ଭଦ୍ରକ, ୧୯।୧୨(ସନାତନ ରାଉତ)- ଭଦ୍ରକ ନୂଆ ବସ ଷ୍ଟାଣ୍ଡ ପୋଲ ତଳେ ବୁଧବାର ବିଳମ୍ବିତ ରାତିରେ ଟ୍ରକ ଡ୍ରାଇଭର ସମେତ ୩ ଜଣକୁ ଆକ୍ରମଣ ହୋଇଛି l ଅଣ୍ଡା ଟ୍ରକ ନେଇ ଭଦ୍ରକ ଆସୁଥିବାବେଳେ ଉକ୍ତ ସ୍ଥାନରେ ୪ ଜଣ ଦୁର୍ବୁତ୍ତ ଟ୍ରକ ଅଟକାଇ ଟଙ୍କା ମାଗିଥିଲେ l ଯୁକ୍ତିତର୍କ ପରେ ବିଭିନ୍ନ ମାରାଣାସ୍ତ୍ରରେ ଆକ୍ରମଣ କରିଥିଲେ l ଏଥିରେ ଚରମ୍ପା ଅଂଚଳର ପି ବାସୁ, ଏସ ଶିବା ଓ ଦୀପକ କୁମାର ବେହେରା ଆହତ ହୋଇଛନ୍ତି l ଦୀପକ ଭଦ୍ରକ ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଥିବାବେଳେ ଅନ୍ୟ ୨ଜଣଙ୍କୁ କଟକ ସ୍ଥାନାନ୍ତର କରାଯାଇଛି l ଟାଉନ ଥାନା ଅଧିକାରୀ ଅଜୟ ସୁଦର୍ଶନ ବାଗେ ଘଟଣାର ତଦନ୍ତ ଆରମ୍ଭ କରିଛନ୍ତି l ରାତିରେ ଜାତୀୟ ରାଜପଥରେ ଆକ୍ରମଣ ବଢ଼ି ଚାଲିଥିବା ବେଳେ ଯାତ୍ରୀ ଓ ଡ୍ରାଇଭରଙ୍କ ମଧ୍ୟରେ ଭୟର ବାତାବରଣ ବଢ଼ିଯାଇଛି l
