୬୨୭ ସଂସ୍ଥାର ଜଳକର ବକେୟା ୩୯୩୬.୮୬ କୋଟି

ଭୁବନେଶ୍ୱର,୨୮ା୧୧(ବ୍ୟୁରୋ): ଜଳବାୟୁ ପରିବର୍ତ୍ତନ, ଦ୍ରୁତ ଶିଳ୍ପାୟନ ଓ ସହରୀକରଣ କାରଣରୁ ରାଜ୍ୟର ଅଧିକାଂଶ ନଦୀରେ ଜଳ ପ୍ରବାହ ହ୍ରାସ ପାଇବାରେ ଲାଗିଛି। ୨୦୫୦ ବେଳକୁ ରାଜ୍ୟରେ ଉତ୍କଟ ପାନୀୟ ଜଳ ସଙ୍କଟ ସୃଷ୍ଟି ହେବା ନେଇ ପରିବେଶବିତ୍‌ ଚେତାବନୀ ଦେଲେଣି। ଏଭଳି ସ୍ଥିତିରେ ଗତ କିଛିବର୍ଷ ହେବ ରାଜ୍ୟର ବିଭିନ୍ନ ନଦୀ ଓ କେନାଲ ଜଳକୁ ଶିଳ୍ପସଂସ୍ଥାଗୁଡିକୁ ଅତି ସ୍ବଳ୍ପ ମୂଲ୍ୟରେ ଟେକି ଦିଆଯାଉଛି। ଅନ୍ୟପକ୍ଷରେ ଶିଳ୍ପ ସଂସ୍ଥାଗୁଡିକ ବହୁ ପରିମାଣରେ ଜଳ ଶୋଷୁଥିଲେ ମଧ୍ୟ ଏ ବାବଦ ଟିକସ ଫାଙ୍କି ଚାଲିଛନ୍ତି। ଏପରି କି କୋର୍ଟ କଚେରି ଦ୍ୱାରସ୍ଥ ହୋଇ ବହୁ କୋଟି ଟଙ୍କାର ଜଳକର ଦୀର୍ଘବର୍ଷ ଧରି ପଇଠ କରୁନାହାନ୍ତି। ଫଳରେ ରାଜ୍ୟ ଜଳ ସମ୍ପଦ ହରାଉଥିଲେ ମଧ୍ୟ ଏ ବାବଦ କ୍ଷତି ଭରଣା ହୋଇପାରୁନାହିଁ।

୨୦୨୦ ମାର୍ଚ୍ଚ ୩୧ ସୁଦ୍ଧା ରାଜ୍ୟର ବିଭିନ୍ନ ଶିଳ୍ପ, ଖଣି, ବ୍ୟବସାୟିକ ସଂସ୍ଥା ଓ ରେଲ୍‌ଓ୍ବେ ଆଦି ୬୨୭ ସଂସ୍ଥା ଉପରେ ୩୯୩୬.୮୬ କୋଟି ଟଙ୍କା ଜଳକର ବକେୟା ପଡିଛି। ସେଥିରୁ କୋର୍ଟ କଚେରିରେ ମାମଲା ଯୋଗୁ ୨୬ ସଂସ୍ଥା ଉପରେ ୩୦୭୫.୫୫ କୋଟି ଟଙ୍କା ଦୀର୍ଘବର୍ଷ ହେବ ବକେୟା ପଡିଛି। ଜଳ ସମ୍ପଦ ମନ୍ତ୍ରୀ ରଘୁନନ୍ଦନ ଦାସ ଶୁକ୍ରବାର ବିଧାନସଭାରେ ଏକ ଲିଖିତ ପ୍ରଶ୍ନର ଉତ୍ତରରେ ଏହି ତଥ୍ୟ ଦେଇଛନ୍ତି।

