିଭାଗ ମାନୁ ନାହାନ୍ତି। କେତେଜଣ ରାଜନୈତିକ ପ୍ରଭାବଶାଳୀ ବ୍ୟକ୍ତିଙ୍କ ପ୍ରୋତ୍ସାହନରେ ଏଠାରେ ବେଆଇନ ଭାବେ ଟୋଲ୍‌ ଆଦାୟ ହେଉଛି। ଆଗାମୀ ଦିନରେ ପାଣିକୋଇଲି ଟୋଲ୍‌ ପ୍ଲାଜା ଆଖୁଆପଦା ନିକଟକୁ ସ୍ଥାନାନ୍ତର କରା ନ ଗଲେ ବ୍ୟାପକ ଆନ୍ଦୋଳନ କରାଯିବ। ଏ ସଂକ୍ରାନ୍ତରେ ପାଣିକୋଇଲି ଟୋଲ୍‌ ପ୍ଲାଜା କର୍ତ୍ତୃପକ୍ଷଙ୍କ ସହ ଯୋଗାଯୋଗ ସମ୍ଭବ ହୋଇ ପାରିନାହିଁ।


Enter your email to get our daily news in your inbox.

All Right Reserved By Dharitri.Com

ଯୌତୁକ ପାଇଁ ମହିଳାଙ୍କୁ ହତ୍ୟା ଅଭିଯୋଗ

ନିମାପଡ଼ା, ୨।୧୦(ଡି.ଏନ୍‌.ଏ.): ଚାରିଛକ ଫାଣ୍ଡି ଅନ୍ତର୍ଗତ ତୁଳସୀପୁର ପଞ୍ଚାୟତ ବେଲପଡ଼ା ଗ୍ରାମର ମମତା ସାହୁଙ୍କ ଗୁରୁବାର ରାତିରେ ମୃତ୍ୟୁ ଘଟିଛି। ତେବେ ମମତାଙ୍କ ବାପଘର ଲୋକେ...

ସୁଦର୍ଶନପୁର ପୂର୍ବତନ ସରପଞ୍ଚଙ୍କ ପରଲୋକ

ବାସୁଦେବପୁର,୧।୨: ଭଦ୍ରକ ଜିଲା ବାସୁଦେବପୁର ବ୍ଲକ ସୁଦର୍ଶନପୁର ପଞ୍ଚାୟତର ପୂର୍ବତନ ସରପଞ୍ଚ ଭୁବନାନନ୍ଦ ମଲିକଙ୍କ ଶନିବାର ଭୋର ସମୟରେ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୬୫...

ତହସିଲଦାର ସଫା କଲେ କାର୍ଯ୍ୟାଳୟ ପରିସର

ଶେରଗଡ଼,୯।୭(ଡି.ଏନ.ଏ.) : ଗଞ୍ଜାମ ଜିଲା ଶେରଗଡ଼ ତହସିଲ କାର୍ଯ୍ୟାଳୟ ପରିସରକୁ ମଙ୍ଗଳବାର କର୍ମଚାରୀମାନେ ମିଶି ସଫା କରିଛନ୍ତି। ଏହାକୁ ତହସିଲଦାର ଡ଼. ଦୟାସିନ୍ଧୁ ପରିଡା ସଫା...

ଆୟୁର୍ବେଦ ଚିକିତ୍ସକଙ୍କ ଦ୍ୱାରା ଅସ୍ତ୍ରୋପଚାରକୁ ବିରୋଧ

ଯାଜପୁର ଅଫିସ,୭ା୧୨: ଆୟୁର୍ବେଦ ଚିକିତ୍ସକମାନେ ରୋଗୀଙ୍କ କେତେକ ନିର୍ଦ୍ଦିଷ୍ଟ ଅସ୍ତ୍ରୋପଚାର କରିପାରିବେ। ଏନେଇ ଗତ ନଭେମ୍ବର ୧୯ରେ ଆୟୁଷ ମନ୍ତ୍ରଣାଳୟ ଅଧୀନ ଭାରତୀୟ ଚିିକିତ୍ସା କେନ୍ଦ୍ରୀୟ...

ଯୁବତୀଙ୍କୁ ହତ୍ୟା ଧମକ ଅଭିଯୋଗ, ଜଣେ ଗିରଫ

ପାଟଣା,୨୭।୫(ସ୍ବ.ପ୍ର)-ଜଣେ ଯୁବତୀଙ୍କୁ ହତ୍ୟା ଧମକ ଦେବା ଅଭିଯୋଗରେ ବୁଧବାର କେନ୍ଦୁଝର ଜିଲା ତୁରୁମୁଙ୍ଗା ପୋଲିସ କରଞ୍ଜିଆ ଥାନା କରଞ୍ଜିଆର ରାଜେଶ କୁମାର ସାହୁ(୨୫)ଙ୍କୁ ଗିରଫ କରି...

ଭିନ୍ନକ୍ଷମ ସଶକ୍ତୀକରଣ ଯୋଜନା ବାଟବଣା

ଭଦ୍ରକ ଅଫିସ, ୩।୧୨- ଭିନ୍ନକ୍ଷମମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବା ପାଇଁ ସରକାରଙ୍କ ବିଭିନ୍ନ ଯୋଜନା କାର୍ଯ୍ୟ କରୁଛି। ମାତ୍ର ତୃଣମୂଳ ସ୍ତରରେ ଏହି ଯୋଜନାର...

୩ ବେଆଇନ ସ’ ମିଲରେ ଚଢ଼ାଉ : ୧୧ ଲକ୍ଷ ଟଙ୍କାର ଯନ୍ତ୍ରାଂଶ, କାଠ ଜବତ

ରୂପ୍‌ସା/ବସ୍ତା, ୧୪।୯(ସ୍ବ.ପ୍ର.)-ବାଲେଶ୍ୱର ଜିଲା ସଦର ଓ ବସ୍ତା ଥାନା ଅଞ୍ଚଳରେ ଚାଲିଥିବା ୩ଟି ବେଆଇନ୍‌ ସ’ ମିଲ ଉପରେ ଶନିବାର ବନବିଭାଗ ପକ୍ଷରୁ ଚଢ଼ାଉ କରାଯାଇଛି।...

କୋଭିଡ-୧୯ ପରୀକ୍ଷାକେନ୍ଦ୍ର କାର୍ଯ୍ୟକ୍ଷମ ନେଇ ଦାବିପତ୍ର

ବାଲେଶ୍ୱର ଅଫିସ,୩।୬- ବାଲେଶ୍ୱର ଫକୀରମୋହନ ମେଡିକାଲ୍‌ କଲେଜ୍‌ ପରିସରରେ ଗତ ୩୧ ତାରିଖ ରାତି ୮ଟା ସମୟରେ କୋଭିଡ୍‌-୧୯ ସଂକ୍ରମିତଙ୍କ ସ୍ବାବ ପରୀକ୍ଷା ପାଇଁ ଏକ...

Advertisement
Archives

Model This Week