ନୟାଗଡ଼ ବଜାରର ରୂପରେଖ ବଦଳିପାରୁନି

ନୟାଗଡ, ୭।୯ (ଲୋକନାଥ ମିଶ୍ର)ନୟାଗଡ଼ ମ୍ୟୁନିସିପାଲିଟି ପକ୍ଷରୁ ଅଗଷ୍ଟ ୩୧ରେ ସ୍ବାୟତ୍ତ ଶାସନ ଦିବସ ପାଳନ କରାଯାଇ କୁହାଯାଇଥିଲା ନୟାଗଡ଼ ସହରରେ ବିକାଶ ଚାଲିଛି। କୋଟି କୋଟି ଟଙ୍କାର କାମ ଶେଷ ହୋଇଛି। ପୁଣି କୋଟି କୋଟି ଟଙ୍କାର କାମ ହେଉଛି ବୋଲି ଭାଷଣରେ କୁହାଯାଇଥିଲା। ଏପରିକି ସହରର କଳେବର ବୃଦ୍ଧି ପାଇ ବିକାଶର ମାଇଲ ଖୁଣ୍ଟ ପାଲଟିଛି ବୋଲି ଭାଷଣବାଜି କରାଯାଇଥିଲା। ତେବେ ନୟାଗଡ଼ ସହର କୁହାଯାଉଥିବା ନୟାଗଡ଼ ବଜାରର ରୂପରେଖ ବଦଳି ପାରୁନି। ବିକାଶ ଏଠାରେ ନୟାଗଡ଼ର ରୂପରେଖ ବଦଳାଇବାରେ ଅସମର୍ଥ ହୋଇଛି। ଏଭଳିସ୍ଥଳେ ନୟାଗଡ଼ ସହରର ସୌନ୍ଦର୍ଯ୍ୟକରଣ ଓ ବିପର୍ଯ୍ୟସ୍ତ ଟ୍ରାଫିକ ସୁଧାରିବା ପ୍ରସ୍ତାବ ବାଟବଣା ହୋଇଯାଇଛି। କେଉଁଠି ନା କେଉଁଠି ତ୍ରୁଟି କାରଣରୁ ବଜାରର ରୂପରେଖ ବଦଳି ପାରୁନି। ଏ ନେଇ କେହି ବି ସମୀକ୍ଷା କରୁନାହାନ୍ତି। ଜିଲାପାଳ ପରେ ଜିଲାପାଳ ବଦଳୁଛନ୍ତି। ହେଲେ ଜିଲାର ସଦର ମହକୁମା ଉପେକ୍ଷିତ, ଅବହେଳିତ ହୋଇ ରହିଯାଇଛି। ଅନ୍ୟପକ୍ଷେ ଡ୍ରେନର ଉଭୟ ପାର୍ଶ୍ୱରେ ଜିଆଇର ବ୍ୟାରିକେଡ ନିର୍ମାଣ ପରେ ବି ସୁଫଳ ମିଳିଲା ନାହିଁ। ବରଂ ସବୁବେଳେ ନୟାଗଡ଼ ସହରର ଓଡ଼ଗଁା ଛକରେ ଟ୍ରାଫିକ ସେବା ବିପର୍ଯ୍ୟସ୍ତ ହୋଇପଡ଼ିଲା। ବ୍ୟାରିକେଡ ନିର୍ମାଣ ପରେ ବ୍ୟବସାୟୀଙ୍କୁ ବ୍ୟବସାୟ କରିବା ସୁବିଧା ହେଲା। ଏଣୁ ଜିଲା ସଦର ମହକୁମାକୁ ଟାଉନ ପ୍ଲାନିଂରେ ସାମିଲ କରି ନବକଳେବର କରିବାକୁ ଦାବି ଉଠିଛି।