ମନ୍ତ୍ରୀଙ୍କ ସୂଚନା ଅନୁଯାୟୀ ଅନୁଗୋଳସ୍ଥିତ ଭରତପୁର ଓସିପି ଉପରେ ୩୦୨୮.୪୪ ଲକ୍ଷ ଟଙ୍କା ଥିବା ବେଳେ ଭୁବନେଶ୍ୱରୀ ଓସିପି ଉପରେ ୧୧୬୦.୦୬ ଲକ୍ଷ, ଅନନ୍ତ ଓସିପି ୧୦୨୭.୨୦ ଲକ୍ଷ, ଜଗନ୍ନାଥ କୋଲିଏରି ଉପରେ ୧୨୪୨ ଲକ୍ଷ, ତାଳଚେର କୋଲିଏରି ଉପରେ ୮୩୬.୮୮ ଲକ୍ଷ, ନନ୍ଦିରା କୋଲିଏରି ଉପରେ ୧୪୩୮.୨୮ ଲକ୍ଷ, ଯୋଡ଼ାସ୍ଥିତ ଟାଟା ଷ୍ଟିଲ୍‌ ଉପରେ ୧୫,୯୭୫.୭୫ ଲକ୍ଷ, କେନ୍ଦୁଝରସ୍ଥିତ ଏସାର ଷ୍ଟିଲ୍‌ ଇଣ୍ଡିଆ ଉପରେ ୮୩୫.୨୭ ଲକ୍ଷ, ଆସ୍କା ଚିନିକଳ ଉପରେ ୧୪୪୫.୨୮ ଲକ୍ଷ, ସମ୍ବଲପୁର ଜନସ୍ବାସ୍ଥ୍ୟ ଡିଭିଜନ ଉପରେ ୧୭୧୬.୯୮ ଲକ୍ଷ ଟଙ୍କା ଜଳକର ବାକି ରହିଛି। ସେହିପରି ଜେ.କେ. କର୍ପୋରେଶନ ଲିମିଟେଡ ଉପରେ ୯୨୭୦.୫୬ ଲକ୍ଷ ଟଙ୍କା ବାକି ରହିଥିବା ବେଳେ ବେଲପାହାଡ଼ ସ୍ଥିତ ଟାଟା ରିଫ୍ରାକ୍ଟୋରିଜ ଲିମିଟେଡ ଉପରେ ୬୫୦୩.୦୩ ଲକ୍ଷ, ଦକ୍ଷିଣ ପୂର୍ବ ରେଳପଥ ଝାରସୁଗୁଡା ଉପରେ ୩୫୬୯୫ ଲକ୍ଷ, ଭିରାଜ ଷ୍ଟିଲ୍‌ ଆଣ୍ଡ ଏନର୍ଜି ଉପରେ ୨୯୯୩.୫୧ ଲକ୍ଷ, ବ୍ରଜରାଜନଗର ସ୍ଥିତ ଓରିଏଣ୍ଟ ପେପର ମିଲ୍‌ ଉପରେ ୨୧୬୧୨ ଲକ୍ଷ, ଭୂଷଣ ଲିମିଟେଡ ଉପରେ ୭୬୬୨ ଲକ୍ଷ, ବନହରପାଲି ଆଇଟିପିଏସ୍‌ ଉପରେ ୧୦୮୩.୪୭ ଲକ୍ଷ, ଶ୍ୟାମ ସମ୍ବଲପୁର ସ୍ଥିତ ମେଟାଲିକ ଆଣ୍ଡ ଏନର୍ଜି ଉପରେ ୧୦୩୭୦.୮୩ ଲକ୍ଷ, ସମ୍ବଲପୁର ଜନସ୍ବାସ୍ଥ୍ୟ ଡିଭିଜନ ଉପରେ ୬୫୩୪.୨୪ ଲକ୍ଷ, ଢେଙ୍କାନାଳ ରିଲାଏନ୍ସ ଏନର୍ଜି ଉପରେ ୨୮୭୧.୦୯ ଲକ୍ଷ, ଭୂଷଣ ଷ୍ଟିଲ୍‌ ଉପରେ ୫୬୩୭.୭୩ ଲକ୍ଷ, ବିଆର୍‌ଓ ଆଇରନ ଆଣ୍ଡ ଷ୍ଟିଲ୍‌ ଉପରେ ୧୯୯୬.୨୮ ଲକ୍ଷ, ଶ୍ରୀ ମହାବୀର ଫେରୋ ଆଲଏଜ ଉପରେ ୬୨୫୧ ଲକ୍ଷ, ଷ୍ଟିଲ୍‌ ଅଥରିଟି ଇଣ୍ଡିଆ ଉପରେ ୨୨୦୬୮ ଲକ୍ଷ ଟଙ୍କା ବାକି ରହିଛି। ଅନ୍ୟପକ୍ଷରେ ମାମଲା ରୁଜୁ କରିଥିବା ୨୬ ସଂସ୍ଥା ନିକଟରୁ ୫୦ ପ୍ରତିଶତ ବକେୟା ଆଦାୟ କରିବା ପାଇଁ ସରକାର ହାଇକୋର୍ଟରେ ମିସ୍‌ କେସ୍‌ ଫାଇଲ କରିଛନ୍ତି ବୋଲି ମନ୍ତ୍ରୀ କହିଛନ୍ତି।
ଉଲ୍ଲେଖଯୋଗ୍ୟ ଯେ, ଶିଳ୍ପ ସଂସ୍ଥାଗୁଡିକୁ ଯୋଗାଇ ଦିଆଯାଉଥିବା ଜଳ ଫ୍ଲୋମିମିଟର ଜରିଆରେ ମପାଯାଇ ମୂଲ୍ୟ ଧାର୍ଯ୍ୟ କରାଯାଇଥାଏ। ୨୦୨୦-୨୧ ଆର୍ଥିକ ବର୍ଷ ଲାଗି ଜଳସେଚନ ବିଭାଗ ୫ କ୍ୟୁସେକ ଜଳ ନେଉଥିବା ଶିଳ୍ପ ପାଇଁ ପ୍ରତି ୧ ହଜାର ଲିଟର ପାଣି ନିମନ୍ତେ ୯ ଟଙ୍କା ୫୨ ପଇସା ଧାର୍ଯ୍ୟ କରିଥିବା ବେଳେ ୫ କ୍ୟୁସେକରୁ ଅଧିକ ଜଳ ନେଉଥିବା ଶିଳ୍ପ ସକାଶେ ପ୍ରତି ୧ ହଜାର ଲିଟରକୁ ୧୨ ଟଙ୍କା ୬୦ ପଇସା ଧାର୍ଯ୍ୟ କରିଛି। ଏହି ହିସାବ ସରକାରୀ ସ୍ତରରେ ରଖାଯାଇଥିବାବେଳେ ବାସ୍ତବ ପରିସ୍ଥିତି କିନ୍ତୁ ଅଲଗା। ସବୁ ନ ହେଲେ ମଧ୍ୟ ଅଧିକାଂଶ ଶିଳ୍ପ ସଂସ୍ଥା ସରକାରୀ ଅନୁମୋଦନଠାରୁ ଯଥେଷ୍ଟ ଅଧିକ ଜଳ ଶୋଷଣ କରୁଛନ୍ତି।


Enter your email to get our daily news in your inbox.

All Right Reserved By Dharitri.Com

ନିଜ ସ୍କୁଲରେ ହେବ ପରୀକ୍ଷା

କଟକ ଅଫିସ,୨୧।୧୦: ଚଳିତ ବର୍ଷ ନୂତନ ଢାଞ୍ଚାରେ ପରୀକ୍ଷା ଦେବେ ନବମ ଶ୍ରେଣୀ ଛାତ୍ରୀଛାତ୍ର। ନଭେମ୍ବର ୨୨ରୁ ନବମ ଶ୍ରେଣୀର ସମେଟିଭ୍‌-୧ ପରୀକ୍ଷା ଆରମ୍ଭ ହେବ।...

ଥାନା ହାଜତରେ ଛେଳି

ପୁରୁଣା ଭୁବନେଶ୍ୱର,୨୨ା୬ (ଡି.ଏନ.ଏ.): ଥାନା ହାଜତରେ ଅପରାଧୀଙ୍କୁ ଅଟକ ରଖିବାକୁ କମିଶନରେଟ୍‌ ପୋଲିସ ପଛାଉଥିବା ବେଳେ ଧଉଳି ଥାନାରେ ଛେଳିକୁ ହାଜତ ଭିତରେ ରଖିବା ଫଟୋ...

ରାଜ୍ୟରେ ଆଉ ୭୨୮ କରୋନା ଆକ୍ରାନ୍ତ ସୁସ୍ଥ

ଭୁବନେଶ୍ୱର,୨୫।୭(ବ୍ୟୁରୋ)-ରାଜ୍ୟରେ ଶନିବାର ପୁଣି ୭୨୮ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଗଞ୍ଜାମ ଜିଲାରୁ ସର୍ବାଧିକ ୩୯୧ଜଣ ସୁସ୍ଥ ହୋଇଥିବାବେଳେ ଖୋର୍ଦ୍ଧାରୁ ୪୯, କଟକରୁ ୪୩, ବାଲେଶ୍ୱରରୁ...

ଓଡ଼ିଶା ପାସ୍‌ ହାର ଅଧିକ

ଭୁବନେଶ୍ୱର, ୧୪।୭(ବ୍ୟୁରୋ): କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍‌ଇ)ର ଦ୍ୱାଦଶ ପରୀକ୍ଷା ଫଳ ସୋମବାର ପ୍ରକାଶ ପାଇଛି। ଏଥର ସର୍ବଭାରତୀୟ ସ୍ତରରେ ପାସ୍‌ ହାର ୮୮.୭୮%...

ଟୁଇଟ୍‌ ପରେ ଚାଉଳ ମିଳିବା ପ୍ରସଙ୍ଗ: ଭଗବାନପୁରରେ ସ୍ବତନ୍ତ୍ର ଟିମ୍‌ର ତଦନ୍ତ

ଭଦ୍ରକ ଅଫିସ, ୩୦।୮- ଭଦ୍ରକ ଜିଲା ଧାମନଗର ବ୍ଲକ ଅଧୀନ ଭଗବାନପୁର ପଞ୍ଚାୟତ ଅନହରପୁର ଗଁାରେ ପାଞ୍ଚାଳୀ ଜେନା ନାମ୍ନୀ ଜଣେ ରାଶନକାର୍ଡ ହିତାଧିକାରୀ ଦୀର୍ଘମାସ...

ନୂଆବର୍ଷ ସୁଦ୍ଧା ସବୁ ସ୍କୁଲ ଖୋଲିଯିବ

ଭୁବନେଶ୍ୱର/ସମ୍ବଲପୁର ୪।୧୧(ବ୍ୟୁରୋ): ଦୀପାବଳି ପରେ ପ୍ରାଥମିକ ସ୍କୁଲ ଖୋଲିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ତେବେ ପ୍ରଥମ ପର୍ଯ୍ୟାୟରେ ଷଷ୍ଠ ଓ ସପ୍ତମ ଶ୍ରେଣୀ...

ବିଜେଡିରେ ମିଶିଲେ ବିଧାୟକ ସୁର ରାଉତରାୟଙ୍କ ପ୍ରତିନିଧି

ଖୋର୍ଦ୍ଧା ଅଫିସ,୧୦।୩: ଜଟଣୀ ବିଧାୟକ ସୁର ରାଉତରାୟଙ୍କ ପ୍ରତିନିଧି ଲକ୍ଷ୍ମୀଧର ବିଶ୍ବାଳ ବିଧିବଦ୍ଧ ଭାବେ କଂଗ୍ରେସ ଦଳ ଛାଡ଼ି ବିଜୁ ଜନତା ଦଳରେ ଗୁରୁବାର ଯୋଗ...

ବିଦ୍ୟୁତ୍‌ଜନିତ ଜୀବନହାନି ହ୍ରାସ କରିବାକୁ ଦୃଢ଼ ଉଦ୍ୟମ କରାଯିବ

ଭୁବନେଶ୍ୱର,୧୯ା୨(ବ୍ୟୁରୋ):ଗଞ୍ଜାମ ଜିଲା ଗୋଳନ୍ଥରା ଥାନା ଅନ୍ତର୍ଗତ ମେନ୍ଦ୍ରରାଜପୁର ଗାଁ ନିକଟରେ ବିଦ୍ୟୁତ୍‌ ତାର ଲାଗି ଘଟିଥିବା ଦୁର୍ଘଟଣା ଦୁର୍ଭାଗ୍ୟଜନକ। ଭବିଷ୍ୟତରେ ଯେପରି ଏପରି ଘଟଣାର ପୁନରାବୃତ୍ତି...

Advertisement
Archives

Model This Week