ପାରମ୍ପରିକ ପିଠା ଦେଇଛି ପରିଚୟ

ଭୁବନେଶ୍ୱର,୨୪।୧(ବ୍ୟୁରୋ): ଓଡ଼ିଶାର ପାରମ୍ପରିକ ତଥା ଜଗନ୍ନାଥ ସଂସ୍କୃତି ସହ ଜଡ଼ିତ ପିଠା ଏବେ ପ୍ରାୟ ହଜିଯିବାକୁ ବସିଛି। ମାତ୍ର ଏହାକୁ ଉଜ୍ଜୀବିତ ରଖିବା ସହ ଏହା ମାଧ୍ୟମରେ ନିଜେ ଆତ୍ମନିର୍ଭରଶୀଳ ହୋଇ ଅନ୍ୟକୁ ରୋଜଗାରକ୍ଷମ କରାଇବାକୁ ଅଣ୍ଟା ଭିଡ଼ିଛନ୍ତି ଦୁଇ ବନ୍ଧୁ। ସେମାନେ ହେଲେ ଯୁବ ଉଦ୍ୟୋଗୀ ସ୍ମୃତି ସାଗର ସାମଲ ଏବଂ ଆଶିଷ କୁମାର କାପ। ଦୁହେଁ ରାଜଧାନୀ ଭୁବନେଶ୍ୱରର ବଡ଼ଗଡ଼ ଛକ ନିକଟରେ ‘ଓଡ଼ିଶା ଟ୍ରାଡିଶନାଲ ପିଠା’ ନାମକ ଏକ ଷ୍ଟଲ୍‌ ଖୋଲିଛନ୍ତି। ଯେଉଁଠାରେ କ୍ଷୀର ପୋଡ଼, ଦହି ପୋଡ଼, ବିରି ପୋଡ଼, ଚନ୍ଦ୍ରକାନ୍ତି, କରଞ୍ଜି, ଆରିସା, ଛେନାମଣ୍ଡା, ସୁଜିମଣ୍ଡା, କାକରା, ରସାବଳି, କ୍ଷୀରସାଗର, ଲଛାରାବିଡ଼ି, ଅଟା କାକରା ଇତ୍ୟାଦି ନାନା ପ୍ରକାର ପିଠା ରହିଛି। ନିଜ ଷ୍ଟଲ୍‌ରେ ଏସବୁ ସୁସ୍ବାଦୁ ପିଠା ବିକ୍ରି କରିବା ସହ ଅନ୍‌ଲାଇନରେ ବରାଦ ନେଇ ଗ୍ରାହକଙ୍କ ନିକଟରେ ପହଞ୍ଚାଉଛନ୍ତି।
ସମ୍ପ୍ରତି ପିଜା ଓ ବର୍ଗର ଭଳି ଫାଷ୍ଟଫୁଡ୍‌ର ଚାହିଦା ସମୟରେ ଲୋକେ ଓଡ଼ିଶାର ପାରମ୍ପରିକ ପିଠାକୁ ଖୋଜୁଛନ୍ତି। ଏଥିଯୋଗୁ ରାଜଧାନୀର ଅନେକ ସ୍ଥାନରେ ରାସ୍ତା ପାର୍ଶ୍ୱ ଉଠାଦୋକାନରେ ଘୁଗୁନି, ଆଳୁଦମ୍‌ ସାଙ୍ଗକୁ ଚକୁଳି, ମଣ୍ଡା ପିଠା ପ୍ରଭୃତି ବିକ୍ରି ହେଉଛି। ଏଥିରୁ ଭଲ ରୋଜଗାର ମଧ୍ୟ ହେଉଛି। କେତେକ ସୁଇଟ୍ସ ଷ୍ଟଲ୍‌ କିମ୍ବା ମିଠା ଦୋକାନରେ ପିଠା ବି ବିକ୍ରି କରାଯାଉଛି। ପିଠାର ଏଭଳି ଚାହିଦାକୁ ଦୃଷ୍ଟିରେ ରଖି ବ୍ୟବସାୟ କ୍ଷେତ୍ରକୁ ଓହ୍ଲାଇଛନ୍ତି ସ୍ମୃତିସାଗର ଓ ଆଶିଷ କୁମାର। ‘ଓଡ଼ିଶା