ନୟାଗଡ଼ ଜିଲା ସଦର ମହକୁମା ହେଲ ବି ପ୍ଲାନ ମୁତାବକ ସହର ଗଠନ ହୋଇନାହିଁ। ଏଠାରେ ଟ୍ରାଫିକ୍‌ ସେବା ବିପର୍ଯ୍ୟସ୍ତ ରହିଛି। ପୁରୁଣା ବସ୍‌ଷ୍ଟାଣ୍ଡରେ ଗୋଲେଇ ଟ୍ରାଫିକ୍‌ ଛକ ଜୁଲାଇରେ ଶେଷ ହେବା ପାଇଁ ଘୋଷଣା କରାଯାଇଥିଲା। ଅଗଷ୍ଟ ଶେଷ ହୋଇ ସେପ୍ଟେମ୍ବର ଆରମ୍ଭ ହେଲା ଗୋଲେଇ ଟ୍ରାଫିକ କାମ ଆରମ୍ଭ ହୋଇପାରିନାହିଁ। ସହରରେ ଦୋକାନୀ ଓ ଉଠା ଦୋକାନୀମାନେ ଡ୍ରେନକୁ ମାଡ଼ି ରାସ୍ତା ଉପରେ ସେମାନଙ୍କ ବ୍ୟବସାୟ କରୁଥିବାରୁ ସବୁବେଳେ ରାସ୍ତା ଜାମ୍‌ ହୋଇ ଟ୍ରାଫିକ୍‌ ସେବା ବିପର୍ଯ୍ୟସ୍ତ ହୋଇ ଆସୁଛି। ପୁଣି ରାସ୍ତା ଉପରେ ବାଇକ୍‌ ଆଦି ଯାନବାହନ ରଖିବା ରାସ୍ତାକୁ ଅନୁରୂପ ଭାବେ ଜାମ୍‌ କରି ଟ୍ରାଫିକ୍‌ ସେବାକୁ ବିପର୍ଯ୍ୟସ୍ତ କରୁଛି। ଏଣୁ ସହରକୁ ସୌନ୍ଦର୍ଯ୍ୟକରଣ କରିବା ଓ ଟ୍ରାଫିକ୍‌ ସମସ୍ୟା ଏଡ଼ାଇବା ପାଇଁ ୨୦୨୦ ନଭେମ୍ବର ୧୮ରେ ନୟାଗଡ଼ର ତତ୍‌କାଳୀନ ଜିଲାପାଳ ପୋମା ଟୁଡୁ ଓ ତତ୍‌କାଳୀନ ଏସ୍‌ପି ପ୍ରତ୍ୟୁଷ ଦିବାକର ସହର ପରିକ୍ରମା କରି ସହରର ରୂପରେଖକୁ ବଦଳାଇବାକୁ ନିଷ୍ପତ୍ତି ନେଇଥିଲେ। ରାସ୍ତାକଡ଼ରେ ବାଇକ୍‌ର ରହଣି ପାଇ ପାର୍କିଂ ବ୍ୟବସ୍ଥା କରାଯିବାକୁ ପରାମର୍ଶ ଦେଇଥିଲେ। ସହରର ଟ୍ରାଫିକ୍‌ ଛକ ନିକଟସ୍ଥ ଓଡ଼ଗଁା ରାସ୍ତାର ଆରମ୍ଭରୁ ଓଡ଼ଗଁା ଛକର ଗୁରୁ କ୍ଲଥ ଷ୍ଟୋର ପର୍ଯ୍ୟନ୍ତ ଡ୍ରେନର ଉଭୟ ପାର୍ଶ୍ୱରେ ଜିଆଇ ବ୍ୟାରିକେଡ ନିର୍ମାଣ କରିବାକୁ କହିଥିଲେ। ଏଥିରେ ସଫଳତା ମିଳିଲେ ସହରର ଅନ୍ୟ ସ୍ଥାନରେ ଡ୍ରେନର ଉଭୟ ପାର୍ଶ୍ୱରେ ବ୍ୟାରିକେଡ ନିର୍ମାଣ ହେବାକୁ ପରାମର୍ଶ ଦେଇଥିଲେ। ଏହାପରେ କାମ ଆରମ୍ଭ ହୋଇଥିଲା। ବ୍ୟାରିକେଡ ନିର୍ମାଣ ହୋଇ ସାରିବା ପରେ ବ୍ୟବସାୟୀମାନେ ଡ୍ରେନକୁ ନିଜ କବ୍‌ଜାକୁ ନେଇଗଲେ। ଉଠା ଦୋକାନୀମାନେ ବାରିକେଟ ବାହାରେ ପିଚୁ ରାସ୍ତା ଉପରେ ଉଠା ଦୋକାନର ପସରା ମେଲାଇ ବ୍ୟବସାୟ କଲେ। ପ୍ରାୟ ୩ ବର୍ଷ ହେଲା ଏସବୁ ନୀତିଦିନିଆ କଥାରେ ପରିଣତ ହୋଇଗଲା। ନୟାଗଡ଼ ମ୍ୟୁନିସିପାଲିଟି ଓ ପୋଲିସ ପକ୍ଷରୁ ଉଠା ଦୋକାନୀଙ୍କ ଉପରେ କାର୍ଯ୍ୟାନୁଷ୍ଠାନ ନାହିଁ। ତେବେ ରାସ୍ତା ଉପରେ ବାଇକ୍‌ ରଖିବା ନେଇ ପୋଲିସ କଡ଼ା ପଦକ୍ଷେପ ନେଇ ଫାଇନ ଆଦାୟ କରିଥିଲା। କିଛିଦିନ ପରେ ଏହା ପୁଣି ଶୀତଳଭଣ୍ଡାରରେ ରହିଯାଇଛି। ଏବେ ସହର ବିକାଶ ଦିଗରେ ଆଗେଇ ଚାଲିଥିବାରୁ ସହରର ସମସ୍ୟା କହିବାକୁ ଓ ଶୁଣିବାକୁ କାହା ପାଖରେ ସମୟ ନାହିଁ। ଏ ନେଇ କଂଗ୍ରେସ ନେତା ରଣଜିତ୍‌ ଦାଶ କହିଛନ୍ତି, ଅନ୍ତରିକତା ଅଭାବରୁ ନୟାଗଡ଼ ଜିଲା ସଦର ମହକୁମାର ରୂପରେଖ ବଦଳୁନି। ବିଧାୟକ, ଜିଲାପାଳ, ପୌର ପ୍ରଶାସନ ଓ ପୋଲିସ ମିଳିତ ଭାବେ ସମୀକ୍ଷା କରି ଏହାର ସମାଧାନର ବାଟ କାଢ଼ିବା ଦରକାର। ଦରକାର ପଡ଼ିଲେ ସହରବାସୀଙ୍କ ସହଯୋଗ ନେଲେ ମଧ୍ୟ ସହରବାସୀ ସ୍ବାଗତ କରିବେ। ହେଲେ ଏ ନେଇ ପଦକ୍ଷେପ ନାହିଁ। ଭାଜପା ନେତ୍ରୀ ପ୍ରତ୍ୟୁଷା ରାଜେଶ୍ୱରୀ ସିଂ କହିଛନ୍ତି, ଜିଲାର ବିକାଶ ଜିଲାର ସଦର ମହକୁମାରୁ ଜଣାପଡ଼େ। ଏଣୁ ଜିଲା ସଦର ମହକୁମାକୁ କିପରି ସୌନ୍ଦର୍ଯ୍ୟକରଣ କରାଯିବ ସେନେଇ ସ୍ବତନ୍ତ୍ର ଭାବେ ସମୀକ୍ଷା କରି ପଦକ୍ଷେପ ନେବା ଉଚିତ। ସିପିଆଇ(ଏମ) ନେତା ବିଶ୍ୱନାଥ ମହାପାତ୍ର କହିଛନ୍ତି, ନୟାଗଡ଼ ସହରର ଟାଉନ ପ୍ଲାନିଂ ହେବା ଦରକାର। ବଜାରର ସୌନ୍ଦର୍ଯ୍ୟକରଣ ବାକି ରହିଛି। ଟ୍ରାଫିକ୍‌ ଠିକ୍‌ ହୋଇନାହିଁ। ଆମେ ଏକ ସର୍ବଦଳୀୟ ବୈଠକ କରି ପ୍ରଶାସନକୁ ଅବଗତ କରାଇବା। ହେଲେ ନିର୍ବାଚନ ବର୍ଷ ହୋଇଥିବାରୁ କିଛି କରି ହେବନି। ଯାହା କିଛି ୨୦୨୪ ନିର୍ବାଚନ ପରେ କରାଯିବାକୁ ନିଷ୍ପତ୍ତି ନେଇଛୁ।


