ଲୋଇସିଂହା,୧୫।୫(ସୁଶାନ୍ତ ବାରିକ): ବଲାଙ୍ଗୀର ଜିଲା ଲୋଇସିଂହା ବ୍ଲକ ବୁଢୀପଦର ପଞ୍ଚାୟତ ନେଗିପାଲି ଗ୍ରାମର ଦୈମତି ମେସୁଆ (୬୬)। ସରକାରଙ୍କ ବିଭିନ୍ନ ଆବାସ ଯୋଜନା ଥିବା ସତ୍ତ୍ୱେ ସେ ଏ ପର୍ଯ୍ୟନ୍ତ ପକ୍କାଘର ପାଇବାରୁ ବଞ୍ଚତ୍ତ ରହିଛନ୍ତି ା ଏଭଳି ପରିସ୍ଥିତିରେ ବୁଧବାର ଲୋଇସିଂହା ବ୍ଲକ ଅଞ୍ଚଳରେ ହୋଇଥିବା କାଳବୈଶାଖୀ ତାଙ୍କ ଦୁଃଖକୁ ଆହୁରି ବଢାଇ ଦେଇଛି ା ବର୍ଷା ଓ ପବନ ହେବାରୁ ସେ ରହୁଥିବା ଘରର ଆଜବେଷ୍ଟସ୍ ଛପର ଉଡିଯାଇଥିବା ବେଳେ କିଛି ଅଂଶ କ୍ଷତିଗ୍ରସ୍ତ ହୋଇଛି। ଘର ଛାତ ଉଡି ଯିବା ପରେ ବର୍ଷାପାଣିରେ ତାଙ୍କ ଘରେ ଥିବା ଖାଦ୍ୟ ସାମଗ୍ରୀ ଓ ଜିନିଷପତ୍ର ନଷ୍ଟ ହୋଇଯାଇଛି। ଏବେ ସେ ଅତ୍ୟନ୍ତ ଅସୁରକ୍ଷିତ ଅବସ୍ଥାରେ ଦିନ କାଟୁଛନ୍ତି। ଗ୍ରାମବାସୀଙ୍କ କହିବା ଅନୁସାରେ ଦୈମତି ଜଣେ ଅସହାୟ ବିଧବା ମହିଳା ା ସେ ଦୀର୍ଘ ଦିନ ଧରି ଆବାସ ଯୋଜନାରେ ଘର ଖଣ୍ଡିଏ ପାଇବା ପାଇଁ ପଞ୍ଚାୟତରୁ ଆରମ୍ଭ କରି ବ୍ଲକ ସ୍ତରରେ ଅନୁଷ୍ଠିତ ଜନ ଅଭିଯୋଗ ଶୁଣାଣି ଶିବରରେ ପ୍ରଶାସନ ନିକଟରେ ଦାବି କରି ଆସୁଛନ୍ତି ା କିନ୍ତୁ ଏ ପର୍ଯ୍ୟନ୍ତ ସେ ଯୋଗ୍ୟ ବିବେଚିତ ହୋଇ ପାରୁନାହାନ୍ତି। ଯଥାଶୀଘ୍ର ପ୍ରଶାସନ ପକ୍ଷରୁ ତାଙ୍କୁ ଆର୍ଥିକ ସହାୟତା ସହ ପକ୍କା ଘର ଯୋଗାଇ ଦେବାକୁ ଦାବି ହେଉଛି। ଏ ସମ୍ପର୍କରେ ସରପଞ୍ଚ ଲକ୍ଷ୍ମୀ ପଧାନ କହିଛନ୍ତି, ଅଭିଯୋଗ ପାଇଛି। ସୁଭଦ୍ରା ଯୋଜନା କର୍ମଶାଳା ଥିବାରୁ କ୍ଷେତ୍ର ପରିଦର୍ଶନ କରି ପାରି ନ ଥିଲି ା ଘର ପାଇବା ପାଇଁ ସେ ଜଣେ ଯୋଗ୍ୟ ହିତାଧିକାରୀ। ଦରଖାସ୍ତ ଦେଲେ ତାଙ୍କୁ ଘରଭଙ୍ଗା ପାଇଁ ଆର୍ଥିକ ସହାୟତା ସହ ଆବାସ ଯୋଜନାରେ ଅନ୍ତର୍ଭୁକ୍ତ କରାଯିବ ବୋଲି ସରପଞ୍ଚ ପଧାନ କହିଛନ୍ତି।
Dharitri – Odisha’s No.1 Odia Daily
