ମୁମ୍ବାଇ: ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିଶ ଏକ ଖବରଦାତା ସମ୍ମିଳନୀ କରି ସୁପ୍ରିମକୋର୍ଟଙ୍କ ରାୟକୁ କୃତଜ୍ଞତା ଜଣାଇଛନ୍ତି। ଏପରିକି ଯେଉଁମାନେ ସୁପ୍ରିମକୋର୍ଟଙ୍କ ନିଷ୍ପତ୍ତି ବିଷୟରେ କଳ୍ପନା କରୁଥିଲେ ଏବଂ କହିଥିଲେ ଯେ, ସିନ୍ଦେ ସରକାର ଚାଲିଯିବ, ଆଜି ସେମାନେ ଉତ୍ତର ପାଇଯାଇଛନ୍ତି ବୋଲି ଉପମୁଖ୍ୟମନ୍ତ୍ରୀ ଫଡନବିଶ କହିଛନ୍ତି।
ଅନ୍ୟପକ୍ଷେ ଉଦ୍ଧବ ଠାକ୍ରେ ଏକ ଖବରଦାତା ସମ୍ମିଳନୀରେ ବେସବ ନୈତିକତା ଦୃଷ୍ଟିରୁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିବା କହିବା ସହ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ତୁରନ୍ତ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଇସ୍ତପା ଦିଅନ୍ତୁ ବୋଲି କହିଛନ୍ତି।
ଏହାର ଜବାବରେ ଉପମୁଖ୍ୟମନ୍ତ୍ରୀ ଦେବେନ୍ଦ୍ର କହିଛନ୍ତି ଉଦ୍ଧବ ଠାକ୍ରେ ନୈତିକତା ଦୃଷ୍ଟିରୁ ଇସ୍ତଫା ଦେଇ ନ ଥିଲେ। ସେ ଭୟଭୀତ ହୋଇ ଇସ୍ତଫା ଦେଇଥିବା କହିଛନ୍ତି। ଏପରି କି ଉଦ୍ଧବ ଭାଜପା ସହ ମିଶି ନିର୍ବାଚନ ଲଢିଥିଲେ। ହେଲେ ସେ ଚୌକି ଆଶାରେ ଏନ୍ସିପି ଏବଂ କଂଗ୍ରେସ ସହ ମିଶି ସରକାର ଗଠନ କରିଥିବା ନେଇ ପାଲଟା ଅଭିଯୋଗ କରିଛନ୍ତି। ମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି, ସତ୍ୟର ବିଜୟ ହୋଇଛି। ସଂଖ୍ୟାଲଘୁ ଥିବା ଜାଣି ଉଦ୍ଧବ ଇସ୍ତଫା ଦେଇଥିଲେ। ପରେ ରାଜ୍ୟପାଳ ଠିକ୍ ନିଷ୍ପତ୍ତି ନେଲେ। ଶିବସେନା ଏବଂ ବାଲାସାହେବଙ୍କ ଆଦର୍ଶକୁ ବଞ୍ଚାଇବା ପାଇଁ କାର୍ଯ୍ୟ କରୁଥିବା ମୁଖ୍ୟମନ୍ତ୍ରୀ ସନ୍ଦେ କହିଛନ୍ତି।
