ବ୍ରହ୍ମପୁର ଅଫିସ,୮ା୪: ବ୍ରହ୍ମପୁର ମହାନଗର ନିଗମର ଡେପୁଟି ମେୟର ପାଇଁ ଶୁକ୍ରବାର ନିର୍ବାଚନ ହେବ। ପୂର୍ବାହ୍ନ ୧୦ଟାରୁ ୧୧ଟା ମଧ୍ୟରେ ନାମାଙ୍କନପତ୍ର ଦାଖଲ କରାଯିବ। ୧୧ଟାରୁ ମଧ୍ୟାହ୍ନ ୧୨ଟା ସୁଦ୍ଧା ନାମାଙ୍କନ ଯାଞ୍ଚ ଓ ଅପରାହ୍ନ ଗୋଟାଏ ପୂର୍ବରୁ ପ୍ରାର୍ଥିପତ୍ର ପ୍ରତ୍ୟାହାର କରାଯିବ। ଅପରାହ୍ନ ୧ଟା ୩୦ରୁ ୩ଟା ୩୦ ଭିତରେ ନିର୍ବାଚନ ଶେଷ ହେବ। ତେବେ ୪୨ଟି ଓ୍ବାର୍ଡ ମଧ୍ୟରୁ ୩୦ଓ୍ବାର୍ଡରେ ବିଜେଡି କର୍ପୋରେଟର ଜିତିଥିବା ବେଳେ ଭାଜପାର ୭ ଏବଂ ୪ ସ୍ବାଧୀନ କର୍ପୋରେଟର ଜିତିଛନ୍ତି।
ବ୍ରହ୍ମପୁରର ମେୟର ସଂଘମିତ୍ରା ଦଳେଇ ଜଣେ ମହିଳା ହୋଇଥିବାରୁ ଡେପୁଟି ମେୟର ପଦବୀ ଜଣେ ପୁରୁଷଙ୍କ ହାତକୁ ଯାଇପାରେ ବୋଲି ଚର୍ଚ୍ଚା ହେଉଛି। ତେବେ ଦେଖାଯାଉ ଏହି ପଦବୀଟି କାହା ହାତକୁ ଯାଉଛି।
