Posted inଫୁରସତ

ଏହି ଦେଶରେ ନାହିଁ ଛାଡ଼ପତ୍ର ଆଇନ !

ମାନିଲା, ୧୭।୯: ଦାମ୍ପତ୍ୟ ଜୀବନରେ ବେଳେବେଳେ କେତେକ ସମସ୍ୟା ଯୋଗୁ ସ୍ତ୍ରୀ-ସ୍ବାମୀ ଅଲଗା ରହିବାକୁ ବାଧ୍ୟ ହୋଇଥାନ୍ତି। ବୈବାହିକ ଜୀବନରେ ଏହାଦ୍ୱାରା ପ୍ରଭାବ ପଡ଼ିଥାଏ। ଆଇନ ବ୍ୟବସ୍ଥାରେ ଏହାକୁ ଛାଡ଼ପତ୍ର କୁହାଯାଇଥାଏ। ପୃଥିବୀର ଭିନ୍ନ ଭିନ୍ନ ଦେଶରେ ଛାଡ଼ପତ୍ର ନେଇ ବିଭିନ୍ନ ଆଇନ ରହିଛି। ତେବେ ଏସିଆର ଏଭଳି ଏକ ଦେଶ ରହିଛି ଯେଉଁଠି ଛାଡ଼ପତ୍ର ବ୍ୟବସ୍ଥା ନାହିଁ ସ୍ତ୍ରୀ-ସ୍ବାମୀ ସାରା ଜୀବନ ଏକାଠି ରହିଥାନ୍ତି। ଏହି ଦେଶଟି ହେଉଛି ଫିଲିପାଇନ୍ସ୍‌। ଏଠାରେ ଅଧିକ ସଂଖ୍ୟକ କ୍ୟାଥୋଲିକ୍‌ ଖ୍ରୀଷ୍ଟିଆନ୍‌ ସମ୍ପ୍ରଦାୟ ବସବାସ କରନ୍ତି। କ୍ୟାଥୋଲିକ ଚର୍ଚ୍ଚର ପ୍ରଭାବରେ ଏଠାରେ ଛାଡ଼ପତ୍ର ବ୍ୟବସ୍ଥା ନାହିଁ। ୨୦୧୫ରେ ପୋପ୍‌ ଫ୍ରାନ୍ସିସ୍‌ ଫିଲିପାଇନ୍ସ୍‌ ଗସ୍ତରେ ଆସିଥିଲେ। ସେତେବେଳେ ସେ ଛାଡ଼ପତ୍ର ଚାହୁଁଥିବା ଦମ୍ପତିଙ୍କ ପ୍ରତି କୋହଳ ମନୋଭାବ ପୋଷଣ କରିବାକୁ ସ୍ଥାନୀୟ ଧର୍ମଗୁରୁଙ୍କୁ ଅନୁରୋଧ କରିଥିଲେ। ତେବେ ଏଠାକାର ସମାଜରେ ଛାଡ଼ପତ୍ରକୁ ଅପମାନଜନକ ଭାବେ ଗ୍ରହଣ କରାଯାଇଥାଏ। ତେଣୁ ଧର୍ମଗୁରୁମାନେ ପୋପ୍‌ଙ୍କ ଅନୁରୋଧକୁ ଅଣଦେଖା କରିଥିଲେ। ପୃଥିବୀର ଅନ୍ୟ ଦେଶରେ ଛାଡ଼ପତ୍ର ବ୍ୟବସ୍ଥା ଥିବାବେଳେ ଫିଲିପାଇନ୍ସ୍‌ରେ ଛାଡ଼ପତ୍ର ବ୍ୟବସ୍ଥା ନ ଥିବାରୁ ସ୍ଥାନୀୟ ବାସିନ୍ଦା ବେଶ୍‌ ଗର୍ବ ଅନୁଭବ କରିଥାନ୍ତି। ପ୍ରାୟ ୪୦୦ ବର୍ଷ ଧରି ଫିଲିପାଇନ୍ସ୍‌ ଉପରେ ସ୍ପେନ୍‌ ରାଜୁତି କରୁଥିଲା। ସେ ସମୟରେ ସ୍ଥାନୀୟ ବାସିନ୍ଦା ଖ୍ରୀଷ୍ଟଧର୍ମ ଗ୍ରହଣ କରିଥିଲେ। ୧୮୯୮ରେ ଆମେରିକା ସ୍ପେନ୍‌ ମଧ୍ୟରେ ଯୁଦ୍ଧ ହୋଇଥିଲା। ଯୁଦ୍ଧରେ ସ୍ପେନ୍‌ ପରାସ୍ତ ହୋଇଥିଲା। ଫିଲିପାଇନ୍ସ୍‌ ଉପରେ ଆମେରିକା ଶାସନ ଆରମ୍ଭ ହୋଇଥିଲା। ସେତେବେଳେ ଛାଡ଼ପତ୍ର ପାଇଁ ଆଇନ ବ୍ୟବସ୍ଥାର ପ୍ରଚଳନ କରାଯାଇଥିଲା। ୧୯୧୭ରେ ପ୍ରଚଳନ କରାଯାଇଥିବା ଛାଡ଼ପତ୍ର ଆଇନରେ କେତେକ ସର୍ତ୍ତ ରହିଥିଲା। ପରେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଫିଲିପାଇନ୍ସ୍‌ରେ ଜାପାନର ରାଜୁତି ହୋଇଥିଲା। ଫଳରେ ଛାଡ଼ପତ୍ର ଆଇନରେ ପୁଣି ପରିବର୍ତ୍ତନ ଅଣାଯାଇଥିଲା। ପରେ ୧୯୪୪ରେ ଏଠାରେ ଆମେରିକା ଶାସନ ଆରମ୍ଭ ହୋଇଥିଲା। ଫଳରେ ଦାମ୍ପତ୍ୟ ଆଇନରେ ପୁଣି ଅଦଳବଦଳ ହୋଇଥିଲା। ୧୯୫୦ରେ ଫିଲିପାଇନ୍ସ୍‌ ସ୍ବାଧୀନତା ପାଇଥିଲା। ଫଳରେ ଦେଶରେ ନୂଆ ଆଇନ ବ୍ୟବସ୍ଥାର ପ୍ରଚଳନରେ କ୍ୟାଥୋଲିକ ଚର୍ଚ୍ଚର ଭୂମିକା ଅଧିକ ରହିଥିଲା। ଫଳରେ ଏଠାରେ ଛାଡ଼ପତ୍ରକୁ ବନ୍ଦ କରାଯାଇଥିଲା। ତେବେ ଏଠାରେ ବାସ କରୁଥିବା ୬ରୁ ୭ ପ୍ରତିଶତ ମୁସଲମାନ ସମ୍ପ୍ରଦାୟରେ ଛାଡ଼ପତ୍ର ଆଇନ ବ୍ୟବସ୍ଥା ରହିଛି।


