ତାରକା ଖେଳାଳି ଦେଇଛି ହକିର ଅନ୍ତୁଡ଼ିଶାଳ

ରାଉରକେଲା ଅଫିସ,୧୩।୧:(ଦିନେଶ ମିଶ୍ର): ହକିର ଅନ୍ତୁଡିଶାଳ ସୁନ୍ଦରଗଡ ଜିଲାରୁ ଆଜିଯାଏ ଜାତୀୟ ଓ ଅନ୍ତର୍ଜାତୀୟ ଦଳରେ ୬୦ ଜଣ ଖେଳାଳି ହକି ଖେଳିବାର ସୁଯୋଗ ପାଇଛନ୍ତି। ଜିଲାର ରାଜଗାଙ୍ଗପୁର ଓ ବାଲିଶଙ୍କରା ବ୍ଲକରୁ ଅଧିକ ଖେଳାଳି ଜାତୀୟ ସ୍ତରରେ ଖେଳିବାର ସୁଯୋଗ ପାଇଛନ୍ତି। ବର୍ତ୍ତମାନ ଭାରତ ଦଳରେ ବାଲିଶଙ୍କରା ବ୍ଲକର ସୋନାମରା ଗ୍ରାମରୁ ଦଳର ଉପଅଧିନାୟକ ଅମିତ ରୋହିଦାସ ଓ ବୀରମିତ୍ରପୁର କାଦୋବାହାଲ ଗ୍ରାମର ନିଲମ ସଞ୍ଜୀପ ଖେସ ଡିଫେଣ୍ଡର ଭାବେ ଚଳିତ ବିଶ୍ୱକପରେ ମ୍ୟାଚ୍‌ ଖେଳିବେ। ରାଜଗାଙ୍ଗପୁର ବ୍ଲକରୁ ଜାତୀୟ ଦଳରେ ନମିତା ଟପ୍ପୋ, ଲିଲିମା ମିଞ୍ଜ, ଫିଲେସିଆ ଏକ୍କା, ଭିକ୍ଟର ମିଞ୍ଜ, ଜୀବନ କିଶୋର ଟପ୍ପୋଙ୍କ ସମେତ ଅନ୍ୟ ବହୁ ଖେଳାଳି ଜାତୀୟ ଓ ଅନ୍ତର୍ଜାତୀୟ ସ୍ତରରେ ସ୍ଥାନ ପାଇଛନ୍ତି। ସେହିପରି ବାଲିଶଙ୍କରା ବ୍ଲକରୁ ହକି ତାରକା ଦିଲୀପ ତିର୍କୀ, ଅମିତ ରୋହିଦାସ, ଦୀପସାନ ତିର୍କୀ, ଅମନଦୀପ ଲାକ୍ରା, ଶୁଭଦ୍ରା ପ୍ରଧାନ, ଇଗ୍ନେସ ତିର୍କୀ, ପ୍ରବୋଧ ତିର୍କୀ, ବିକାଶ ଟପ୍ପୋ, ଗ୍ଲୋରିଆ ଡୁଙ୍ଗଡୁଙ୍ଗଙ୍କ ଭଳି ବହୁ ଖେଳାଳି ଦେଶ ପାଇଁ ହକି ଖେଳି ଗୌରବ ଅର୍ଜନ କରିଛନ୍ତି। ସେହିପରି ହକିରେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଉତ୍ତମ ଖେଳ ପ୍ରଦର୍ଶନ କରି ଦିଲୀପ ତିର୍କୀ ଓ ଇଗ୍ନେଶ ତିର୍କୀ ପଦ୍ମଶ୍ରୀ ପୁରସ୍କାର ପାଇଛନ୍ତି। ଜିଲାରୁ ଜ୍ୟୋତି ସୁନିତା କୁଲୁ, ଇଗ୍ନେଶ ତିର୍କୀ, ଦିଲୀପ ତିର୍କୀ ଅର୍ଜୁନ ପୁରସ୍କାର ପାଇଛନ୍ତି।
ସୁନ୍ଦରଗଡ ଜିଲାରୁ ପ୍ରଥମ ହକି ଖେଳାଳି ଭାବେ ପିଟର ତିର୍କୀ ଭାରତ ଜୁନିୟର ଦଳରେ ସ୍ଥାନ ପାଇ ୧୯୮୨ ମସିହାରେ ମାଲେସିଆର କୁଆଲାଲମପୁରରେ ଅଲିମ୍ପିକ ଖେଳିବାକୁ ସୁଯୋଗ ପାଇଥିଲେ। ସୁନ୍ଦରଗଡ ଜିଲାରୁ ୮ ଜଣ ଖେଳାଳୀ ଲାଜରୁସ ବାର୍ଲା, ସୁନିତା ଲାକ୍ରା, ନମିତା ଟପ୍ପୋ, ଲିଲିମା ମିଞ୍ଜ, ୟୁଲିୟମ ଖାଲକୋ, ଦିଲୀପ ତିର୍କୀ, ବୀରେନ୍ଦ୍ର ଲାକ୍ରା ଓ ଅନିତା କେରକେଟା ଅଲିମ୍ପିକରେ ଖେଳିବାକୁ ସୁଯୋଗ ପାଇଥିଲେ। ଏଥିସହ ଜାତୀୟ ସ୍ତରରେ ଏହି ଜିଲାରୁ ମିଲଟନ ବିଲୁଙ୍ଗ, ବିଜୟ ଲାକ୍ରା, ତେଜ କୁମାର ଖେସ, କାହ୍ନୁ ଚରଣ ଚୌଧୁରୀ, ଅମୂଲ୍ୟ ବିହାରୀ, ଫ୍ଲୋରେନ୍‌ସିଆ ଏକ୍କା, ଅମୂଲ୍ୟ ବେହେରା, ଲୁଇସ ଏକ୍କା, ପ୍ରଫୁଲ ତିର୍କୀ, ରାଜନ ଏକ୍କା କୋଚ ଦାୟିତ୍ୱ ତୁଲାଇଛନ୍ତି। ଏ ସମ୍ପର୍କରେ ଜାତୀୟ ହକି କୋଚ୍‌ ମିଲଟନ ବିଲୁଙ୍ଗଙ୍କୁ ପଚାରିବାରୁ ସେ କହିଥିଲେ, ସୁନ୍ଦରଗଡ ହେଉଛି ଏକ ଆଦିବାସୀ ଅଧ୍ୟୁଷିତ ଜିଲା। ପ୍ରଥମେ ଜିଲାର ବିଭିନ୍ନ ବ୍ଲକ ଅଞ୍ଚଳରେ ଥିବା ମିଶନାରି ସ୍କୁଲଗୁଡିକର ଫାଦରମାନେ ଗାଁ ଗାଁ ମଧ୍ୟରେ ଉତ୍ତମ ସମ୍ପର୍କ ସ୍ଥାପନ ପାଇଁ ହକି ମ୍ୟାଚ୍‌ ଖେଳାଉଥିଲେ। ଏହି ମ୍ୟାଚ୍‌ର ବିଜୟତା ମାନଙ୍କୁ ପୁରସ୍କାର ଭାବେ କୁକୁଡା ନଚେତ ଖାସି ପ୍ରଦାନ କରାଯାଉଥିଲା। ଗ୍ରାମାଞ୍ଚଳରେ ମ୍ୟାଚ୍‌ ସାଙ୍ଗକୁ ଆମିଷ ଖାଦ୍ୟପେୟ ଗ୍ରାମବାସୀଙ୍କ ମଧ୍ୟରେ ଏକ ଉତ୍ସାହ ଆଣିଥିଲା। ପୂର୍ବରୁ ମନୋରଞ୍ଜନ ପାଇଁ ସେଭଳି କୌଣସି ବିଶେଷ ମାଧ୍ୟମ ନ ଥିବାରୁ ହକି ଖେଳର ପ୍ରସାର ହେଲା। ଧୀରେ ଧୀରେ ଏହି ଖେଳର ପ୍ରସାର ହେବାରୁ ପ୍ରଥମେ ରାଉରକେଲା ପାନପୋଷ ସ୍ପୋର୍ଟସ ହଷ୍ଟେଲରେ ହକି ଟର୍ଫ ପଡିଆ ତିଆରି କରାଯାଇଥିଲା। ସେଠାରେ ଖେଳାଳିମାନଙ୍କ ରହିବା ସହିତ ଅନ୍ୟାନ୍ୟ ସୁବିଧା ଯୋଗୁ ଗ୍ରାମଞ୍ଚଳର ବହୁ ଖେଳାଳି ସେଠାରେ ରହି ଖେଳିବାର ସୁଯୋଗ ପାଇବାରୁ ଆଜି ସମଗ୍ର ଦେଶରେ ଜିଲାର ଏକ ସ୍ବତନ୍ତ୍ର ପରିଚୟ ସୃଷ୍ଟି ହୋଇପାରିଛି। ବର୍ତ୍ତମାନ ଜିଲାର ୧୭ଟି ବ୍ଲକରେ ଆଷ୍ଟ୍ରୋଟର୍ଫ ପିଚ୍‌ ଥିବାରୁ ଆଗାମୀ ଦିନରେ ଅନେକ ହକି ପ୍ରତିଭା ସୁଯୋଗ ପାଇବେ ବୋଲି କୋଚ ବିଲୁଙ୍ଗ ମତପ୍ରକାଶ କରିଥିଲେ।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀ ପୁନର୍ବିଚାର କରିବେ ବୋଲି ବିଶ୍ୱାସ: ସମୀର

