ଚାଷୀ ଆନ୍ଦୋଳନ ଭାଜପାର କ୍ଷତି କରିପାରିବ ନାହିଁ

୨୧ ବର୍ଷର ଚାକିରି ଛାଡ଼ି ରାଜନୀତିରେ ପ୍ରବେଶ କରିଥିବା ମୁକେଶ ମହାଲିଙ୍ଗ ଏବେ ବଲାଙ୍ଗୀର ଜିଲା ଲୋଇସିଂହା ବିଧାୟକ। ସ୍କୁଲ ଜୀବନରୁ ସ୍ବୟଂସେବକ ଭାବେ କାର୍ଯ୍ୟ କରୁଥିବା ମହାଲିଙ୍ଗ ରାଷ୍ଟ୍ରୀୟ ସ୍ବୟଂସେବକ ସଂଘ(ଆର୍‌ଏସ୍‌ଏସ୍‌)ର ରାଷ୍ଟ୍ରୀୟବାଦ୍‌, ଆଧ୍ୟାତ୍ମିକ ଚିନ୍ତାଧାରାରେ ବେଶ୍‌ ଅନୁପ୍ରାଣିତ। ପୂର୍ବତନ ମନ୍ତ୍ରୀ କନକବର୍ଦ୍ଧନ ସିଂ ଦେଓଙ୍କୁ ସେ ରାଜନୈତିକ ଗୁରୁ ବୋଲି ମାନନ୍ତି। ସରକାରୀ ଚାକିରି ଛାଡ଼ିବା ସମୟରେ ସେ ରାଜ୍ୟ ସରକାରଙ୍କ ପ୍ରଦୂଷଣ ନିୟନ୍ତ୍ରଣ ବୋର୍ଡରେ କାର୍ଯ୍ୟରତ ଥିଲେ। ଦୀର୍ଘ ୨ ଦଶନ୍ଧିରୁ ଊର୍ଦ୍ଧ୍ୱ ସମୟ ସରକାରୀ କାର୍ଯ୍ୟର ଅଭିଜ୍ଞତାକୁ ରାଜନୀତିରେ ଉପଯୋଗକରି ଲୋକଙ୍କ ସେବା କରିବାକୁ ଲକ୍ଷ୍ୟ ରଖିଥିବା ମହାଲିଙ୍ଗଙ୍କ ସହ ଧରିତ୍ରୀର ଆଳାପ…

ଆପଣ ଭାବୁଛନ୍ତି କି, ଓଡ଼ିଶାରେ ଭାଜପା ବିଶେଷ କରି ଆର୍‌ଏସ୍‌ଏସ୍‌ ଉଧେଇପାରୁନି, କାରଣ ଏଠାରେ ସାମ୍ପ୍ରଦାୟିକ ମନୋଭାବ ନାହିଁ। ଏଥିପାଇଁ ଜଗନ୍ନାଥ ସଂସ୍କୃତି କାରଣ କି?
*ଓଡ଼ିଶାର ସାଢ଼େ ୪ କୋଟି ଲୋକଙ୍କ ଘରେ ଜଗନ୍ନାଥ ସଂସ୍କୃତି ପରିଚିତ। ଭାଜପା ସାମ୍ପ୍ରଦାୟିକ ରାଜନୀତିକୁ ବିଶ୍ୱାସ କରେନାହିଁ। ଏଠାରେ ମୁଖ୍ୟତଃ ବିଜେଡିକୁ ଚ୍ୟାଲେଞ୍ଜ ଦେବାକୁ ଦଳ ଚେଷ୍ଟା କରୁଛି। ଗତ ୨୦ ବର୍ଷରେ ବିଜେଡି କରିଥିବା ଦୁର୍ନୀତି ଲୋକଲୋଚନକୁ ଆଣିବାକୁ ଚେଷ୍ଟା କରୁଛୁ।
ବିଜେଡି କରିଥିବା କେଉଁସବୁ ଦୁର୍ନୀତିକୁ ଲୋକଲୋଚନକୁ ଆଣିବା ପାଇଁ ଚେଷ୍ଟା କରୁଛନ୍ତି?
*ଏମ୍‌ଜିଏନ୍‌ଆର୍‌ଇଜିଏସ୍‌ ପାଣ୍ଠିର ଦୁରୁପଯୋଗ, ୧୪ଦଶ ଓ ପଞ୍ଚଦଶ ଅର୍ଥଦଶ କମିଶନରୁ ପଞ୍ଚାୟତକୁ ଆସୁଥିବା ଅର୍ଥର ବାଟମାରଣା, ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାର କୋଟି ଟଙ୍କାର ଦୁର୍ନୀତି ହୋଇଥିବା ୫ ଜିଲାର ୯ଟି ବ୍ଲକ ପରିଦର୍ଶନ କରି କେନ୍ଦ୍ରୀୟ ଟିମ୍‌ ରିପୋର୍ଟରେ ଦର୍ଶାଇଛି, ବିଦ୍ୟୁତ୍‌ ଭିତ୍ତିଭୂମି ଏବଂ ସରବରାହ ଓ ବଣ୍ଟନ କ୍ଷେତ୍ରରେ ଅନେକ ହଜାର କୋଟି ଟଙ୍କାର ଦୁର୍ନୀତି ସାଙ୍ଗକୁ ମାଇନିଂ ସେକ୍ଟରରେ ୫ ହଜାର କୋଟି ଟଙ୍କାର ଦୁର୍ନୀତି ହୋଇଛି। ଚାଷୀ ଆନ୍ଦୋଳନ ଓଡ଼ିଶାର ଏକ ମୁଖ୍ୟ ପ୍ରସଙ୍ଗ ପାଲଟିଛି। ଏସବୁ ପ୍ରସଙ୍ଗ ଲୋକଙ୍କ ପାଖରେ ପହଞ୍ଚାଉଛୁ।
ଏସବୁ କାରଣରୁ ଓଡ଼ିଶାରେ ନବୀନ ପଟ୍ଟନାୟକଙ୍କ ଲୋକପ୍ରିୟତା କମିଛି କି?
*ନବୀନଙ୍କ ଲୋକପ୍ରିୟତା ନେଇ ସର୍ଭେ ରିପୋର୍ଟ କ’ଣ କହୁଛି କହିପାରିବି ନାହିଁ। ଏନେଇ କିଛି ଅଧ୍ୟୟନ କରିନାହିଁ। ତଥାପି ତାଙ୍କ ଭାବମୂର୍ତ୍ତି କମିଛି। ସେ ରାଜ୍ୟର ଶାସନ ଡୋରି ସମ୍ପର୍କରେ ବୁଝୁଛନ୍ତି ନା ନାହିଁ ଜାଣିନି, ହେଲେ ତାଙ୍କ ଆଖପାଖରେ ଥିବା ସରକାରୀ ଅଧିକାରୀ ଓଡ଼ିଶାରେ ବେଶି ରାଜନୀତି କରୁଛନ୍ତି। ମନ୍ତ୍ରୀ, ବିଧାୟକ ଓ ଦଳୀୟ ନେତାମାନେ ସ୍ଥାଣୁ ପାଲଟି ଯାଇଛନ୍ତି। ତୃଣମୂଳସ୍ତରରେ ଗରିବ ଲୋକଙ୍କ ପାଖରେ ଯୋଜନା ଠିକ୍‌ରେ ପହଞ୍ଚିପାରୁ ନାହିଁ।
ଓଡ଼ିଶାରେ ଭାଜପା, ବିଜେଡି ଏକ ବୋଲି ଆଲୋଚନା ହୁଏ। ବିଜେଡି ଗୋଟିଏ ରାଜ୍ୟ ସଭା ଆସନ ଭାଜପାକୁ ଛାଡ଼ିଦେବା ଏହାର ଏକ ବଡ଼ ଉଦାହରଣ ବୋଲି କୁହାଯାଇପାରିବ । ଏ ଘଟଣାକୁ ଆପଣ କେମିତି ଦେଖୁଛନ୍ତି?
*ଅଶ୍ୱିନୀ ବୈଷ୍ଣବ ଭାଜପାର ରାଜ୍ୟ ସଭା ପ୍ରାର୍ଥୀ ଥିଲେ। ଆମେ କହି ନ ଥିଲୁ ସମର୍ଥନ ଦିଅ, ସେମାନେ ସ୍ବତଃସ୍ଫୂର୍ତ୍ତ ଭାବେ ରାଜ୍ୟ ସଭା ଆସନ ଛାଡ଼ିଛନ୍ତି। ଏଥିରେ ସିଧାସଳଖ କୌଣସି ବୁଝାମଣା ନ ଥିଲା। ବିଜେଡି ପ୍ରାର୍ଥୀ ଦେଇଥିଲେ ଆମେ କଦାପି ଜିତି ନ ଥାଆନ୍ତୁ। ତେଣୁ ଏଥିରେ ଭାଜପାର ନୁହେଁ ବିଜେଡିର କ୍ଷତି ହେଲା। ଏନେଇ ବିଜେଡିର ସ୍ବାର୍ଥ ଥାଇପାରେ। ବିଧାନ ପରିଷଦ ବିଲ୍‌ ପାସ୍‌ କରିବା ଲାଗି ଏପରି କରିଥାଇପାରେ।
ଚାଷୀ ସମସ୍ୟା ଓଡ଼ିଶାର ମୁଖ୍ୟ ପ୍ରସଙ୍ଗ ବୋଲି କହୁଛନ୍ତି। ହେଲେ ଦିଲ୍ଲୀ ସମେତ ଅନ୍ୟ କେତେକ ରାଜ୍ୟରେ କେନ୍ଦ୍ର ସରକାରଙ୍କ ବିରୋଧରେ ଦୀର୍ଘ ୬ ମାସ ହେବ ଚାଷୀ ଆନ୍ଦୋଳନରେ ବସିଲେଣି। ଏହା କ’ଣ ଭାଜପା ସମର୍ଥିତ ଏନ୍‌ଡିଏ ସରକାରର ବିଫଳତା ନୁହେଁ କି?
*ଦିଲ୍ଲୀରେ ଚାଲିଥିବା ଚାଷୀ ଆନ୍ଦୋଳନ ସମାଧାନ ଲାଗି କେନ୍ଦ୍ର ସରକାର ସବୁବେଳେ ପ୍ରସ୍ତୁତ। ହେଲେ କୃଷକମାନଙ୍କ ସହ କେନ୍ଦ୍ର ଯେତେବେଳେ ଆଲୋଚନା କରୁଛି ସେମାନେ ପ୍ରସଙ୍ଗ ବାହାରକୁ ଯାଇ କଥାବାର୍ତ୍ତା କରୁଛନ୍ତି। ସମାଧାନ ରାସ୍ତା କାଢ଼ିବାକୁ କେନ୍ଦ୍ର ପ୍ରସ୍ତୁତ, ହେଲେ ୩ କୃଷି ବିଲ୍‌ ପ୍ରତ୍ୟାହାର ଲାଗି ଯେଉଁ ଦାବି ସେମାନେ କରୁଛନ୍ତି, ତାହା ଅସମ୍ଭବ। ଚାଷୀ ଆନ୍ଦୋଳନ ଯୋଗୁ ଭାଜପାର କିଛି କ୍ଷତି ହେବନାହିଁ।
ବିଦ୍ୟୁତ୍‌ ଦରବୃଦ୍ଧି ପ୍ରସଙ୍ଗରେ ବାରମ୍ବାର ଆନ୍ଦୋଳନ କରୁଥିବା ଭାଜପା ପେଟ୍ରୋଲ, ଡିଜେଲ ଦରବୃଦ୍ଧି ନେଇ କାହିଁକି ନୀରବ ରହୁଛି?
*ଉତ୍ତର: ଉପା ସରକାର ନିର୍ବାଚନ ସମୟରେ ତେଲ ଦାମ୍‌କୁ ସ୍ଥିର ରଖିବା ସକାଶେ ୧୩୧ ଲକ୍ଷ କୋଟି ଟଙ୍କାର ଏକ ଅଏଲ ବଣ୍ଡ କରିଥିଲା। ୨୦୨୬ ମାର୍ଚ୍ଚ ସୁଦ୍ଧା ଉକ୍ତ ଅଏଲ ବଣ୍ଡର ଅର୍ଥ ଫେରାଇବାକୁ ପଡ଼ିବ। ସେହି ରାଶି ଭରଣା କରିବା କାମ ମୋଦି ସରକାର ଚଳାଇଛନ୍ତି। ସେହିପରି ତେଲ ଉପରେ ଯେଉଁ କେନ୍ଦ୍ରୀୟ ଶୁଳ୍କ ଲଗାଯାଉଛି ସେହି ଅର୍ଥରେ ଦେଶର ଅନ୍ୟାନ୍ୟ ଉନ୍ନୟନମୂଳକ ଯୋଜନା କରାଯାଇ ଗରିବ ଲୋକଙ୍କ ନିକଟରେ ପହଞ୍ଚାଯାଉଛି।
ଓଡ଼ିଶାର କିଛି ଯୁବପିଢ଼ି ମୋଦିଙ୍କ ଯୋଗୁ ଭାଜପା ସମର୍ଥକ ପାଲଟିଥିଲେ, ସାମାଜିକ ଗଣମାଧ୍ୟମରେ ମଧ୍ୟ ଅନେକ ଓଡ଼ିଆ ସମର୍ଥକ ଥିବା ସତ୍ତ୍ୱେ ନିର୍ବାଚନରେ ଆପଣଙ୍କ ଦଳ ଜିତିପାରିଲା ନାହିଁ। ତା’ର କାରଣ କ’ଣ?
*ଯୁବପିଢ଼ି ରାଷ୍ଟ୍ରୀୟବାଦ୍‌ ଓ ବୈଚାରିକ ଚିନ୍ତାଧାରାରେ ମୋଦିଙ୍କ ପ୍ରତି ଆସ୍ଥା ପ୍ରକଟ କରିସାରିଛନ୍ତି। ଓଡ଼ିଶାରେ ଆମ ଆକଳନ ମୁତାବକ ଆସନ ମିଳିଲାନାହିଁ, ବିଜେଡି ଆମଠାରୁ ଆଗରେ ରହିଲା। ହେଲେ ଆମର ଭୋଟ ସଂଖ୍ୟା ବୃଦ୍ଧି ପାଇଛି। ଓଡ଼ିଶାର ୯୧ ପ୍ରତିଶତ ଲୋକ ମୋଦିଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଥିବା ଏକ ସର୍ଭେରୁ ଜଣାପଡ଼ିଛି।
ଯଦି ଯୁବପିଢ଼ି ମୋଦିଙ୍କ ସପକ୍ଷରେ ଅଛନ୍ତି ତେବେ ଓଡ଼ିଶାରେ ଆର୍‌ଏସ୍‌ଏସ୍‌ ଉଧାଇ ନ ପାରିବାରୁ ଭାଜପା ଏଠି ଆଗକୁ ବଢ଼ିପାରୁନି ବୋଲି ଭାବୁଛନ୍ତି କି?
*ଆର୍‌ଏସ୍‌ଏସ୍‌ର ବିଚାରଧାରା, କାର୍ଯ୍ୟଶୈଳୀ ସମ୍ପୂର୍ଣ୍ଣ ଭିନ୍ନ। ଏହା ରାଷ୍ଟ୍ରବାଦ ଉପରେ ବିଶ୍ୱାସ କରେ। ଆର୍‌ଏସ୍‌ଏସ୍‌ କେବେ ରାଜନୀତି କରେ ନାହିଁ। ଆର୍‌ଏସ୍‌ଏସ୍‌ ବିଚାରଧାରାକୁ ଭାଜପା ରାଜନୀତି ମାଧ୍ୟମରେ ପରିପ୍ରକାଶ କରିଥାଏ।
୨୦୨୪ରେ ଓଡ଼ିଶାରେ ଭାଜପାର ଭବିଷ୍ୟତ କ’ଣ ହେବ?
୨୦୨୪ରେ ଓଡ଼ିଶାରେ ଭାଜପା ନିଶ୍ଚିତ ସରକାର କରିବ। ବିଜେଡିର କପି ପେଷ୍ଟ ଷ୍ଟ୍ରାଟେଜିକୁ ଲୋକମାନେ ବୁଝି ପରିବର୍ତ୍ତନ ଆଡ଼କୁ ମୁହାଁଇଲେଣି।
ପୂର୍ବ ଭାରତରେ ଭାଜପା କାହିଁକି ଉଧାଇପାରୁନି?
*ପୂର୍ବ ଭାରତରେ ଭାଜପା ପୂର୍ବାପେକ୍ଷା ଶକ୍ତି ବଢ଼ାଇବାରେ ସକ୍ଷମ ହୋଇପାରିଛି। ପଶ୍ଚିମବଙ୍ଗରେ ଦଳ ସରକାର କରିବାରେ ସଫଳ ହୋଇପାରି ନ ଥିଲେ ମଧ୍ୟ ଭୋଟ ଅନୁପାତ ବୃଦ୍ଧି ପାଇଛି। ସେହିପରି ଓଡ଼ିଶା କଥା ଦେଖିଲେ ଏଠାରେ ଲୋକ ସଭା ଓ ବିଧାନସଭାରେ ଦଳ ଅଧିକ ଆସନ ହାତେଇଛି। ଓଡ଼ିଶା ଲୋକମାନେ ପ୍ରଥମ ଥର ଭାଜପାକୁ ମୁଖ୍ୟ ବିରୋଧୀ ଦଳ ଆସନରେ ବସାଇଛନ୍ତି। ବିଜେଡି କେନ୍ଦ୍ରୀୟ ଯୋଜନା ହଡ଼ପକରି ପ୍ରଭାବୀ ଢଙ୍ଗରେ ନିଜର ବୋଲି କହି ଲୋକଙ୍କ ପାଖରେ ପହଞ୍ଚି ସେମାନଙ୍କୁ ଭୁଆଁ ବୁଲାଇବାରେ ସଫଳ ହେଉଛନ୍ତି। ଏହାକୁ ପ୍ରତିହତ କରିବାକୁ ଭାଜପା ଚେଷ୍ଟା କରୁଛି।
ଉତ୍ତରପ୍ରଦେଶ(ୟୁପି)ରେ ହେବାକୁ ଥିବା ନିର୍ବାଚନରେ କ’ଣ ହେବ ବୋଲି ଭାବୁଛନ୍ତି?
*ୟୁପି ନିର୍ବାଚନ ନେଇ ବର୍ତ୍ତମାନଠାରୁ ସ୍ପଷ୍ଟ ଚିତ୍ର ଆସିଗଲାଣି। ସେଠାକାର ପଞ୍ଚାୟତ ନିର୍ବାଚନରେ ଭାଜପାକୁ ଭଲ ସଫଳତା ମିଳିଛି। ୟୁପି ଲୋକମାନେ ଭାଜପା ଉପରେ ଭରସା କରିବେ ବୋଲି ଭାବୁଛି।
ରାଜନୀତିକୁ ଛାଡ଼ି ଖାଲି ସମୟ ମିଳିଲେ ଆପଣ କ’ଣ କରିବାକୁ ବେଶି ପସନ୍ଦ କରନ୍ତି?
*ଖାଲି ସମୟ ମିଳିଲେ ବିଶେଷକରି ପଢ଼ାପଢ଼ି କରିବା ଉପରେ ରୁଚି ରଖେ। ବହୁ ମହାପୁରୁଷଙ୍କ ଜୀବନୀ ପଢ଼ିବାକୁ ବହୁତ ଭଲ ଲାଗେ। ବହୁ ରାଜନେତାଙ୍କ ବିଷୟରେ ଜାଣିବାକୁ ମଧ୍ୟ ଚେଷ୍ଟା କରେ। ପ୍ରତିଦିନ ଖାଲି ସମୟ ଦେଖି ଶରୀର ପାଇଁ ଅଧଘଣ୍ଟା ସମୟ ଦିଏ। ଯୋଗ ଓ ପ୍ରାଣାୟାମ କରିବା ଦୈନନ୍ଦିନ କାର୍ଯ୍ୟ।


Enter your email to get our daily news in your inbox.

All Right Reserved By Dharitri.Com

ଦ୍ୱୈତନଗରୀରେ ରାତ୍ର କର୍ଫ୍ୟୁ କଡ଼ାକଡ଼ି ନିର୍ଦ୍ଦେଶ

ଭୁବନେଶ୍ୱର,୨।୭ (ବ୍ୟୁରୋ): ଅନ୍‌ଲକ୍‌-୨ରେ ରାଜ୍ୟ ସରକାର କରୋନା କଟକଣାରେ କିଛିଟା ପରିବର୍ତ୍ତନ କରିଛନ୍ତି। ବିଶେଷକରି ରାତ୍ରକାଳୀନ କର୍ଫ୍ୟୁକୁ ଜୁଲାଇ ୩୧ ପର୍ଯ୍ୟନ୍ତ ବଳବତ୍ତର ରଖିଥିଲେ ମଧ୍ୟ...

ବଜାର ବୁଲି ସଚେତନ କଲେ ପୋଲିସ କମିଶନର

ଭୁବନେଶ୍ୱର,୨୬।୯(ବ୍ୟୁରୋ): ଭୁବନେଶ୍ୱରରେ କିଛିଦିନ ହେବ କରୋନା ଆକ୍ରାନ୍ତଙ୍କ ସଂଖ୍ୟା କମୁଥିଲେ ମଧ୍ୟ ଏବେ ବି ଜଟିଳ ସ୍ଥିତି ଜାରି ରହିଛି। ଅମାନିଆଙ୍କ ପାଇଁ ସଂକ୍ରମଣ ବଢ଼ୁଥିବାବେଳେ...

୭୭ ଲକ୍ଷ ମେଟ୍ରିକ ଟନ ଧାନ ସଂଗ୍ରହ ଲକ୍ଷ୍ୟ

ଭୁବନେଶ୍ୱର,୧୨।୧୦(ବ୍ୟୁରୋ): ଆସନ୍ତା ଖରିଫ ଓ ରବି ଋତୁରେ ରାଜ୍ୟ ସରକାର ୭୭ ଲକ୍ଷ ମେଟ୍ରିକ ଟନ ଧାନ (୫୨ ଲକ୍ଷ ମେଟ୍ରିକ ଟନ ଚାଉଳ) ସଂଗ୍ରହ...

ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା

ଭୁବନେଶ୍ୱର,୨୯ା୧(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ସଂଖ୍ୟା କମୁଥିବା ବେଳେ ମୃତ୍ୟୁ ସଂଖ୍ୟାରେ ବ୍ରେକ୍‌ ଲାଗୁନି। ଆଜି ଆଉ ୧୫ ଜଣଙ୍କ ଜୀବନ ନେଇଛି କରୋନା। ଏ...

ନବମ, ଦଶମ ପାଇଁ ନୂଆ ପରୀକ୍ଷା ପଦ୍ଧତି

ଭୁବନେଶ୍ୱର, ୧୧।୮(ବ୍ୟୁରୋ):କରୋନା ସମୟରେ ନବମ ଓ ଦଶମ ଶ୍ରେଣୀ ପାଇଁ ମାଧ୍ୟମିକ ଶିକ୍ଷା ପରିଷଦ ନୂଆ ପରୀକ୍ଷା ପଦ୍ଧତି ଯୋଜନା କରିଛି। ୨୦୨୧-୨୨ ଶିକ୍ଷାବର୍ଷ ଜୁଲାଇରୁ...

ଲିଙ୍କ୍‌ ଫେଲ୍‌ ଯୋଗୁ ବ୍ୟାଙ୍କ ସେବା ଅଚଳ: ଗ୍ରାହକ ଅସନ୍ତୋଷ

କଣାସ, ୧୮।୭(ସ୍ବ.ପ୍ର.)-ଗ୍ରାମାଞ୍ଚଳର ଲୋକମାନଙ୍କୁ ସହଜରେ ବ୍ୟାଙ୍କସେବା ଯୋଗାଇଦେବା ପାଇଁ ଗ୍ରାମାଞ୍ଚଳରେ ଅଧିକରୁ ଅଧିକ ଶାଖା ଖୋଲିବା ଉପରେ ଗୁରୁତ୍ୱ ଦିଆଯାଉଛି। ମାତ୍ର ଅନେକ ସମୟରେ ବ୍ୟାଙ୍କ...

ଆବାସ ଯୋଜନା ପାଇଁ କଲ ସେଣ୍ଟର

ଭୁବନେଶ୍ୱର, ୨୬।୧୦(ବ୍ୟୁରୋ): ଏଣିକି ଗ୍ରାମ୍ୟ ଗୃହ ନିର୍ମାଣ ଯୋଜନା ପାଇଁ କଲ ସେଣ୍ଟର ପ୍ରତିଷ୍ଠାହେବ। ପ୍ରତି ଜିଲାରେ କଲ ସେଣ୍ଟର ପ୍ରତିଷ୍ଠା କରାଯିବ ବୋଲି ବିଭାଗୀୟ...

ଗଞ୍ଜାମରେ ବେକାବୁ କରୋନା: ଆକ୍ରାନ୍ତଙ୍କ ସଂଖ୍ୟା ୧୫୦ ଟପିଲା

ଭୁବନେଶ୍ୱର,୧୧।୫(ବ୍ୟୁରୋ)-ସାରା ରାଜ୍ୟରେ ଦିନକୁଦିନ ବଢିବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା। ଗତ କିଛିଦିନ ମଧ୍ୟରେ ଗଞ୍ଜାମ ଜିଲାରେ ଅଧିକାଂଶ ଆକ୍ରାନ୍ତ ଚିହ୍ନଟ ହୋଇଛନ୍ତି। ଚିହ୍ନଟ ହୋଇଥିବା...

Advertisement
Archives

Model This Week