ଟ୍ରାଡିଶନାଲ ପିଠା’ ଷ୍ଟଲ୍‌ ଖୋଲି ବିଭିନ୍ନ ପ୍ରକାର ପିଠା ବିକ୍ରି କରୁଛନ୍ତି। ଭୁବନେଶ୍ୱର ଲୋକଙ୍କ ସମେତ ବାହାରୁ ଆସୁଥିବା ଲୋକେ ମଧ୍ୟ ଏଠାରେ ପିଠାର ସ୍ବାଦ ନେଉଛନ୍ତି। କେହି କେହି ପରିବାର ବା ପ୍ରିୟ ପରିଜନଙ୍କ ପାଇଁ ପ୍ୟାକ୍‌ କରି ନେଇଯାଉଛନ୍ତି। ସେହିପରି ଘର ପରିବାରଠୁ ଦୂରରେ ରହୁଥିବା ପିଠାପ୍ରେମୀମାନେ ଏଠାକୁ ଆସୁଛନ୍ତି। ଦାମ୍‌ ୧୦ରୁ ୫୦୦ ଟଙ୍କା ପର୍ଯ୍ୟନ୍ତ ରହିଛି। ଏନେଇ ସ୍ମୃତି ସାଗର କହିଛନ୍ତି, ଏଠାରେ ପରିଷ୍କାର ପରିଚ୍ଛନ୍ନତାର ସହ ପାରମ୍ପରିକ ଢଙ୍ଗରେ ପିଠା ପ୍ରସ୍ତୁତ କରାଯାଉଛି। ଏହି କାମରେ ପ୍ରାୟ ୧୫ଜଣ ମହିଳା ନିୟୋଜିତ ହୋଇଥାନ୍ତି। ଏହି ପରିବାରଙ୍କୁ ରୋଜଗାର ଦେଇପାରିଥିବାରୁ ତାଙ୍କୁ ଆତ୍ମସନ୍ତୋଷ ମିଳୁଛି ବୋଲି ସ୍ମୃତି ସାଗର କହିଛନ୍ତି।
ଏଠାରେ କାର୍ଯ୍ୟରତ କ୍ରିଷ୍ଣାପ୍ରିୟା ଗିରି କହିଛନ୍ତି, ଏଠାରେ ପିଠା ବିକ୍ରି ମାଧ୍ୟମରେ ଓଡ଼ିଶାର ପାରମ୍ପରିକ ପିଠା ଅଧିକ ଲୋକପ୍ରିୟ ହୋଇପାରୁଛି। ପ୍ରତିଦିନ ସକାଳୁ ଘରର ସବୁ କାମ ସାରି ଆଖପାଖର ପ୍ରାୟ ୧୫ଜଣ ମହିଳା ମିଶି ପିଠା ପ୍ରସ୍ତୁତ କରୁଛୁ। ପିଠା ବିକ୍ରିରୁ ଆୟ ହେଉଥିବା ପ୍ରାୟ ୨୫ ପ୍ରତିଶତ ଅର୍ଥାତ୍‌ ଜଣକ ପିଛା ମାସିକ ୧୦ ହଜାରରୁ ଊର୍ଦ୍ଧ୍ୱ ଟଙ୍କା ପାରିଶ୍ରମିକ ବାବଦରେ ମିଳୁଛି। ସେହିପରି ଗ୍ରାହକ ସୁବ୍ରମଣ୍ୟମ୍‌ ସ୍ବାଇଁ କହିଛନ୍ତି, ମୁଁ ଅଧିକାଂଶ ସମୟରେ ଏଠାକୁ ପିଠା ଖାଇବାକୁ ଆସେ। ସ୍ବାଦ ନିଆରା। ପରିଷ୍କାର ପରିଚ୍ଛନ୍ନତା ମଧ୍ୟ ଦେଖିବାକୁ ମିଳୁଛି। ସମ୍ପ୍ରତି ଆଧୁନିକ ଯୁଗରେ ରାଜଧାନୀରେ ପିଠା ମିଳିବା ଖୁସିର କଥା।
ରିପୋର୍ଟ: ଆଦିତ୍ୟ ଜେନା