ଗୋପ, ୧୯ା୪(ଭାରତୀ ଭୂଷଣ ଉପାଧ୍ୟାୟ): ନିମାପଡ଼ା ବିଧାୟକ ସମୀର ରଞ୍ଜନ ଦାଶଙ୍କୁ ବିଜେଡି ପକ୍ଷରୁ ଟିକେଟ ନ ମିଳିବା ନେଇ ଏବେ ତାଙ୍କ ସମର୍ଥକଙ୍କ ମଧ୍ୟରେ...

ନିମାପଡ଼ା ଆସନରେ ମାଷ୍ଟରଷ୍ଟ୍ରୋକ୍‌ ଖେଳିପାରେ କଂଗ୍ରେସ

ନିମାପଡ଼ା,୧୯ା୪(ରଞ୍ଜନ ପଟ୍ଟନାୟକ): ନିମାପଡ଼ା ବିଧାନସଭା ନିର୍ବାଚନମଣ୍ଡଳୀ ପାଇଁ ଭାଜପା ଏବଂ ବିଜେଡି ପ୍ରାର୍ଥୀ ଘୋଷଣା କରିସାରିଥିବା କଂଗ୍ରେସ ପଡ଼ିଛି ପଛରେ। ୨୦୧୯ ନିର୍ବାଚନରେ ଦିଲ୍ଲୀପ ନାୟକକଂଗ୍ରେସରୁ...

ଚିଟ୍‌ଫଣ୍ଡ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଅ: ହାଇକୋର୍ଟ

କଟକ,୧୯ା୪ (କାର୍ତ୍ତିକ ସାହୁ) ଜଣେ ଚିଟ୍‌ଫଣ୍ଡ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଇବାକୁ ହାଇକୋର୍ଟ ସିବିଆଇକୁ ଆଦେଶ ଦେଇଛନ୍ତି। ଏଥିସହ ସମ୍ପୃକ୍ତ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଇବା ବିରୋଧରେ ସିବିଆଇ...

କୋରାପୁଟରେ ଶକ୍ତି ପ୍ରଦର୍ଶନ କଲେ ମାମୁଁ ଭଣଜା

କୋରାପୁଟ,୧୯।୪(ଅମିତାଭ ବେହେରା) କୋରାପୁଟ ସଂସଦୀୟ କ୍ଷେତ୍ରରେ ଆସନ୍ତା ମେ ୧୩ରେ ପ୍ରଥମ ପର୍ଯ୍ୟାୟ ମତଦାନ ହେବ। ଗତକାଲି ଅର୍ଥାତ ୧୮ରୁ ପାର୍ଥୀପତ୍ର ଦାଖଲ ଆରମ୍ଭ ହୋଇଥିବାବେକେ...

ଟ୍ରେନ୍‌ ଚଳାଚଳରେ ପରିବର୍ତ୍ତନ

ସମ୍ବଲପୁର,୧୯ା୪(ପ୍ରମୋଦ ବହିଦାର): ରେଳବାଇ ସୁରକ୍ଷା ଜନିତ ରକ୍ଷଣାବେକ୍ଷଣ କାର୍ଯ୍ୟ ପାଇଁ ସମ୍ବଲପୁର ରେଳମଣ୍ଡଳ ଅଧୀନସ୍ଥ କେତେକ ଟ୍ରେନ୍‌ ଚଳାଚଳରେ ପରିବର୍ତ୍ତନ କରାଯାଇଥିବା ନେଇ ସମ୍ବଲପୁର ରେଳ...

ତାପମାତ୍ରାରେ ଭୁବନେଶ୍ୱକୁ ଟପିଲା କଟକ

ଭୁବନେଶ୍ୱର,୧୯।୪: ରାଜ୍ୟରେ ଜାରି ରହିଛି ପ୍ରଚଣ୍ଡ ତାତି। ସକାଳ ୮ଟା ପରେ ଘରୁ ବାହାରିବା ମୁସ୍କିଲ ହୋଇପଡୁଛି। ରାଜ୍ୟରେ ଏ ବର୍ଷ ପ୍ରଥମ ଥର ପାଇଁ...

୨୦୧୯ରେ ପୁରୀ ବିଧାନସଭାରେ କାହିଁକି ହାରିଥିଲା ବିଜେଡି, କାରଣ କହିଲେ ସଭାପତି…

ପୁରୀ,୧୯।୪: ୨୦୧୯ରେ ପୁରୀ ବିଧାନସଭା ଆସନରେ କାହିଁକି ହାରିଲା ବିଜେଡି । ଏନେଇ କାରଣ କହିଛନ୍ତି ଖୋଦ ଜିଲା ବିଜେଡି ସଭାପତି । ସଭାପତି ଦିବାକର...

ପିକ୍‌ଅପ୍‌ରୁ ଜବତ ହେଲା ପୁଳାପୁଳା ଟଙ୍କା

ପଦ୍ମପୁର,୧୯ା୪(ପ୍ରଦୀପ୍ତ ଦାଶ): ବରଗଡ଼ ଜିଲା ପଦ୍ମପୁର ଥାନା ପୋଲିସ ଶୁକ୍ରବାର ଏକ ପିକ୍‌ଅପ୍‌ରୁ ପୁଳାପୁଳା ଟଙ୍କା ଜବତ କରିଛି। ଗାଇସିଲେଟ -ପଦ୍ମପୁର ରାସ୍ତାର ଗଡ଼ଭାଟି ଛକରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri