ଅରଡ଼େଇ ଜଳ ପ୍ରବାହ ରୋକିବାକୁ ଚକ୍ରାନ୍ତ

କେନ୍ଦୁଝର,୨୧ା୫ (ନରେଶ ଚନ୍ଦ୍ର ପଟ୍ଟନାୟକ):କେନ୍ଦୁଝରର ବାରାହାରାଶି ପର୍ବତରୁ ବାହାରିଥିବା ଚିରଶ୍ରୋତା ନଦୀ ଅରଡ଼େଇର ଜଳସ୍ତର ହ୍ରାସ ପାଉଛି। ପୂର୍ବରୁ ସହରର ମଇଳା ଆବର୍ଜନା ଯୁକ୍ତ ପାଣିକୁ ଆଣି ଅରଡେଇରେ ମିଶାଇ ଜଳକୁ ଦୂଷିତ କରାଯାଉଛି। ଏବେ ପାଣି ପାଇପ ନେବାକୁ ନଦୀ ମଝିରେ ପିଲାର ନିର୍ମାଣ କରାଯାଉଛି। ଫଳରେ ନଦୀ ଅବରୋଧ ହେଉଥିବାରୁ ନଦୀର ଜଳ ପ୍ରବାହ ପ୍ରତି ବିପଦ ସୃଷ୍ଟି କରିଛି। ଅରଡ଼େଇର ଗତିପଥ ରୋକିବାକୁ ଚକ୍ରନ୍ତା ଚାଲିଛି ବୋଲି ବୃଦ୍ଧିଜୀବୀମାନେ ଅଭିଯୋଗ କରିଛନ୍ତି। ଯାହା ଭବିଷ୍ୟତ ପାଇଁ କୁପ୍ରଭାବ ପାକାଇବ ବୋଲି କୁହାଯାଇଛି।
ପ୍ରକାଶ ଯେ, ନଦୀ ଦ୍ୱାରା ସହର ଓ ଆଖ ପାଖ ଗ୍ରାମାଞ୍ଚଳର ଜଳସ୍ତର ନିୟନ୍ତ୍ରଣ ହେଉଛି। ନଦୀ ପାଣି ବ୍ୟବହାର କରାଯାଇ ଚାଷ କାର୍ଯ୍ୟ ହେଉଛି। ଏଣୁ ଜଳ ସେଚନ ପାଇଁ ବହୁ କୋଟି ଟଙ୍କା ବ୍ୟୟରେ ନଦୀରେ ଛୋଟ ଛୋଟ ବନ୍ଧ ଓ ଉଠା ଜଳସେଚନ ପ୍ରକଳ୍ପ ନିର୍ମାଣ କରାଯାଇଛି। ତେବେ ବିଭିନ୍ନ କାରଣରୁ ନଦୀ ପଠା ପୋତି ହୋଇ ଯାଉଥିବାରୁ କୃଷି ଉପରେ ପ୍ରଭାବ ଦେଖାଦେବ ବୋଲି ପରିବେଶବିତ୍‌ ଡ. ବିମ୍ବାଧର ବେହେରା କହିଛନ୍ତି। ଅନ୍ୟପକ୍ଷରେ ସହରର କିଛି ବ୍ୟବସାୟୀ ସେମାନଙ୍କ ଆବର୍ଜନା, ବ୍ରୟଲର କୁକୁଡ଼ା ବର୍ଜ୍ୟ ଆଦି ନଦୀ ଧାରରେ ପକାଇ ପାହାଡ଼ ପରି ଗଦା କରୁଛନ୍ତି। ବର୍ଷା ସମୟରେ ବର୍ଜ୍ୟ ମିଶ୍ରିତ ନଦୀ ଜଳକୁ ବ୍ୟବହାର କରିବା ଫଳରେ ଅନେକ ସଂକ୍ରାମକ ରୋଗ ବ୍ୟାପିବାର ଭୟ ସୃଷ୍ଟି ହୋଇଛି ବୋଲି ବରିଷ୍ଠ ଆଇନଜୀବୀ ଜ୍ୟୋତିରତ୍ନ ମହାନ୍ତ କହିଛନ୍ତି। ଏଥିସହ ଆବର୍ଜନାରେ ନଦୀ ପୋତି ହୋଇ ଜଳ ଧାରା ତଳ ମୁଣ୍ଡକୁ ପ୍ରବାହିତ ହୋଇପାରୁନାହିଁ। ନଦୀର ଜଳଧାରା ବନ୍ଦ ହେବା ମାନବ ସଭ୍ୟତା ଓ କୃଷି ପାଇଁ ଶୁଭଙ୍କର ନୁହେଁ ଓ ଏହାକୁ ନେଇ କେନ୍ଦୁଝର ନାଗରିକ ମଞ୍ଚ ତରଫରୁ ମଞ୍ଚର ପୂର୍ବତନ ସଭାପତି ସ୍ବର୍ଗତ ଉଇଙ୍ଗ କମାଣ୍ଡର କିରଣ ଶଙ୍କର ସାହୁଙ୍କ ପକ୍ଷରୁ କୋର୍ଟରେ ପିଟିସନ ଦାଖଲ କରାଯାଇଥିଲା। ଯାହାର ଶୁଣାଣି କରି କୋର୍ଟ ଏହି ଯୋଜନାକୁ ନିଷିଦ୍ଧ କରିଥିଲେ। ହେଲେ ତାହାକୁ ନ ମାନି କେନ୍ଦୁଝରଗଡ଼ ପୌରପାଳିକା ପକ୍ଷରୁ ଡ୍ରେନ ମାଧ୍ୟମରେ ଆବର୍ଜନାକୁ ଅରଡେଇ ନଦୀରେ ଛଡ଼ାଯାଉଛି। ଏବେ ପାଣି ପାଇପ ନେବାକୁ ନଦୀ ଗର୍ଭରେ ପିଲାର ନିର୍ମାଣ ହେଉଛି। ଫଳରେ ଜଳ ଧାରକୁ ବନ୍ଦ କରିଦେବ। ଫଳରେ ନିମ୍ନ ଭାଗରେ ଥିବା ଚେକ୍‌ ଡ୍ୟାମ ଅଚଳ ହୋଇଯିବ। ଚାଷୀ କୃଷି ପାଇଁ ଜଳ ପାଇବେ ନାହିଁ। ଅନ୍ୟପକ୍ଷରେ ମଣ୍ଡୁଆ, କାଶୀପୁର, ନରଣପୁର ଆଦି ଗ୍ରାମର ବ୍ୟବହୃତ ଶ୍ମଶାନକୁ ରାସ୍ତା ଅବରୋଧ ହେବ। ଏସବୁକୁ ଆଖି ଆଗରେ ରଖି ନିର୍ମାଣ କରାଯାଉଥିବା ପିଲାର ବିକଳ୍ପ ବ୍ୟବସ୍ଥା କରିବା ପାଇଁ ବୁଦ୍ଧିଜୀବୀ ଦାବି କରିଛନ୍ତି। ନଦୀର ଗତିପଥକୁ ରୋକିବାର ହୀନ ଚକ୍ରାନ୍ତ ଏବେ ତଳ ମୁଣ୍ଡର ରହୁଥିବା ଲୋକଙ୍କ ପାଇଁ କାଳ ସାଜିଛି ବୋଲି ବରିଷ୍ଠ ନାଗରିକ ଅଲେଖ ଚନ୍ଦ୍ର ପାତ୍ର କହିଛନ୍ତି। ସହରାଞ୍ଚଳ ଜଳ ଯୋଗାଣ ବିଭାଗର ଜେନେରାଲ ମ୍ୟାନେଜର ନାରଦ ରଥ କହିଛନ୍ତି, ପାଣି ପାଇପ ବିଛାଇବା ପାଇଁ ପିଲାର ନିର୍ମାଣ ହେଉଛି। ଏହା ଦ୍ୱାରା ନଦୀ ଜଳ ପ୍ରବାହ ଅବରୋଧ ହେବ ନାହିଁ।


Enter your email to get our daily news in your inbox.

All Right Reserved By Dharitri.Com

ମଣ୍ଡପକୁ ମାଡ଼ିଗଲା ଟ୍ରକ୍‌: ଚା’ ଦୋକାନୀ ମୃତ

ଧରାକୋଟ,୧୪ା୬(ବିଷ୍ଣୁ କେଶରୀ ଆଚାର୍ଯ୍ୟ): ଗଞ୍ଜାମ ଜିଲା ଧରାକୋଟ ଥାନା ଅଧୀନ ବାହାଡ଼ାଗୁଡା ଛକରେ ଶୁକ୍ରବାର ଏକ ଟ୍ରକ ଭାରସାମ୍ୟ ହରାଇ ଜଣେ ଚା’ ଦୋକାନୀଙ୍କୁ ଧକ୍କା...

ବିଜୁଳି ଆଘାତରେ ନାବାଳିକାଙ୍କ ମୃତ, ପୋଲିସ ନିକଟରେ ଅଭିଯୋଗ କଲେ ବାପା

ପଟ୍ଟାଙ୍ଗି,୧୪।୬(ଶରତ ଧଳ): ଶୁକ୍ରବାର ରଜ ଉତ୍ସବ ପାଳନ ହେଉଥିବାବେଳେ ଏହାରି ଭିତରେ ଘଟିଯାଇଛି ଏକ ଦୁଃଖଦ ଘଟଣା । ଯାହାକୁ ନେଇ ବୁନ୍ଦୁଲପାଡୁ ଗ୍ରାମରେ ଗୋଟିଏ...