Enter your email to get our daily news in your inbox.

All Right Reserved By Dharitri.Com

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

ନ୍ୟୁଜିଲାଣ୍ଡ ସିରିଜ ପୂର୍ବରୁ ଟିମ ଇଣ୍ଡିଆରେ ବଡ଼ ହଲଚଲ: ୧୦ ନୂଆ ଖେଳାଳିଙ୍କ ଏଣ୍ଟ୍ରି, ଦେଖନ୍ତୁ ପୂରା ତାଲିକା

ନୂଆଦିଲ୍ଲୀ,୧୬।୧୧: ଟି-୨୦ ଓ ଦିନିକିଆ ସିରିଜ ପରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ। ନଭେମ୍ବର ୧୯ ତାରିଖରୁ ଏହି…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ସୋରଡ଼ା ବ୍ଲକରେ ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍‌ଙ୍କ ସମୂହ ଇସ୍ତଫା:ଦରମା ପାଇଁ ଲାଞ୍ଚ ମଗାଯାଉଥିବା ଅଭିଯୋଗ ଆଣିଲେ କର୍ମଚାରୀ

ଛତ୍ରପୁର, ୧୬/୧୧(ଦିଲ୍ଲୀପ ସାମଲ ): ଗଞ୍ଜାମ ଜିଲାର ସୋରଡ଼ା ବ୍ଲକରେ କାର୍ଯ୍ୟରତ ୨୬ଟି ପଞ୍ଚାୟତର ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ ସମୂହ ଇସ୍ତଫା ଦେଇଛନ୍ତି। କାର୍ଯ୍ୟକ୍ଷେତ୍ରରେ…

ବିଜେଡିର ଗଞ୍ଜାମ ସାଂଗଠନିକ ଜିଲା ପାଇଁ ନୂତନ କମିଟି ଘୋଷଣା:୪୮ ଜଣଙ୍କୁ ମିଳିଲା ସାଂଗଠନିକ ଦାୟିତ୍ୱ

ଛତ୍ରପୁର, ୧୬।୧୧(ଦଲ୍ଲୀପ ସାମଲ): ବିଜୁ ଜନତା ଦଳ (ବିଜେଡି) ପକ୍ଷରୁ ଗଞ୍ଜାମ ସାଂଗଠନିକ ଜିଲାର ନୂତନ ଜିଲା କମିଟି ଘୋଷଣା କରାଯାଇଛି। ଦଳର ସଭାପତି ତଥା ଓଡ଼ିଶାର…

ବିରଳ ସଂଯୋଗ: ୧୧୮ ବର୍ଷ ହେବ ଗୋଟିଏ ତାରିଖରେ ଜନ୍ମନେଇଛନ୍ତି ପରିବାରର ୫ ପିଢ଼ି

ୱାଶିଂଟନ,୧୬।୧୧: ଜନ୍ମଦିନକୁ ନେଇ ଏକ ଅଦ୍ଭୁତ ସଂଯୋଗ ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ଆମେରିକାର ଏକ ପରିବାରର ପାଞ୍ଚ ପିଢ଼ିର ସଦସ୍ୟଙ୍କ ଜନ୍ମ ଗୋଟିଏ…

ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌: କ୍ରମାଗତ ତୃତୀୟ ଥର ଚାମ୍ପିୟନ ଲକ୍ଷ୍ୟରେ ଭାରତ

ଢାକା,୧୬ା୧୧: ଭାରତ ଓ ପାକିସ୍ତାନ ମଧ୍ୟରେ ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌ ଫାଇନାଲ ମଙ୍ଗଳବାର ଖେଳାଯିବ। ଭାରତ ଓଭର ଅଲ ରେକର୍ଡ ୯ଥର ଚାମ୍ପିୟନ ହୋଇସାରିଛି। ଏଥର ଫାଇନାଲ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?