ଆଜି ସୂର୍ଯ୍ୟକିରଣ ଏୟାର ଶୋ

ଭୁବନେଶ୍ୱର(ବ୍ୟୁରୋ)/ବାରଙ୍ଗ,୧୫।୯ (ଡି.ଏନ୍‌.ଏ.): ଆଜାଦୀ କା ଅମୃତ ମହୋତ୍ସବ ପାଳନ ଅବସରରେ ଭୁବନେଶ୍ୱର ଜରିପାଟଣାସ୍ଥିତ ବାଲିଯାତ୍ରା ପଡ଼ିଆର କୁଆଖାଇ ନଦୀପଠାରେ ବାୟୁସେନା ପକ୍ଷରୁ ସୂର୍ଯ୍ୟକିରଣ ଏୟାର ଶୋ’ ଶୁକ୍ରବାର ଅନୁଷ୍ଠିତ ହେବ। ଏ ନେଇ ଗୁରୁବାର କୁଆଖାଇ ନଦୀପଠାରେ ବାୟୁସେନାର ୯ଟି ଲଢୁଆ ବିମାନ ଏୟାର ଶୋ’ ପାଇଁ ରିହର୍ସାଲ କରିଥିଲେ। ଏଥିସହ ଶୃଙ୍ଖଳିତ ଏୟାର ଶୋ’ ପାଇଁ କମିଶନରେଟ ପୋଲିସ, ଭାରତୀୟ ବାୟୁସେନା ପକ୍ଷରୁ ବାଲିଯାତ୍ରା ପଡ଼ିଆ ସମେତ ଆଖପାଖ ଅଞ୍ଚଳର ସ୍ଥିତି ଅନୁଧ୍ୟାନ କରାଯାଇଥିଲା। ଭାରତୀୟ ବାୟୁସେନାର ଲଢୁଆ ବିମାନର ଶକ୍ତି ସହ ଏଥିପ୍ରତି ଲୋକଙ୍କ ଥିବା ଦୃଢ଼ ବିଶ୍ୱାସ ଏବଂ ଉତ୍ସାହକୁ ଦ୍ୱିଗୁଣିତ କରିବା ପାଇଁ ଏହି ଶୋ’ କରାଯାଉଛି। ତେବେ ଏଥିପାଇଁ ବାୟୁସେନା ପକ୍ଷରୁ ୧୧ଟି ଲଢ଼ୁଆ ହକ୍‌ ବିମାନକୁ କର୍ନାଟକର ବିଦାରରୁ ଅଣାଯାଇଛି। ଏପରିକି ବାୟୁସେନାର ଏକ ସ୍ବତନ୍ତ୍ର ଟିମ୍‌ ଆବଶ୍ୟକ ସାମଗ୍ରୀ ଆଣି ବିମାନ ଏଏନ୍‌-୩୨ରେ ଭୁବନେଶ୍ବରରେ ବୁଧବାର ପହଞ୍ଚତ୍ଥିଲେ।
ଭୁବନେଶ୍ୱରରେ ଏହି ଶୋ’ ପ୍ରଥମଥର ପାଇଁ ଅନୁଷ୍ଠିତ ହେଉଥିବାରୁ ଏହାକୁ ନେଇ ଲୋକମାନେ ବେଶ୍‌ ଉତ୍ସାହିତ ଅଛନ୍ତି। ବୁଧବାର ଦୁଇଟି ହକ୍‌ ବିମାନ ବାଲିଯାତ୍ରା ପଡ଼ିଆ ଉପରେ ବୁଲି ମ୍ୟାପିଂ ଓ ଚେକିଂ କରି ଫେରିଥିଲେ। ଗୁରୁବାର ବାୟୁସେନା ପକ୍ଷରୁ ଫୁଲ ଡ୍ରେସ୍‌ ରିହର୍ସାଲ ହୋଇଥିଲା। ଏହି ରିହର୍ସାଲ ଦେଖିବା ପାଇଁ ଲୋକଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା। ଏହି ଅଭ୍ୟାସ କାର୍ଯ୍ୟକ୍ରମରେ ବାୟୁସେନାର ୯ଟି ହକ୍‌ ବିମାନ ସାମିଲ ହୋଇ ବିଭିନ୍ନ ଚିତ୍ତାକର୍ଷକ କୌଶଳ ପ୍ରଦର୍ଶନ କରିଥିଲେ। ଏଥିସହ ସୈନିକ ସ୍କୁଲର ଏଏନ୍‌ସିସି କ୍ୟାଡେଟ୍‌, ବିଭିନ୍ନ ସ୍କୁଲର ସ୍କାଉଟ୍ସ ଆଣ୍ଡ ଗାଇଡ୍ସର ଛାତ୍ରୀଛାତ୍ରମାନେ ମଧ୍ୟ ପୋଲିସକୁ ସହାୟତା କରିଥିଲେ। ବିଶେଷକରି ଆରୋହେଡ୍‌ ଫର୍ମେଶନ, ଡାଇମଣ୍ଡ ଫର୍ମେଶନ, ସୂର୍ଯ୍ୟକିରଣ ଫର୍ମେଶନ ଆଦି କୌଶଳ ଦର୍ଶକଙ୍କୁ ଆକର୍ଷିତ କରିଥିଲା। ତେବେ ଏହି ଶୋ’କୁ ଗ୍ରୁପ କ୍ୟାପଟେନ ଜି.