Enter your email to get our daily news in your inbox.

All Right Reserved By Dharitri.Com

ପ୍ରତି ମହିଳା ୬ ସନ୍ତାନ ପ୍ରସବ କରିବାକୁ କହିଲେ ରାଷ୍ଟ୍ରପତି

କାରାକସ,୫।୩: ବିଶ୍ୱରେ ଜନସଂଖ୍ୟା ବୃଦ୍ଧି ଏକ ସମସ୍ୟା ହୋଇ ଦେଖାଦେଇଥିବା ବେଳେ ଏବେ ଭେନେଜୁଏଲାର ରାଷ୍ଟ୍ରପତି ନିକୋଲସ ମଦୁରୋ ଏମିତି ଏକ ବୟାନ ଦେଇଛନ୍ତି ଯାହା...

ଏମାନେ ବି କରୋନା ଯୋଦ୍ଧା

କରୋନା ଲଢେଇରେ କେବଳ ପ୍ରଶାସନ ନୁହେଁ ବ୍ୟକ୍ତିଗତ ସ୍ତରରେ ମଧ୍ୟ ଅଧିକାଂଶ ନିଜର ସାଧ୍ୟମତେ କାମ କରିଚାଲିଛନ୍ତି। ତେବେ ଏହି ମୁକାବିଲା ପାଇଁ ଆଗେଇ ଆସିଥିବା...

