ମୁମ୍ବାଇ: ବଲିଉଡ କିଙ୍ଗ ଖାଁ ଶାହାରୁଖ ଖାଁ ଓ ଦୀପିକା ପାଦୁକୋନଙ୍କ ଫିଲ୍ମ ‘ପଠାନ’ ୨୫ ଜାନୁୟାରୀରେ ରିଲିଜ ହେବାକୁ ପ୍ରସ୍ତୁତ ହୋଇଗଲାଣି । ହେଲେ ଏହି ଫିଲ୍ମଟି ରିଲିଜ୍ ପୂର୍ବରୁ ଚର୍ଚ୍ଚାର ବିଷୟ ପାଲଟି ଯାଇଛି । ଲାଗାତାର ଭାବେ ଫିଲ୍ମକୁ ବୟକଟ କରାଯାଉଥିବା ବେଳେ ଦୀର୍ଘ ୪ ବର୍ଷ ପରେ ଶାହାରୁଖ ବଡ ପରଦାକୁ ଫେରୁଥିବାରୁ ପ୍ରଶଂସକଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ବି ଦେଖିବାକୁ ମିଳୁଛି । ଇତିମଧ୍ୟରେ ଫିଲ୍ମର ରିଲିଜ ଡେଟକୁ ନେଇ ଫିଲ୍ମ କ୍ରିଟିକ କମାଲ ରାଶିଦ ଖାଁ (କେଆରକେ) ଚମକାଇବା ଭଳି ଏକ ତଥ୍ୟ ଦେଇଛନ୍ତି । କିଛି ମାସ ହେବ କେଆରକେ ଫିଲ୍ମ ପଠାନ ଓ ଏହାର ନିର୍ମାତାଙ୍କୁ କୋଷି ଚାଲିଛନ୍ତି ।
ସୂଚନାଯୋଗ୍ୟ, ଦୀପିକା ପାଦୁକୋନଙ୍କ ଗେରୁଆ ରଙ୍ଗର ବିକିନିିରେ ବେଶରମ ରଙ୍ଗର ରିଲିଜ୍ ପରେ ପଠାନ ଫିଲ୍ମ ବିବାହ ଘେରକୁ ଚାଲି ଆସିଛି । କେଆରକେ ଏବେ ଦାବି କରିଛନ୍ତି କି ପଠାନର ରିଲିଜ ତାରିଖ ଘୁଞ୍ଚାଇ ଦିଆଯିବ । ସେ ଆହୁରି ମଧ୍ୟ କହିଛନ୍ତି ଫିଲ୍ମର ଟାଇଟଲ ପରିବର୍ତ୍ତନ କରାଯିବା ସହ ଅରେଞ୍ଜ ବିକିନି ବି ରହିବ ନାହିଁ । ଏହାକୁ ନେଇ କୌଣସି ଅଫିସିଆଲ ଘୋଷଣା କରାଯାଇ ନ ଥିବା ବେଳେ ଏହା ଦିନେ ଦୁଇଦିନ ମଧ୍ୟରେ ଆସିଯିବ ବୋଲି କୁହାଯାଉଛି । କେଆରକେଙ୍କ ଏହି ଟୁଇଟର ପୋଷ୍ଟ ପରେ ଲୋକଙ୍କ ପ୍ରତିକ୍ରିୟା ସାମ୍ନାକୁ ଆସିଛି । କେହି କେହି ଏହାର ରିଭ୍ୟୁ ବନ୍ଦ କରିବାକୁ ବି ଉପଦେଶ ଦେଇଛନ୍ତି ।
ଏହା ପୂର୍ବରୁ ଫିଲ୍ମ ଟ୍ରେଲର ରିଲିଜକୁ ନେଇ କେଆରକେ ଯେଉଁ ଟୁଇଟ କରିଥିଲେ ତାହା ସତ ହୋଇଥିବା ବେଳେ ଏବେ ତାଙ୍କର ଏହି ଟୁଇଟ ବି ସତ ହୋଇପାରେ ବୋଲି କୁହାଯାଉଛି ।