ଏସ୍‌.ଝେଲନ ଲିଡ୍‌ କରୁଥିବା ସୂଚନା ମିଳିଛି। ଏହି ଏୟାର ଶୋ’ରେ ବାୟୁସେନାର ବୀର ଯବାନମାନେ ଭୂମିଠାରୁ ପାଖାପାଖି ୫ଶହ ଫୁଟ ଊର୍ଦ୍ଧ୍ୱରେ ଏବଂ ଘଣ୍ଟା ପ୍ରତି ପ୍ରାୟ ୧୬୦୦ କିମି ବେଗରେ କୌଶଳ ପ୍ରଦର୍ଶନ କରିଥିଲେ। ଶୁକ୍ରବାର ପୂର୍ବାହ୍ନ ୧୦ଟା ସମୟରେ ଏହି ଏରୋବାଟିକ ଶୋ’ ଆରମ୍ଭ ହେବ। ତେବେ ଶୁକ୍ରବାର ମୋଟରେ ୧୧ଟି ବିମାନ ଆସିବାକୁ ଥିବାବେଳେ ସେଥିମଧ୍ୟରୁ ୯ଟି ପ୍ରଦର୍ଶନ କରିବେ ଏବଂ ଅନ୍ୟ ୨ଟି ବିମାନକୁ ଷ୍ଟାଣ୍ଡବାଏରେ ରଖାଯିବ। ପୂର୍ବାହ୍ନ ୧୦ଟାରୁ ଆରମ୍ଭ ହୋଇ ୨୫ ମିନିଟ୍‌ ଧରି ଏହି ଶୋ ଚାଲିବ। ଏହି ଶୋ’କୁ ଦେଖିବା ପାଇଁ ଏଥିରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସମେତ ଭିଭିଆଇପି ଏବଂ ବିଶିଷ୍ଟ ବ୍ୟକ୍ତି ଯୋଗଦେବାକୁ ଥିବାବେଳେ ୧୨ଶହରୁ ଊର୍ଦ୍ଧ୍ୱ ଲୋକ ବସି ଦେଖିବାର ବ୍ୟବସ୍ଥା ହୋଇଛି। ଏଥିସହ ୫୦ ହଜାରରୁ ଊଦ୍ଧର୍‌ବ ଲୋକଙ୍କ ସମାଗମ ନେଇ ପ୍ରଶାସନ ପକ୍ଷରୁ କୁଆଖାଇର ଉଭୟ ପାର୍ଶ୍ୱରେ ପୋଲିସର କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଏ ନେଇ ଡିସିପି ପ୍ରତୀକ ସିଂ ଖବରଦାତା ସମ୍ମିଳନୀ ଜରିଆରେ କହିଛନ୍ତି, ସୂର୍ଯ୍ୟକିରଣ ଶୋ’ ଦେଖିବାକୁ ଆସିବାକୁ ଥିବା ସମସ୍ତଙ୍କ ପାଇଁ ସୁରକ୍ଷା ବ୍ୟବସ୍ଥା କରାଯାଇଛି। ରାସ୍ତାରୁ ଟ୍ରାଫିକ ବ୍ୟବସ୍ଥା ଆରମ୍ଭ କରି ପାର୍କିଂ, କୁଆଖାଇ ନଦୀର ଉଭୟ ପାର୍ଶ୍ୱରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଓଡ୍ରାଫ୍‌ ଟିମ ଓ ସ୍ପେଶାଲ ଟିମ୍‌ ରଖାଯାଇଛି। ସୁରକ୍ଷା ପାଇଁ ୪୫ ସେକ୍ସନ୍‌ ଫୋର୍ସ, ୩ଜଣ ଅତିରିକ୍ତ ଡିସିପି, ୯ ଏସିପି, ୨୧ ଇନ୍‌ସ୍ପେକ୍ଟର/ସୁବେଦାର, ୫୦ ଏସ୍‌ଆଇ/ଏଏସ୍‌ଆଇ, ୧୦୦ ହୋମଗାର୍ଡ ମୁତୟନ କରାଯିବାର ବ୍ୟବସ୍ଥା କରାଯାଇଛି। ଏପରିକି ନଦୀର ଉଭୟ ପାର୍ଶ୍ୱରେ କଡ଼ାକଡ଼ି ବ୍ୟବସ୍ଥା କରାଯାଇଛି ବୋଲି ଡିସିପି ସିଂ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜାଲ୍‌ ତଥ୍ୟ ଦେଇ ଆବାସ ହାତେଇଥିଲେ ନାଏବ ସରପଞ୍ଚ