ଅପହଞ୍ଚ ଜାଗାରେ ସ୍ବାସ୍ଥ୍ୟସେବା ପହଞ୍ଚାଇଲେ ସରକାର

କେନ୍ଦୁଝର,୧୪।୬(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଭାରତର ପ୍ରମୁଖ ମହାରତ୍ନ କମ୍ପାନୀ ଗେଲ ଇଣ୍ଡିଆ ତରଫରୁ ଏକ ଅତ୍ୟାଧୁନିକ ଚିକିତ୍ସାସେବା ସୁବିଧା ଥିବା...

ବାଲିଗୁଡ଼ାରୁ ମଧ୍ୟପ୍ରଦେଶ ଗଞ୍ଜେଇ ଚାଲାଣ: ଧରାପଡ଼ିଲା ୧୦ ଲକ୍ଷ ଟଙ୍କାର ଗଞ୍ଜେଇ

ବାଲିଗୁଡା,୧୪।୬:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡ଼ାରୁ ମଧ୍ୟପ୍ରଦେଶ ଗଞ୍ଜେଇ ଚାଲାଣ ବେଳେ ଅବକାରୀ ବିଭାଗ ଚଢ଼ାଉ କରି ୩ଜଣଙ୍କୁ ଗିରଫ କରିଛି। ଏଥିସହ ଅବକାରୀ...

ଧଳତଙ୍ଗଗଡ଼ ପ୍ରସ୍ତାବିତ ସଂରକ୍ଷିତ ଜଙ୍ଗଲରେ ହରିଣ ଅସୁରକ୍ଷିତ

ଜଗତ୍‌ସିଂହପୁର,୧୪ା୬(ପ୍ରମୋଦ କୁମାର ନାୟକ): ଜଗତ୍‌ସିଂହପୁର ସଦର ମହକୁମାରୁ ମାତ୍ର ୧୫ କିଲୋମିଟର ଦୂର ଧଳତଙ୍ଗଗଡ଼ ପ୍ରସ୍ତାବିତ ସଂରକ୍ଷିତ ଜଙ୍ଗଲ (ପିଆର୍‌ଏଫ୍‌)ହରିଣଙ୍କ ପାଇଁ ପ୍ରସିଦ୍ଧି ଲାଭ କରିଛି।...

ଘରୁ ଯୁବକଙ୍କ ମୃତଦେହ ଉଦ୍ଧାର କଲା ଟାଉନ ପୋଲିସ

କୋରାପୁଟ,୧୪।୬(ଅମିତାଭ ବେହେରା): କୋରାପୁଟ ସହରର ପିଏଚଡି କଲୋନୀ ଅଞ୍ଚଳର ଏକ ଘରୁ ଏକ ଯୁବକଙ୍କ ମୃତଦେହ କୋରାପୁଟ ଟାଉନ ପୋଲିସ ଉଦ୍ଧାର କରିଛି। ଏନେଇ ଟାଉନ...

ଘାଟିରୁ ୨ଶହ ଫୁଟ ତଳକୁ ଖସିପଡ଼ିଲା ବିଦ୍ୟୁତ୍‌ ବିଭାଗ କର୍ମଚାରୀଙ୍କ ଗାଡି

ଗଜପତି,୧୪।୬: ଗଜପତି ଜିଲା ଅଡ଼ବା ଥାନା ତୁଆବାଡ଼ି ଘାଟିରେ ଶୁକ୍ରବାର ଏକ ବଡ଼ଧରଣର ଦୁର୍ଘଟଣା ଘଟିଛି। ବିଦ୍ୟୁତ୍‌ ବିଭାଗ କର୍ମଚାରୀଙ୍କୁ ନେଇ ଯାଉଥିବା ଏକ ବୋଲେରୋ...

ରାସ୍ତାରେ ଯାଉଥିବା ବେଳେ ମା’, ଝିଅଙ୍କୁ ଆକ୍ରମଣ

ସମ୍ବଲପୁର,୧୪।୬: ସମ୍ବଲପୁର ଜିଲା ଅଇଁଠାପାଲି ଥାନା ଦାନୀପାଲି ଗାଁରେ ଏକ ଅଭାବନୀୟ ଘଟିଣା ଘଟିଛି। ରାସ୍ତାରେ ଯାଉଥିବା ବେଳେ ମା’ଏବଂ ଝିଅଙ୍କୁ ଜଣେ ଯୁବକ ଛୁରୀରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri