ପୁରୀ ଅଫିସ, ୨୦।୧୦: ପୁରୀ ସହର ନରେନ୍ଦ୍ର କୋଣ ଅଞ୍ଚଳରେ ମଙ୍ଗଳବାର ବିଳମ୍ବିତ ରାତିରେ ଘଟିଛି ଗୁଳିକାଣ୍ଡ। ଗୁଳିକାଣ୍ଡରେ ଜଣେ ମହିଳା ଆହତ ହୋଇଥିବା ଜଣାପଡ଼ିଛି। ଆହତ ମହିଳା ଜଣଙ୍କ ହେଉଛନ୍ତି ଶକୁନ୍ତଳା ସାହୁ ଓରଫ ଜିନା (୩୮)।
ସୂଚନାନୁସାରେ, ଦାଦା ବଟି ମାଗିବାକୁ କେନ୍ଦ୍ରକରି ଗୁଳିମାଡ଼ ଏଭଳି ହୋଇଥିବା ଜଣାପଡିଛି। ତେବେ ଦୁଇଜଣ ଦୁର୍ବୃତ୍ତ ତାଙ୍କ ଘର ନିକଟକୁ ଆସି ଟଙ୍କା ମାଗିଥଲେ। ତେବେ ଜିନାଙ୍କ ସ୍ବାମୀ ଟଙ୍କା ଦେବାକୁ ମନା କରି ଦେବାରୁ ଦୁର୍ବୃତ୍ତ ତାଙ୍କ ଉପରକୁ ଗୁଳି ଚଳାଇଥିଲେ। ଗୁଳି ଜିତେନ୍ଦ୍ରଙ୍କୁ ଲାଗିବା ବଦଳରେ ତାଙ୍କ ସ୍ତ୍ରୀଙ୍କ ଦେହରେ ଲାଗିଥିଲା। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ସ୍ଥିତି ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଅନ୍ୟପକ୍ଷରେ ପୋଲିସ ଘଟଣାର ତଦନ୍ତ ଚଳାଇଥିବା ବେଳେ ଅତିରିକ୍ତ ଏସପି ମିହିର କୁମାର ପଣ୍ଡାଙ୍କ ନେତୃତ୍ୱରେ ଦୁଇଟି ପୃଥକ ଟିମ ଗଠନ କରାଯାଇ ତଦନ୍ତ ଚାଲିଛି । ତେବେ ୨ ଜଣ ଅଭିଯୁକ୍ତ ଏଭଳି କାଣ୍ଡ କରିଥିବା ଆହତ ମହିଳାଙ୍କ ସ୍ବାମୀ ଜିତେନ୍ଦ୍ର କୁମାର ସାହୁ ସୂଚନା ଦେଇଛନ୍ତି।
