ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଫିଲ୍ମ‘ଦ କଶ୍ମୀର ଫାଇଲ୍ସ’କୁ ନେଇ ଦେଶରେ ଚର୍ଚ୍ଚା ଜୋର ଧରିଛି। ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗିବାରେ ଲାଗିଛି । ୯୦ ଦଶକରେ କଶ୍ମୀର ପଣ୍ଡିତଙ୍କ ଉପରେ ହୋଇଥିବା ଅତ୍ୟାଚାରକୁ ପରଦାରେ ପ୍ରଦର୍ଶନ କରାଯାଇଛି। ଫିଲ୍ମକୁ ଦେଖିବା ପରେ ପ୍ରଶଂସକଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ପ୍ର୍ରଶଂସା କରିଛନ୍ତି। ତେବେ ନିକଟରେ ଅଭିନେତା ଅଭିଷେକ ବଚ୍ଚନ ମଧ୍ୟ ଫିଲ୍ମକୁ ଖୁବ୍ ପ୍ରଶଂସା କରିଛନ୍ତି। ଏହି ଫିଲ୍ମକୁ କେହି ଖରାପ କହିଛନ୍ତି ବୋଲି ଆଜି ଯାଏ କାହାକୁ ଭେଟି ନ ଥିବା କହିଛନ୍ତି ଅଭିନେତା। ବିବେକ ଅଗ୍ନିହୋତ୍ରୀ ଅଭିଷେକଙ୍କୁ ଫିଲ୍ମର ପ୍ରଶଂସା କରିଥିବାରୁ ଧନ୍ୟବାଦ ଜଣାଇଛନ୍ତି।
ମାର୍ଚ୍ଚ ୧୧ରେ ରିଲିଜ୍ ହୋଇଥିଲା‘ଦ କଶ୍ମୀର ଫାଇଲ୍ସ’। ଯାହାକୁ ଦେଖିବାକୁ ଦର୍ଶକଙ୍କ ଭିଡ ଲାଗି ରହୁଛି। ବକ୍ସ ଅଫିସରେ ୨୦୦ କୋଟି ଆୟ କରିସାରିଥିବା ଜଣାପଡିଛି।
