ନୂଆଦିଲ୍ଲୀ,୨୬।୨: କ୍ରିକେଟ ଏପରି ଏକ ଖେଳ ଯେଉଁଠାରେ କେହି ଭଲ ପ୍ରଦର୍ଶନ କଲେ ହିରୋ ହୁଅନ୍ତି। ଏଥର ରଣଜୀ ଟ୍ରଫିରେ ଏଭଳି ଏକ ଘଟଣା ଦେଖିବାକୁ ମିଳିଛି ଯାହା ସମସ୍ତଙ୍କ ହୃଦୟ ଜିତିଛି। ରଣଜୀ ଟ୍ରଫି ମ୍ୟାଚ୍ରେ ବରୋଦା ବ୍ୟାଟ୍ସମ୍ୟାନ ବିଷ୍ଣୁ ସୋଲାଙ୍କିଙ୍କ କାହାଣୀ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କାରଣ ବିଷ୍ଣୁ ତାଙ୍କର ସବୁଠାରୁ ଖରାପ ପର୍ଯ୍ୟାୟ ଦେଇ ଗତି କରୁଥିବା ସତ୍ତ୍ୱେ ଶତକ ମାରି ସମସ୍ତଙ୍କୁ ଚମକାଇଛନ୍ତି।
ବିଷ୍ଣୁ ଶନିବାର ଚଣ୍ଡିଗଡ଼ ବିପକ୍ଷରେ ଖେଳି ଶତକ ହାସଲ କରିଥିଲେ। ହେଲେ ସେ ଏହାର ଖୁସି ମନାଇ ନ ଥିଲେ। କାରଣ ସେ ତାଙ୍କ ଝିଅର ଶେଷକୃତ୍ୟ ଶେଷ କରିବା ପରେ ପଡ଼ିଆକୁ ଓହ୍ଲାଇଥିଲେ। ନିଜ ସନ୍ତାନକୁ ହରାଇବା ସତ୍ତ୍ୱେ ନିଜକୁ ସମ୍ଭାଳି ସେ ତାଙ୍କ ଦଳ ପାଇଁ ଏକ ଶତକ ମାରିଥିଲେ। ୧୨ ଚୌକା ସହାୟତାରେ ସେ ୧୬୧ ବଲରୁ ଅପରାଜିତ ୧୦୩ ରନ କରିଥିଲେ। ଏହାକୁ ନେଇ ଲୋକମାନେ ତାଙ୍କୁ ସାସିଆଲ ମିଡିଆରେ ପ୍ରଶଂସା କରୁଥିବା ବେଳେ ବରୋଦା କ୍ରିକେଟ ଆସୋସିଏସନ ତାଙ୍କୁ ପ୍ରକୃତ ହିରୋ ବୋଲି କହିଛି।
