ଲଣ୍ଡନ,୨୬ା୫: ଅଷ୍ଟାଦଶ ଶତାବ୍ଦୀର ମହୀଶୂର ଶାସକ ଟିପୁ ସୁଲତାନଙ୍କ ବ୍ୟକ୍ତିଗତ ଶୟନକକ୍ଷରୁ ମିଳିଥିବା ଏକ ଖଣ୍ଡା ସବୁ ରେକର୍ଡ ଭାଙ୍ଗିଦେଇଛି। ଲଣ୍ଡନର ବୋନ୍ହାମ୍ସରେ ଏହା ୧୪ ନିୟୁତ ପାଉଣ୍ଡରେ ନିଲାମ ହୋଇଛି। ୧୭୮୨ରୁ ୧୭୯୯ ପର୍ଯ୍ୟନ୍ତ ମହୀଶୂରକୁ ଶାସନ କରିଥିବା ମହୀଶୂରର ବାଘ ନାମରେ ପରିଚିତ ଟିପୁଙ୍କ ଶୌର୍ଯ୍ୟର ପ୍ରତୀକ ଏହି ଖଣ୍ଡା ତାଙ୍କର ଏକ ବ୍ୟକ୍ତିଗତ କଠୋରିରୁ ମିଳିଥିଲା। ଇଷ୍ଟ ଇଣ୍ଡିଆ କମ୍ପାନୀ ଏହାକୁ ମେଜର ଜେନେରାଲ ଡାଭିଡ୍ ବାଇର୍ଡଙ୍କୁ ଉପହାର ଦେଇଥିଲା। ଏହାର ଅସାଧାରଣ ଇତିହାସ ପାଇଁ ଏତେ ମୂଲ୍ୟରେ ନିଲାମ ହୋଇପାରିଛି ବୋଲି ଇସ୍ଲାମିକ୍ ଆଣ୍ଡ୍ ଇଣ୍ଡିଆନ୍ ଆର୍ଟ ଗ୍ରୁପ୍ ହେଡ୍ ନିମା ସଘାରଚୀ ସୂଚନା ଦେଇଛନ୍ତି।
