ଦକ୍ଷ ଅଫିସର ପାଇବେ ବଡ଼ ବିଭାଗ, ଆହୁଜାଙ୍କୁ ନୂଆ ଦାୟିତ୍ୱ ମିଳିବ ନା ନାହିଁ ଚର୍ଚ୍ଚାରେ

ଭୁବନେଶ୍ୱର, ୨୫।୧୨(ସୁନିତ୍‌ ମିଶ୍ର): ରାଜ୍ୟ ସରକାର ଉନ୍ନୟନ କମିଶନର ତଥା ୧୯୯୧ ବ୍ୟାଚ୍‌ ଆଇଏଏସ୍‌ ଅଫିସର୍‌ ଅନୁ ଗର୍ଗଙ୍କୁ ବୁଧବାର ଓଡ଼ିଶାର  ନୂଆ ମୁଖ୍ୟ ଶାସନ ସଚିବ ଭାବେ ଦାୟିତ୍ୱ ଦେଇଛନ୍ତି। ଗର୍ଗ ଏହି ଦାୟିତ୍ୱ ପାଇବା ପରେ ତାଙ୍କ ହାତରେ ଥିବା ଦାୟିତ୍ୱଗୁଡ଼ିକୁ ଏବେ ଅନ୍ୟ କେଉଁ ଅଫିସରମାନଙ୍କ ମଧ୍ୟରେ ବଣ୍ଟାଯିବ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ଗର୍ଗ ଉନ୍ନୟନ କମିଶନର ସହିତ ଅତିରିକ୍ତ ମୁଖ୍ୟ ଶାସନ ସଚିବ ଭାବେ ଯୋଜନା ଓ ସଂଯୋଜନ ଏବଂ ଅତିରିକ୍ତ ଭାବେ ଜଳ ସମ୍ପଦ ବିଭାଗର ଦାୟିତ୍ୱରେ ରହିଛନ୍ତି। ତେଣୁ ରାଜ୍ୟର ପରବର୍ତ୍ତୀ ଉନ୍ନୟନ କମିଶନର କିଏ ହେବେ ସେଥିପ୍ରତି ସମସ୍ତଙ୍କ ବିଶେଷ ନଜର ରହିଛି। ରାଜ୍ୟର ଗୁରୁତ୍ୱପୂର୍ଣ୍ଣ ଦାୟିତ୍ୱଗୁଡିକୁ ରାଜ୍ୟ ସରକାର ଏବେ ଅନ୍ୟ ଦକ୍ଷ ଅଫିସରମାନଙ୍କ ମଧ୍ୟରେ ବାଣ୍ଟିବା ପ୍ରକ୍ରିୟା ଆରମ୍ଭ କରିବେ।
ବର୍ତ୍ତମାନ ଗୃହ ବିଭାଗ ସାଙ୍ଗକୁ ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଥିବା ୧୯୯୧ ବ୍ୟାଚ୍‌ ଆଇଏଏସ୍‌ ଅଫିସର ସତ୍ୟବ୍ରତ ସାହୁଙ୍କ ନାଁକୁ ନେଇ ଆଲୋଚନା ଜୋର୍‌ ଧରିଛି। ତାଙ୍କଠାରୁ ବରିଷ୍ଠ ଭାବେ ଯେଉଁ ଓଡ଼ିଶା କ୍ୟାଡର୍‌ ଅଫିସର ଅଛନ୍ତି, ସେମାନେ ଏବେ ଦିଲ୍ଲୀରେ ଡେପୁଟେଶନରେ ରହିଛନ୍ତି। ତାଙ୍କଠାରୁ କନିଷ୍ଠ ଆଇଏଏସ୍‌ ଅଫିସର ଓଡ଼ିଶାର ମୁଖ୍ୟ ଶାସନ ସଚିବ ହେବାପରେ ସେମାନେ ଓଡ଼ିଶା ଆସି ଉନ୍ନୟନ କମିଶନର ଦାୟିତ୍ୱ ନେବା ସମ୍ଭାବନା ସେପରି ନାହିଁ। ଅନ୍ୟପଟେ ଅନୁଙ୍କ ହାତରେ ରହିଥିବା ୨ଟି ଗୁରୁତ୍ୱପୂର୍ଣ୍ଣ ବିଭାଗ ତଥା ଯୋଜନା ଓ ସଂଯୋଜନ ଏବଂ ଜଳ ସମ୍ପଦ ଦାୟିତ୍ୱ କାହାକୁ ଯିବ ତାହା ମଧ୍ୟ ଚର୍ଚ୍ଚାରେ ଅଛି। କାରଣ ଏହି ବିଭାଗର ବହୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ସରକାରରେ ରହିଥାଏ। ଆସନ୍ତା ୩୧ ଡିସେମ୍ୱରରେ ଅବସର ନେବାକୁ ଥିବା ବର୍ତ୍ତମାନର ମୁଖ୍ୟ ଶାସନ ସଚିବ ମନୋଜ ଆହୁଜାଙ୍କ କାର୍ଯ୍ୟକାଳ ଶେଷ ହେବାପରେ ରାଜ୍ୟ ସରକାର ତାଙ୍କୁ କେଉଁଠାରେ ଥଇଥାନ କରିବେ ନା ନାହିଁ ତାହା ମଧ୍ୟ ଆଲୋଚନାର ବିଷୟ। କାରଣ ପୂର୍ୱରୁ ଅନେକ ଥର ଏଭଳି ଦେଖିବାକୁ ମିଳିଛି, ଯେଉଁମାନେ ମୁଖ୍ୟ ଶାସନ ସଚିବ ପଦରୁ ଅବସର ନେଇଛନ୍ତି, ସେମାନଙ୍କୁ ସରକାର ଅନ୍ୟ ସ୍ଥାନରେ ଥଇଥାନ କରିଛନ୍ତି। ଏହା ପୂର୍ୱରୁ ମୁଖ୍ୟ ଶାସନ ସଚିବ ଥିବା ପ୍ରଦୀପ ଜେନା ବର୍ତ୍ତମାନ ଓଇଆର୍‌ସି ଅଧ୍ୟକ୍ଷ ଭାବେ ଦାୟିତ୍ୱ ତୁଲାଉଛନ୍ତି। ତାଙ୍କ ପୂର୍ୱରୁ ଥିବା ଓଡିଶାର ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଅବସର ପରେ ତତ୍କାଳୀନ ସରକାର ତାଙ୍କୁ ପ୍ରଥମେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ମୁଖ୍ୟ ପରାମର୍ଶଦାତା ଭାବେ ନିଯୁକ୍ତି ଦେଇଥିଲେ। ତାଙ୍କ ପୂର୍ୱରୁ ଅସିତ୍‌ ତ୍ରିପାଠୀ ମୁଖ୍ୟ ଶାସନ ସଚିବ ଦାୟିତ୍ୱ ତୁଲାଇଥିଲେ। ସେ ଆଗୁଆ ଅବସର ନେଇଥିଲେ ସୁଦ୍ଧା ତତ୍କାଳୀନ ସରକାର ତାଙ୍କୁ ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଭାବେ ନିଯୁକ୍ତି ଦେଇଥିଲେ। ଏହିପରି ଅନେକ ଉଦାହରଣ ରହିଛି। ଯଦିଓ ରାଜ୍ୟରେ ନୂଆ କରି ଭାଜପା ସରକାର ଆସିଛି, ଏହି ସମୟରେ ଆହୁଜାଙ୍କ କ୍ଷେତ୍ରରେ କ’ଣ ନିଷ୍ପତ୍ତି ହେବ ତାହା ଚର୍ଚ୍ଚାରେ ଅଛି।
ସୂଚନାଯୋଗ୍ୟ, ଆହୁଜା ଓଡ଼ିଶାର ମୁଖ୍ୟ ଶାସନ ସଚିବ ସହିତ ରାଜ୍ୟ ସରକାରଙ୍କ ମୁଖ୍ୟ ରେସିଡେନ୍ସ କମିଶନର, ନୂଆଦିଲ୍ଲୀ ମଧ୍ୟ ରହିଛନ୍ତି। ନିକଟରେ କେନ୍ଦ୍ର ସରକାରଙ୍କ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବା ଦିଗରେ ତ୍ୱରିତ ବେଗ ଆଣିବା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଏକ ବଙ୍ଗଳା ମିଳିଛି। ସେଠାରୁ ରାଜ୍ୟ ସରକାରଙ୍କ ଅନେକ କାର୍ଯ୍ୟ କରାଯିବାର ବ୍ୟବସ୍ଥା ମଧ୍ୟ ହୋଇଛି। ତେଣୁ ନୂଆଦିଲ୍ଲୀରେ ଥିବା କାର୍ଯ୍ୟଗୁଡ଼ିକୁ ତ୍ୱରିତ କରିବା ଏବଂ ତା’ର ତର୍ଜମା ଲାଗି ଆହୁଜାଙ୍କୁ ରାଜ୍ୟ ସରକାର କିଛି ନୂଆ ଦାୟିତ୍ୱ ଦେଇପାରନ୍ତି ବୋଲି ଯାହା ଚର୍ଚ୍ଚା ଆରମ୍ଭ ହୋଇଛି ତାକୁ ମଧ୍ୟ ଏଡ଼ାଇ ଦିଆଯାଇ ନ ପାରେ।
ଅନ୍ୟପଟେ ୧ ମାର୍ଚ୍ଚ ୧୯୬୯ରେ ଜନ୍ମଗ୍ରହଣ କରିଥିବା ଅନୁ ଗର୍ଗଙ୍କ କାର୍ଯ୍ୟକାଳ ୨୦୨୯ ମାର୍ଚ୍ଚରେ ଶେଷ ହେବ। ତାହାକୁ ଦେଖିଲେ ଅନୁ ଗର୍ଗ ୩ ବର୍ଷ ୩ ମାସ ପର୍ଯ୍ୟନ୍ତ ରାଜ୍ୟର ମୁଖ୍ୟ ଶାସନ ସଚିବ ଦାୟିତ୍ୱରେ ରହିବା ଏକ ପ୍ରକାର ନିଶ୍ଚିତ। ଦରକାର ପଡ଼ିଲେ ସରକାର ତାଙ୍କ କାର୍ଯ୍ୟକାଳ ସେହି ସମୟରେ ବୃଦ୍ଧି କରିପାରନ୍ତି। ଏବେ ଗର୍ଗଙ୍କଠାରୁ ଓଡ଼ିଶା କ୍ୟାଡର୍‌ର ୨ ଜଣ ବରିଷ୍ଠ ଆଇଏଏସ୍‌ ଅଫିସର ୧୯୯୦ ବ୍ୟାଚ୍‌ର ସଞ୍ଜୀବ ଚୋପ୍ରା ଏବଂ ଗୁଡ୍ଡି ଶ୍ରୀନିବାସ ଦିଲ୍ଲୀରେ କେନ୍ଦ୍ରୀୟ ଡେପୁଟେଶନରେ ଅଛନ୍ତି। ସଞ୍ଜୀବ ଚୋପ୍ରାଙ୍କ କାର୍ଯ୍ୟକାଳ ଏପ୍ରିଲ ୨୦୨୭ରେ ଶେଷ ହେବ। ସେହିପରି ଜି. ଶ୍ରୀନିବାସଙ୍କ କାର୍ଯ୍ୟକାଳ ଅଗଷ୍ଟ ୨୦୨୬ରେ ସରିବ। ଅନୁ ଗର୍ଗ ମୁଖ୍ୟ ଶାସନ ସଚିବ ଦାୟିତ୍ୱ ନେବାପରେ ତାଙ୍କଠାରୁ ଓଡ଼ିଶାରେ କେହି ବରିଷ୍ଠ ଆଇଏଏସ୍‌ ଅଫିସର ନାହାନ୍ତି। ସେହି ବ୍ୟାଚ୍‌ର ଆଇଏଏସ୍‌ ଅଫିସର ସତ୍ୟବ୍ରତ ସାହୁ ୧୯୯୧ ବ୍ୟାଚ୍‌ର ହେଲେ ମଧ୍ୟ ବରିଷ୍ଠତା ଦୃଷ୍ଟିରୁ ଅନୁ ଗର୍ଗ ଆଗରେ ରହିଛନ୍ତି। ସତ୍ୟବ୍ରତଙ୍କ କାର୍ଯ୍ୟକାଳ ଜୁନ୍‌ ୨୦୨୭ରେ ଶେଷ ହେବ। ସେହିପରି କେନ୍ଦ୍ରୀୟ ଡେପୁଟେଶନରେ ଥିବା ୧୯୯୧ ବ୍ୟାଚ୍‌ ଆଇଏଏସ୍‌ ଅଫିସର ସଞ୍ଜୟ ରସ୍ତୋଗୀ ଜାନୁଆରୀ ୨୦୨୭ରେ ଅବସର ନେବେ। ତେଣୁ ଏହାକୁ ଦୃଷ୍ଟିଦେଲେ ଜଣାପଡୁଛି, ସଞ୍ଜୀବ ଚୋପ୍ରା, ଜି. ଶ୍ରିନିବାସ, ସତ୍ୟବ୍ରତ ସାହୁ ଏବଂ ସଞ୍ଜୟ ରସ୍ତୋଗୀଙ୍କ ମୁଖ୍ୟ ଶାସନ ସଚିବ ହେବା ସମ୍ଭାବନା କ୍ଷୀଣ।


Enter your email to get our daily news in your inbox.

All Right Reserved By Dharitri.Com

ଭାରତ ଆସି ବଡ଼ ବୟାନ ଦେଲେ ପାକିସ୍ତାନ ମନ୍ତ୍ରୀ, ଆତଙ୍କବାଦ ମୁକାବିଲା ପାଇଁ ରଖିଲେ ବଡ଼ ପ୍ରସ୍ତାବ

ନୂଆଦିଲ୍ଲୀ,୨୨।୧୧: ଆତଙ୍କବାଦ ପ୍ରସଙ୍ଗରେ ଯେକୌଣସି ଆଲୋଚନା ଠୋସ୍‌ ପ୍ରମାଣ ଆଧାରରେ ହେବା ଉଚିତ । ଏଥିପାଇଁ ଏକ ସାଧାରଣ ମଞ୍ଚ ଗଠନ କରାଯାଇ ସମସ୍ତ ଦେଶ ପରସ୍ପର…

କ୍ୟାଚ୍ ଧରିବା ପଡ଼ିଲା ମହଙ୍ଗା, ଷ୍ଟାର ଖେଳାଳିଙ୍କ ଭାଙ୍ଗିଗଲା ହାତ

ନୂଆଦିଲ୍ଲୀ,୨୨।୧୧: ଅଷ୍ଟ୍ରେଲିଆ ଗସ୍ତରେ ଥିବା ଇଂଲଣ୍ଡ କ୍ରିକେଟ୍ ଦଳକୁ ବଡ଼ ଝଟକା ଲାଗିଛି । ଦଳର ଉପଅଧିନାୟକ ତଥା ଷ୍ଟାର ଅଲରାଉଣ୍ଡର ୱିଲ୍ ଜ୍ୟାକ୍ସ ଡାହାଣ ହାତର…

୭ ଦଫା ଦାବିରେ ଅଙ୍ଗନଓ୍ବାଡିକର୍ମୀଙ୍କ ଆନ୍ଦୋଳନ, ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରହିବ….

ଗୁଡାରି,୨୨।୧୧(ପ୍ରମୋଦ କୁମାର ପତି): ସୋମବାର ଠାରୁ ଗୁଡାରି ବ୍ଲକର ସମସ୍ତ ୧୩୩ ଗୋଟି ଅଙ୍ଗନଓ୍ବାଡି କେନ୍ଦ୍ର ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ ରହିବ ବୋଲି ସୂଚନା ମିଳିଛି…

ମହିଳା ଏସ୍‌ଆଇ ପ୍ରଭାସିନୀଙ୍କ ମୃତ୍ୟୁରେ ସ୍ତବ୍ଧ ପୁରୁଷୋତ୍ତମପୁର, ନିରପେକ୍ଷ ତଦନ୍ତ ଦାବିରେ କ୍ୟାଣ୍ଡେଲ ଶୋଭାଯାତ୍ରା

ପୁରୁଷୋତ୍ତମପୁର,୨୨।୧୧(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ମହିଳା ସବ୍‌ଇନ୍ସପେକ୍ଟର ପ୍ରଭାସିନୀ ସାହୁଙ୍କ ଝୁଲନ୍ତା ମୃତଦେହ ଥାନା ପରିଷର କ୍ବାଟରୁ ମିଳିବା ଘଟଣା ଚର୍ଚ୍ଚାର ବିଷୟ ସାଜିଛି…

ରାଜୁ ବାଗ ହତ୍ୟା: ଦୋଷୀଙ୍କୁ ଗିରଫ ଦାବିରେ କୋକସରା ଥାନା ଘେରାଉ, ୭ ଦିନ…

କୋକସରା,୨୨।୧୧(ଦୁଷ୍ମନ୍ତ କୁମାର ପାଟ୍ଟଯୋଷୀ): ବହୁଚର୍ଚ୍ଚିତ ଲଡୁଗାଁର ରାଜୁ ବାଗ ହତ୍ୟା ଘଟଣାକୁ ପ୍ରାୟ ୨୦ ଦିନ ବିତିଥିଲେ ମଧ୍ୟ ପୋଲିସର ହାତ ଖାଲି ରହିଛି । ହତ୍ୟାକାରୀଙ୍କ…

ଭେଣ୍ଟିଲେଟରରେ ଭାଜପା MLA; ଶରୀରରେ ବିଷକ୍ରିୟା, ହସ୍ପିଟାଲରେ ପହଞ୍ଚିଲେ ସ୍ୱାସ୍ଥ୍ୟମନ୍ତ୍ରୀ

କୋଲକାତା,୨୨।୧୧: ପଶ୍ଚିମବଙ୍ଗର ଭାଜପା ବିଧାୟିକା ରେଖା ପାତ୍ର ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଶନିବାର ନିଜ ଘରେ ଅସୁସ୍ଥ ହେବା ପରେ ତାଙ୍କୁ ପ୍ରଥମେ…

ଡ. ପ୍ରଶାନ୍ତ କୁମାର ନାୟକଙ୍କୁ ଗୁରୁଦାୟତ୍ବ ଦେଲା ଭାଜପା, ଛୁଟୁଛି ଶୁଭେଚ୍ଛା

ଛତ୍ରପୁର,୨୨।୧୧(ଦିଲ୍ଲୀପ ସାମଲ): ଭାରତୀୟ ଜନତା ପାର୍ଟିର ଛତ୍ରପୁର ନିର୍ବାଚନମଣ୍ଡଳୀର ଜଣେ ଦକ୍ଷ ସଂଗଠକ ତଥା ଗଞ୍ଜାମ ବ୍ଲକର ପୂର୍ବତନ ଅଧ୍ୟକ୍ଷ ଡ଼. ପ୍ରଶାନ୍ତ କୁମାର ନାୟକଙ୍କୁ ଭାଜପା…

‘ନୋ ହ୍ୟାଣ୍ଡସେକ୍‌’ ପରେ ଟସ୍‌କୁ ନେଇ ଭାରତ-ପାକିସ୍ତାନ ମଧ୍ୟରେ ହାଇଭୋଲ୍‌ଟେଜ୍‌ ଡ୍ରାମା, ମୁହାଁମୁହିଁ ହେଲେ ଦୁଇ ଅଧିନାୟକ

ନୂଆଦିଲ୍ଲୀ,୨୨।୧୧: ଏସିଆ କପ୍‌ ରାଇଜିଂ ଷ୍ଟାର୍ସ ୨୦୨୬ରେ ଭାରତ-ପାକିସ୍ତାନ ଏ’ ଦଳ ମଧ୍ୟରେ ମୁକାବିଲା ପୂର୍ବରୁ ଟସ୍‌କୁ ନେଇ ହାଇଭୋଲ୍‌ଟେଜ୍‌ ଡ୍ରାମା ଦେଖିବାକୁ ମିଳିଛି । ଟସ୍‌…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?