ରସୁଲପୁର,୫ା୧୨(ରଞ୍ଜତ ରାଉତ): ରସୁଲପୁର ବ୍ଲକ ଅନ୍ତର୍ଗତ ବାହାଦଲାପୁର ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା। ପଞ୍ଚାୟତର ନାଏବ ସରପଞ୍ଚ ତିଳୋତ୍ତମା ନାୟକ...

ବାତ୍ୟା ‘ମିଗ୍‌ଜୋମ’: ପ୍ରବଳ ବର୍ଷା ନେଇ ଚିନ୍ତାରେ ଚାଷୀ

ଛତ୍ରପୁର,୫।୧୨(ଦିଲୀପ ସାମଲ): ପଶ୍ଚିମ କେନ୍ଦ୍ରୀୟ ଏବଂ ଦକ୍ଷିଣ ପଶ୍ଚିମ ବଙ୍ଗୋପସାଗର ଦକ୍ଷିଣ ଆନ୍ଧ୍ର ଓ ତାମିଲନାଡୁ ଉପକୂଳରେ କେନ୍ଦ୍ରୀଭୂତ ହୋଇଥିବା ସାମୁଦ୍ରିକ ଝଡ଼ ‘ମିଗ୍‌ଜୋମ’ ଭୟଙ୍କର...

କୋରେଇରେ ଛପି ରହିଛନ୍ତି ନକଲି ଶିକ୍ଷକ

କୋରେଇ,୫ା୧୨(ଚନ୍ଦ୍ରକାନ୍ତ ପତି) : ରାଜ୍ୟରେ ଜାଲ ସାର୍ଟିଫିକେଟ ବଳରେ ଚାକିରିକୁ ନେଇ ତୁମ୍ବିତୋଫାନ ଚାଲିଛି। ରାଜ୍ୟର ବିଭିନ୍ନ ଜିଲାର ଅନେକ ଯୁବତୀଯୁବକ ନକଲି ପ୍ରମାଣପତ୍ର ଦେଇ...