ଯେଉଁଠି ବିବାହ ପୂର୍ବରୁ ବରକୁ ମାରିବାକୁ ପଡ଼େ ଘୁଷୁରି…

ଭାରତର ବିଭିନ୍ନ ପ୍ରାନ୍ତରେ ବିବାହର ଭିନ୍ନ ଭିନ୍ନ ପରମ୍ପରା ରହିଛି। ମଧ୍ୟପ୍ରଦେଶ ଓ ଛତିଶଗଡ଼ରେ ବାସ କରୁଥିବା ଗୋଣ୍ଡ ଜନଜାତିରେ ଅଛି ଏକ ଅଜବ ପରମ୍ପରା।...

ନାଗପଞ୍ଚମୀ: ନାଗଦେବତାଙ୍କ ପୂଜାରେ ଅବଲମ୍ବନ କରନ୍ତୁ ଏହିସବୁ ସାବଧାନତା

ଶ୍ରାବଣ ମାସରେ ଅନେକ ପର୍ବପର୍ବାଣି ପଡ଼ିଥାଏ। ଏହି ମାସ ଭଗବାନ ଶିବଙ୍କ ପ୍ରିୟ ହୋଇଥିବାରୁ ବିଶେଷକରି ତାଙ୍କୁ ପୂଜାର୍ଚ୍ଚନା କରାଯାଇଥାଏ। ଏହାସହିତ ମାସର ପଞ୍ଚମୀ ତିଥିରେ...

ଜନ୍ମିତ ଶିଶୁର ନାମ ‘ସାନିଟାଇଜର୍‌’

ଲକ୍ଷ୍ନୌ: ଦେଶ ସହିତ ସମଗ୍ର ବିଶ୍ୱରେ କରୋନା ତା’ର କାୟା ବିସ୍ତାର କରିବାରେ ଲାଗିଛି। ଭାରତରେ ପ୍ରଥମେ ୨୧ ଦିନ ପାଇଁ ଲକ୍‌ଡାଉନ୍‌ ଘୋଷଣା କରାଯାଇଥିଲା।...

ଭାରତରେ ୬ଥର ପାଳନ କରାଯାଏ ନବବର୍ଷ

ପ୍ରତିବର୍ଷ ଜାନୁୟାରୀ ୧ ତାରିଖକୁ ନୂଆବର୍ଷ ଭାବେ ସାରା ବିଶ୍ୱରେ ବେଶ୍‌ ଧୁମ୍‌ଧାମ୍‌ରେ ପାଳନ କରାଯାଇଥାଏ। ହେଲେ ଭାରତର ନୂଆବର୍ଷ ପାଳନ ସବୁଠାରୁ ଅଲଗା। ଏଠାରେ...

୯୨ ଯାତ୍ରୀଙ୍କୁ ନେଇ ଉଡିଥିବା ବିମାନ ୩୭ ବର୍ଷ ପରେ କରିଥିଲା ଅବତରଣ

କଥାଟା ଆଶ୍ଚର୍ଯ୍ୟ ଲାଗୁଥାଇ ପାରେ। କିନ୍ତୁ ୯୨ ଯାତ୍ରୀଙ୍କୁ ନେଇ ଉଡିଥିବା ଏକ ବିମାନ ପ୍ରାୟ ୩୭ ବର୍ଷ ପରେ ଅବତରଣ କରିଥିବା କୁହାଯାଏ। ସାଣ୍ଟିଆଗୋ...

ବଙ୍କର ସ୍କୁଲ : ଜାତୀୟ ସଙ୍ଗୀତ ଆରମ୍ଭ ହେଲେ ପାକିସ୍ତାନ ଗୁଳିଗୋଳା ବର୍ଷଣ କରେ

ଶ୍ରୀନଗର: ଜମ୍ମୁର ପୂରା ପାଖରେ ଠିକ୍‌ ଜିରୋ ଲାଇନରେ ପାକିସ୍ତାନ ସୀମାକୁ ଲାଗି ରହିଥିବା ଗାଁରେ ୧୯୯୬ ପୂର୍ବରୁ କୌଣସି ସ୍କୁଲ ନ ଥିଲା। ଏହାପରେ...

Coronavirus Update

Archives

Model This Week

Why Dharitri