ଲଣ୍ଡନ,୧୦ ।୭: କରୋନା ମହାମାରୀର ଦ୍ୱିତୀୟ ଲହର ଏବେ ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା ବେଳେ ଏହାର ତୃତୀୟ ଲହରକୁ ନେଇ ଭୟଭିତ ଅଛନ୍ତି ବିଶ୍ୱବାସୀ । କାରଣ ଏହା ଶିଶୁମାନଙ୍କ ଉପରେ ଅଧିକ ପ୍ରଭାବ ପକାଇବ । ଏବେ କିନ୍ତୁ ଏହି ତୃତୀୟ ଏହାକୁ ନେଇ ବିଶେଷଜ୍ଞମାନେ ଖୁସି ଖବର ଦେଇଛନ୍ତି । ବ୍ରିଟେନର ବୈଜ୍ଞାନିକମାନେ ଏକ ଅଧ୍ୟୟନ ପରେ କହିଛନ୍ତି ଯେ କରୋନାର ତୃତୀୟ ଲହର ଶିଶୁମାନଙ୍କ ଉପରେ ଅଧିକ ପ୍ରଭାବ ପକାଇବ । ହେଲେ ଏଥିରେ ଶିଶୁମାନଙ୍କୁ ଅଧିକ ଯନ୍ତ୍ରଣା ହେବ ଓ ମୃତ୍ୟୁ ହାର କମ ରହିବ । ଏହାପରେ ବି ସତର୍କ ରହିବା ଜରୁରୀ ବୋଲି ବିଶେଷଜ୍ଞମାନେ ପରାମର୍ଶ ଦେଇଛନ୍ତି । ୟୁନିଭର୍ସିଟି କଲେଜ ଲଣ୍ଡନ, ୟୁନିଭର୍ସିଟି ଅଫ୍ ବ୍ରିଷ୍ଟଲ, ୟୁନିଭର୍ସିଟି ଅଫ୍ ୟାର୍କ ଓ ୟୁନିଭର୍ସିଟି ଅଫ୍ ଲିବରପୁଲର ବିଶେଷଜ୍ଞମାନେ ଆହୁରି ମଧ୍ୟ ସ୍ପଷ୍ଟ କରିଛନ୍ତି, ସଂକ୍ରମଣ ଯୋଗୁ ପୂର୍ବରୁ କୌଣସି ରୋଗରେ ପୀଡ଼ିତ ଥିବା ଯୁବବର୍ଗ ମଧ୍ୟ ଅଧିକ ଯନ୍ତ୍ରଣା ଅନୁଭବ କରିବେ । କିନ୍ତୁ ଏହା ଅଧିକ ଜଟିଳ ହୋଇ ନ ଥିବାରୁ ବେଶୀ ଆଇସିୟୁର ଆବଶ୍ୟକତା ନ ପଡିପାରେ । ତେବେ ସବୁ ସମୟରେ କରୋନାର କଟକଣାକୁ ମାନି ଚଳିଲେ ଏହାଠାରୁ ଦୂରେଇ ରହିବା ସହଜ ହୋଇଯିବ ।