ବସ୍‌ରେ ଆସି ବାଇକ୍‌ ଚୋରି

ଭୁବନେଶ୍ୱର,୫।୧୨(ସୂର୍ଯ୍ୟକାନ୍ତ ବେହେରା):ବସ୍‌ରେ ଆସି ଭୁବନେଶ୍ୱରର ବିଭିନ୍ନ ଥାନା ଅଞ୍ଚଳରୁ ବାଇକ ଚୋରି କରି ଚମ୍ପଟ ମାରୁଥିବା ଏକ ୩ଜଣିଆ ଗ୍ୟାଙ୍ଗକୁ ଖଣ୍ଡଗିରି ଥାନା ପୋଲିସ ଧରିଛି।...

ବିନା ବ୍ରେକ୍‌ରେ ୪୮ଘଣ୍ଟା ନାଟକ ପ୍ରଦର୍ଶନ

ଭୁବନେଶ୍ୱର,୫।୧୨(ଶର୍ମିଷ୍ଠା ପାଣିଗ୍ରାହୀ):ବିନା ବ୍ରେକ୍‌ରେ ଲଗାତର ୪୮ ଘଣ୍ଟାରୁ ଅଧିକ ସମୟ ନାଟକ ପରିବେଷଣ କରି ବିଶ୍ୱ ରେକର୍ଡ ସୃଷ୍ଟି କରିଛି ନାଟ୍ୟ ସଂସ୍ଥା ମିରର ଥିଏଟର।...

ଶ୍ରୀଜଗନ୍ନାଥଙ୍କ ଉପରେ ଆସିବ ୨-ଡି ଓଡ଼ିଆ ଆନିମେଶନ

ଭୁବନେଶ୍ୱର,୫।୧୨(ଶର୍ମିଷ୍ଠା ପାଣିଗ୍ରାହୀ): ମହାପ୍ରଭୁ ଶ୍ରୀଜଗନ୍ନାଥଙ୍କ ଉପରେ ଆସିବ ୨-ଡି ଓଡ଼ିଆ ଆନିମେଶନ ସିରିଜ। ‘ଜୟ ଜଗନ୍ନାଥ’ ନାଁରେ ନାମିତ ଏହି ବିବିଧ ବିଭାଗର ସିରିଜ ବିଶେଷ...

ବ୍ୟାଙ୍କିଙ୍ଗ୍‌ ଠକେଇ ରୋକିବ ‘ରାପିଡ୍‌ ଆଲର୍ଟ ସିଷ୍ଟମ’

ଭୁବନେଶ୍ୱର,୫।୧୨(ଅନୁରାଧା ମହାରଣା):ଡିଜିଟାଲ ବ୍ୟାଙ୍କିଂର ବ୍ୟବହାର ବୃଦ୍ଧି ସହିତ ବ୍ୟାଙ୍କିଙ୍ଗ ଠକେଇ ଘଟଣା ମଧ୍ୟ ଦ୍ରୁତ ଗତିରେ ବଢ଼ିବାରେ ଲାଗିଛି। ତେବେ ଏପରି ଠକେଇ ମାମଲାକୁ ନିୟନ୍ତ୍ରଣ...

ନାରୀ ନିର୍ଯାତନାରେ ଓଡ଼ିଶା ୪ର୍ଥ

ଭୁବନେଶ୍ୱର,୫ା୧୨(ସତ୍ୟଜିତ୍‌ ରାଉତ):ଦେଶବ୍ୟାପୀ ମହିଳା ଓ ଶିଶୁ ବିରୋଧୀ ହିଂସା, ଅପରାଧ ବୃଦ୍ଧି ଚିନ୍ତାଜନକ ରହିଛି। ଅଧିକାଂଶ ମହିଳା ଘରୋଇ ହିଂସାର ଶିକାର ହେଉଛନ୍ତି। ଦେଶରେ ମହିଳା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri