ବଲିଉଡର ଲଭ୍ ବାର୍ଡ ରଣବୀର ସିଂ ଏବଂ ଦୀପିକା ପାଦୁକୋନ ସବୁବେଳେ ସେମାନଙ୍କ ଷ୍ଟାଇଲ୍କୁ ନେଇ ଚର୍ଚ୍ଚାରେ ରହିଥାନ୍ତି। ରଣବୀର ନିଜର ଫ୍ୟାଶନ ପାଇଁ ପରିଚିତ ଥିବାବେଳେ ଦୀପିକା ସର୍ବଦା ସୁନ୍ଦର ଲୁକରେ ନଜର ଆସିଥାନ୍ତି। ଦୁହେଁ ଯେଉଁଆଡ଼େ ଯାଆନ୍ତି, ସେମାନେ ନିଜ ଷ୍ଟାଇଲ୍ରେ ଲୋକଙ୍କୁ ପାଗଳ କରନ୍ତି। ନିକଟରେ ଦୁହେଁ ଡିନର ପାଇଁ ଏକ ରେଷ୍ଟୁରାଣ୍ଟରେ ପହଞ୍ଚିଥିଲେ। ଯେଉଁଠାରେ ସେମାନଙ୍କ ଷ୍ଟାଇଲ୍କୁ ନେଇ ଆଲୋଚନା ହୋଇଥିଲା। ଏଥି ସହିତ ଦୀପିକା ତାଙ୍କ ବିମାନବନ୍ଦର ଲୁକ୍କୁ ନେଇ ମଧ୍ୟ ଚର୍ଚ୍ଚାକୁ ଆସିଥିଲେ।
ଯେଉଁଥିରେ ଦୀପିକା ହାଲୁକା ଗୋଲାପୀ ରଙ୍ଗର ଜ୍ୟାକେଟ୍ ଏବଂ ଟ୍ରାକ ପ୍ୟାଣ୍ଟରେ ନଜର ଆସିଥିଲେ। ତେବେ ଦୀପିକାଙ୍କ ଲୁକ୍ ଅପେକ୍ଷା ତାଙ୍କ ଚମଡା ବ୍ୟାଗ୍କୁ ନେଇ ଅଧିକ ଆଲୋଚନା ହୋଇଥିଲା। ତାଙ୍କ ବ୍ୟାଗ ଫେଣ୍ଡି ବ୍ରାଣ୍ଡର, ଯାହାର ମୂଲ୍ୟ ୨,୭୯୦ ଡଲାର, ଯାହାକି ଭାରତୀୟ ମୁଦ୍ରା ଅନୁଯାୟୀ ୨ ଲକ୍ଷ ଟଙ୍କା।
ଗୋଟିଏ ପଟେ ଦୀପିକା ପାଦୁକୋନ ଏତେ ଦାମୀ ବ୍ୟାଗ ବ୍ୟବହାର କରୁଥିବା ବେଳେ ସ୍ବାମୀ ରଣବୀର ସିଂ ଡିନରରେ ହଳଦିଆ ରଙ୍ଗର ଜ୍ୟାକେଟ୍ ପିନ୍ଧିଥିଲେ, ଯାହାର ମୂଲ୍ୟ ହେଉଛି ୩ ହଜାର ୨୫ ଟଙ୍କା।
