ବମ୍ବେ: ବଲିଉଡ୍ରେ ଅନେକ ଅଭିନେତ୍ରୀ ଅଛନ୍ତି, ଯେଉଁମାନେ ଦୁଇଥର ବିବାହ କରିଛନ୍ତି। ସେଥିରୁ କିଛି ଛାଡ଼ପତ୍ର ପାଇଥିବା ବ୍ୟକ୍ତିଙ୍କ ହାତ ଧରିଛନ୍ତି। ହେଲେ ସେମାନେ ସୁଖୀ ଦାମ୍ପତ୍ୟ ଜୀବନ ଅତିବାହିତ କରୁଛନ୍ତି। ଯେପରିକି କରିନା କପୁର ଖାନ୍। କରିନା ସୈଫଙ୍କ ଦ୍ୱିତୀୟ ପତ୍ନୀ। ପୂର୍ବରୁ ସୈଫ ଅମୃତା ସିଂହଙ୍କୁ ବିବାହ କରିଥିଲେ।
ଅଭିନେତ୍ରୀ ଶିଳ୍ପା ସେଟ୍ଟୀ ରାଜ କୁନ୍ଦ୍ରାଙ୍କୁ ବିବାହ କରିଛନ୍ତି। ହେଲେ ରାଜ ପୂର୍ବରୁ କବିତା ନାମକ ଜଣେ ଯୁବତୀଙ୍କୁ ବିବାହ କରିଥିଲେ। ତାଙ୍କ ସହ ଛାଡ଼ପତ୍ର ହେବା ପରେ ସେ ଶିଳ୍ପାଙ୍କୁ ବିବାହ କରିଛନ୍ତି।
ଅକ୍ଷୟ କୁମାରଙ୍କ ସହ ବ୍ରେକ୍ଅପ୍ ହେବା ପରେ ରବିନା ଟଣ୍ଡନ ଅନିଲ ଥଡ଼ାନୀଙ୍କୁ ବିବାହ କରିଥିଲେ। ହେଲେ ପୂର୍ବରୁ ବିବାହିତ ଥିଲେ ଅନିଲ। ପରେ ରବିନା ତାଙ୍କର ଦ୍ୱିତୀୟ ସ୍ତ୍ରୀ ପାଲଟିଥିଲେ।
ଲାରା ଦତ୍ତା ମହେଶ ଭୂପତୀଙ୍କ ଦ୍ୱିତୀୟ ପତ୍ନୀ। ଭୂପତି ପୂର୍ବରୁ ଶ୍ୱେତା ଜୟଶଙ୍କରଙ୍କୁ ବିବାହ କରିଥିଲେ। ହେଲେ ପରେ ଉଭୟଙ୍କ ଛାଡ଼ପତ୍ର ହୋଇଯାଇଥିଲା।
ହେମା ମାଳିନୀ ଧର୍ମେନ୍ଦ୍ରଙ୍କ ଦ୍ୱିତୀୟ ପତ୍ନୀ। ଧର୍ମେନ୍ଦ୍ର ପ୍ରଥମ ସ୍ତ୍ରୀ ପ୍ରକାଶ କୌରଙ୍କୁ ଛାଡ଼ପତ୍ର ନଦେଇ ହେମାଙ୍କୁ ବିବାହ କରିନେଇଥିଲେ। ସନି ଦେଓଲ ଓ ବବି ଦେଓଲ ଧର୍ମେନ୍ଦ୍ରଙ୍କ ପ୍ରଥମ ସ୍ତ୍ରୀଙ୍କ ପୁଅ।