Enter your email to get our daily news in your inbox.

All Right Reserved By Dharitri.Com

ପୋଲିସ-ପ୍ରଶାସନ ଯାଞ୍ଚ ଢିଲା: ୪ ଦିନିଆ ସଟ୍‌ଡାଉନ୍‌ ପରେ ବ୍ରହ୍ମପୁରରେ ଅସମ୍ଭାଳ ଭିଡ

ବ୍ରହ୍ମପୁର ଅଫିସ , ୧।୭ – ଗଞ୍ଜାମ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ହୁ ହୁ ହୋଇ ବଢ଼ିବାରେ ଲାଗିଛି । ସେହିପରି...

ରାଜ୍ୟରେ ହଜାରେ ତଳକୁ ଖସିଲା କରୋନା ଆକ୍ରାନ୍ତଙ୍କ ସଂଖ୍ୟା

ଭୁବନେଶ୍ୱର,୨୫।୮(ବ୍ୟୁରୋ): ରାଜ୍ୟରେ କିଛିଦିନ ହେବ କରୋନା ସଂକ୍ରମଣ ମାତ୍ରା କିଛିଟା କମିଛି। ବୁଧବାର ରାଜ୍ୟରେ ୮୮୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରୁ...

CORONAVIRUS UPDATE: ରାଜ୍ୟରେ ପୁଣି ୧୭୩ କରୋନା ପଜିଟିଭ ଚିହ୍ନଟ; ଆକ୍ରାନ୍ତଙ୍କ ସଂଖ୍ୟା ୨୭୮୧ରେ ପହଞ୍ଚିଲା

ଭୁବନେଶ୍ୱର,୬।୬(ବ୍ୟୁରୋ): ରାଜ୍ୟରେ ଶନିବାର ପୁଣି ୧୭୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୭୮୧ରେ ପହଞ୍ଚିଛି। ତେବେ...

ଆକ୍ରାନ୍ତ ପୋଲିସ ଅଧିକାରୀଙ୍କ ସ୍ତ୍ରୀ କରୋନା ପିଜିଟିଭ

କଟକ ଅଫିସ,୩୦।୬: କଟକ ସିଡିଏ ସେକ୍ଟର ୯ରୁ ପୂର୍ବରୁ ଜଣେ ପୋଲିସ ଅଧିକାରୀ କରୋନାରେ ସଂକ୍ରମିତ ହୋଇଥିଲେ। ଫଳରେ ପରିବାର ବର୍ଗଙ୍କ ସ୍ବାବ୍‌ ସଂଗ୍ରହ କରାଯାଇ...

ଆଜି ରାଜ୍ୟରୁ ୩୨୨୨ କରୋନା ଆକ୍ରାନ୍ତ ଚିହ୍ନଟ, କଟକରୁ ସର୍ବାଧିକ

ଭୁବନେଶ୍ୱର,୨ା୭(ବ୍ୟୁରୋ): ଶୁକ୍ରବାର ରାଜ୍ୟରୁ ୩୨୨୨ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୯,୧୬,୧୦୯ରେ ପହଞ୍ଚିଥିବା ରାଜ୍ୟ ସୂଚନା...

ଆଜିଠୁ ଭିତରକନିକା ବନ୍ଦ

ରାଜନଗର,୨୬ା୧୨ (ଡି.ଏନ.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକରେ ଥିବା ଭିତରକନିକା ଜାତୀୟ ଉଦ୍ୟାନ ଆସନ୍ତାକାଲି ଠାରୁ ଜାନୁୟାରୀ ୪ ତାରିଖ ପର୍ଯ୍ୟନ୍ତ ବନ୍ଦ ରହିବ। ଏଥିପାଇଁ...

ମହାଶିବରାତ୍ରୀ ଲାଗି ଜାରିହେଲା ଗାଇଡ୍‌ଲାଇନ

ଭୁବନେଶ୍ୱର,୨୭।୨(ବ୍ୟୁରୋ): ମହାଶିବରାତ୍ରୀ ତଥା ଜାଗର ପାଇଁ ସ୍ବତନ୍ତ୍ର ରିଲିଫ କମିଶନର(ଏସ୍‌ଆର୍‌ସି) ଗାଇଡଲାଇନ ଜାରି କରିଛନ୍ତି। ମନ୍ଦିର, ମେଳା ଓ ଉତ୍ସବରେ ଏକାଠି ହେବା ବେଳେ କୋଭିଡ୍‌...

ବନ୍ୟଜନ୍ତୁ, ପକ୍ଷୀ ପ୍ରେମରେ ପରିବାରର ୪ ସଦସ୍ୟ

ପାରାଦୀପ, ୯।୧(ସ୍ବ.ପ୍ର.): ବନ୍ୟପ୍ରାଣୀ ଓ ପକ୍ଷୀ ବହୁ ସମୟରେ ଶିକାରୀମାନଙ୍କ ଶିକାର ହେଉଥିବା ବେଳେ ସେମାନଙ୍କ ସୁରକ୍ଷା ପ୍ରତି ଲୋକେ ଯତ୍ନବାନ ହେଉନାହାନ୍ତି। ଏପରିସ୍ଥଳେ ଜଗତ୍‌ସିଂହପୁର...

Advertisement
Archives

Model This Week