ରୋଷଘର ଚଟାଣରେ ଲାଗିଲାନି ନୂଆ ପଥର

ପୁରୀ ଅଫିସ,୧୨।୭:ଶ୍ରୀମନ୍ଦିର ମରାମତି ଓ ରୋଷଘର ନୂଆ ଚଟାଣ କାର୍ଯ୍ୟ ଶେଷ ହୋଇପାରିନାହିଁ। ନିର୍ଦ୍ଧାରିତ କାମ ସରି ନ ଥିବାବେଳେ ମଙ୍ଗଳବାର ନୀଳାଦ୍ରି ବିଜେ ହେବାକୁ ଥିବାରୁ ରାଜ୍ୟ ସରକାରଙ୍କୁ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ (ଏଏସ୍‌ଆଇ) ଦାୟିତ୍ୱ ହସ୍ତାନ୍ତର କରିଛି। ସୋମବାର ଶେଷଦିନରେ ଗର୍ଭଗୃହ କାର୍ଯ୍ୟ କରାଯାଇଥିଲା। ଦୀପ ଯୋଗୁ ଗର୍ଭଗୃହରେ ହୋଇଥିବା କଳାଦାଗକୁ ଛଡ଼ାଇ ଦିଆଯାଇଛି। ସେହିଭଳି ମଏଶ୍ଚର ଟେଷ୍ଟିଂ, କେମିକାଲ୍‌ ୱାଶିଂ ଓ ସେନ୍ସର କାର୍ଯ୍ୟଦକ୍ଷତା ଯାଞ୍ଚ କରାଯାଇଛି। କାନ୍ଥରେ ହେଉଥିବା ଫାଟର ମାତ୍ରାକୁ ଯାଞ୍ଚ କରିବା ଲାଗି ଚେନ୍ନାଇ ଆଇଆଇଟି ପକ୍ଷରୁ ଲଗାଯାଇଥିବା ସେନ୍ସର କାର୍ଯ୍ୟଦକ୍ଷତାକୁ ଏଏସ୍‌ଆଇ ଯାଞ୍ଚ କରିଛି। ସେହିଭଳି ଭୋଗମଣ୍ଡପର ଚଟାଣ ମରାମତି କରାଯାଇଛି। ଅନେକ ଖାଲଢିପକୁ ସମାନ କରାଯାଇଛି। ତେବେ ନାଟମଣ୍ଡପରେ ହୋଇଥିବା ଫାଟ ମରାମତି କରାଯାଇନାହିଁ। କିଛି ସ୍ଥାନରେ ଷ୍ଟେନଲେସ୍‌ ଫ୍ରେମ୍‌ ଲଗାଯାଇଥିବା ଏଏସ୍‌ଆଇ ପୁରୀ ସର୍କଲ ପକ୍ଷରୁ ସୂଚନା ମିଳିଛି। ସେହିପରି ରୋଷଘର ଚଟାଣକୁ ବଦଳାଇ ନୂଆ ଖଣ୍ଡେଲାଇଟ ପଥର ଲଗାଇବା ପାଇଁ ଯୋଜନା ହୋଇଥିଲା। ମାତ୍ର ସମୟ ଅଭାବରୁ ସମ୍ପୃକ୍ତ କାର୍ଯ୍ୟ ହୋଇପାରିନାହିଁ। କେବଳ ରୋଷଘର ଅଗଣାର ୫୦ ପ୍ରତିଶତ ଚଟାଣକୁ ବଦଳାଇ ଦିଆଯାଇଛି। ସେହିଭଳି ସିସିଟିଭି ଲଗାଇବା ନେଇ କରାଯାଇଥିବା ଆବେଦନକୁ ଏପର୍ଯ୍ୟନ୍ତ ସରକାରୀ ମଞ୍ଜୁରୀ ମିଳିନି ଓ ତାହା ଚଳିତ ବର୍ଷ ରଥଯାତ୍ରା ସମୟରେ ଲଗାଯିବା ନେଇ ଯୋଜନା ନ ଥିଲା ବୋଲି ସୂଚନା ମିଳିଛି। ପୁରୀ ଏଏସ୍‌ଆଇ ସର୍କଲ ପକ୍ଷରୁ କୁହାଯାଇଛି ଯେ, ସୀମିତ ସମୟରେ ଯାହା କାର୍ଯ୍ୟ ହୋଇପାରିଲା ତାହା କରାଯାଇଛି। ତେବେ ରୋଷଘର ନୂଆ ପଥର ପକାଇବା କାମ ଶେଷ ହୋଇପାରିନାହିଁ। ଶ୍ରୀମନ୍ଦିର ପ୍ରଶାସନକୁ ଏସମ୍ପର୍କରେ ଅବଗତ କରାଯାଇଛି। କୌଣସି ସମୟରେ ଅତିରିକ୍ତ ସମୟ ଦେଲେ ମରାମତି କାର୍ଯ୍ୟ କରି ନୂଆ ପଥର ଲଗାଯିବ ବୋଲି ସ୍ପଷ୍ଟ କରାଯାଇଛି। ସେହିଭଳି ରାଜ୍ୟ ସରକାରଙ୍କୁ ଦାୟିତ୍ୱ ହସ୍ତାନ୍ତର କରାଯାଇଥିବା ଏଏସ୍‌ଆଇ ଜଣାଇଛି। ଅନ୍ୟପକ୍ଷରେ ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ କୁମାର ଜେନା କହିଛନ୍ତି, ସୀମିତ ସମୟ ମଧ୍ୟରେ ଏଏସ୍‌ଆଇ ରୋଷଘର ଓ ଗର୍ଭଗୃହ କାର୍ଯ୍ୟ କରିଛି। ତେବେ ରୋଷଘର କାର୍ଯ୍ୟ ଯାହା ହୋଇପାରିନାହିଁ, ତାହା ଆଉ ଆସନ୍ତା ରଥଯାତ୍ରା ପୂର୍ବରୁ କରାଯାଇ ପାରିବ ନାହିଁ। ରୋଷଘର ଭିତରକୁ ପ୍ରବେଶ କରିବା ପ୍ରାବଧାନ ନ ଥିବାରୁ ବଳକା କାମ କରାଯାଇପାରିବ ନାହିଁ। ଉଲ୍ଲେଖଯୋଗ୍ୟ, ଶ୍ରୀମନ୍ଦିର ମରାମତି ଓ ରକ୍ଷଣାବେକ୍ଷଣ ଦାୟିତ୍ୱ ଏଏସ୍‌ଆଇ ପାଖରେ ଥିବାରୁ ପ୍ରତିବର୍ଷ ଘୋଷଯାତ୍ରା ସମେତ ନୀଳାଦ୍ରି ବିଜେ ପୂର୍ବଦିନ ପର୍ଯ୍ୟନ୍ତ ମରାମତି ଓ ରକ୍ଷଣାବେକ୍ଷଣ କାମ କରାଯାଇଥାଏ। ମହାପ୍ରଭୁ ରତ୍ନବେଦୀରେ ନ ଥିବାରୁ ନାଟମଣ୍ଡପ, ଭୋଗମଣ୍ଡପ ଓ ଗର୍ଭଗୃହ ଇତ୍ୟାଦିର ସ୍ଥିତି ଯାଞ୍ଚ କରାଯାଇପାରେ।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri