ସ୍ବତନ୍ତ୍ରତା ବଜାୟ ରଖିଛି ମେଘନାଦ ମଣ୍ଡପ

ବଅଁରପାଳ,୧୪ା୫ ଭଲ କର୍ମ କଲେ ପୁଣ୍ୟ ମିଳେ। ଏହାଦ୍ୱାରା ଈଶ୍ୱରଙ୍କ ଆଶୀର୍ବାଦ ଲାଭ କରିଥାଏ ମଣିଷ। ଖରାପ କର୍ମକୁ ପାପ ବୋଲି ବିବେଚନା କରାଯାଏ। ହେଲେ ବେଳେ ବେଳେ ଜାଣତରେ କିମ୍ବା ଅଜାଣତରେ ଏପରି କିଛି ଅଘଟଣ ଘଟିଯାଏ, ଯାହାକୁ ପାପବୋଧ କରି ମଣିଷ ବିଚଳିତ ହୋଇପଡେ। ଏପରି ପାତକରୁ କିପରି ମୁକ୍ତି ମିଳିବ, ସେହି ଚିନ୍ତାରେ ଘାରି ହେବା ସହ ବିଜ୍ଞ ଜନ ବା ପଣ୍ଡିତଙ୍କ ନିକଟରେ ପହଞ୍ଚି ପରାମର୍ଶ ଲୋଡ଼ିଥାଏ। ପୁରୀର ମୁକ୍ତି ମଣ୍ଡପ ପରି ଅନୁଗୋଳ ଜିଲା ବଅଁରପାଳ ବ୍ଲକ ତଳମୂଳଶାସନରେ ଥିବା ମେଘନାଦ ମଣ୍ଡପରେ ବସି ପଣ୍ଡିତମାନେ ଦୀର୍ଘବର୍ଷ ଧରି ଏପରି ପାପ-ପୁଣ୍ୟର ବିଚାର କରିଆସୁଛନ୍ତି। ଶତାଧିକ ବର୍ଷ ତଳୁ ଏଠାରେ ଚାଲି ଆସିଥିବା ଧର୍ମ-ଅଧର୍ମ ଓ ପାପ-ପୁଣ୍ୟର ବିଚାର ଏବେ ବି ଜାରି ରହିଛି।
ତଳମୂଳ ଗ୍ରାମ ଏକ ପାଇକ ଗଡ଼ ଭାବେ ପରିଚିତ। ମନ୍ଦିର ମାଳିନୀ ଏହି ଗଁାରେ ରହିଛି ୯୯ ମନ୍ଦିର ଓ ୯୯ ପୋଖରୀ। ସେହିପରି ଏଠାରେ ଥିବା ମେଘନାଦ ମଣ୍ଡପ ଏବେ ବି ତାହାର ସ୍ବତନ୍ତ୍ର ପରିଚୟ ବଜାୟ ରଖିଛି। ଏହି ମଣ୍ଡପରେ ବସି ପଣ୍ଡିତମାନେ ଅନେକ ଲୋକଙ୍କ ପାପ କ୍ଷୟ ପାଇଁ ପରାମର୍ଶ ଦେଇଛନ୍ତି। କର୍ମ ଅନୁଯାୟୀ ବିଚାର କରି ପ୍ରତିକାର ବା ପାପ ନାଶ ପାଇଁ ଉପାୟ ବତାଇଛନ୍ତି। ବିଶେଷକରି ମାଛିଆ ପାତକ ଲାଗିଥିବା ବ୍ୟକ୍ତି କିମ୍ବା ଗୋ ମୃତ୍ୟୁ ପାଇଁ ନିଜକୁ ଦାୟୀ କରୁଥିବା ଲୋକମାନେ ସେମାନଙ୍କ ପାପ କ୍ଷୟ ପାଇଁ ଏହି ମଣ୍ଡପକୁ ପରାମର୍ଶ ନେବାକୁ ଆସିଥାନ୍ତି। ମଣ୍ଡପରେ ପଣ୍ଡିତମାନେ ବସି ପାତକ ଖଣ୍ଡନ ହେବାର ପଦ୍ଧତି କହିଥାନ୍ତି। ଯଦି ଏଠାକାର ପଣ୍ଡିତମାନେ ଉପାୟ ବତାଇବାରେ ବିଫଳ ହୁଅନ୍ତି, ତା’ହେଲେ ସମ୍ପୃକ୍ତ ବ୍ୟକ୍ତିଙ୍କୁ ପୁରୀ ମୁକ୍ତି ମଣ୍ଡପକୁ ଯିବା ପାଇଁ ପରାମର୍ଶ ଦେଇଥାନ୍ତି। ତଳମୂଳ, ମହୀଧରପୁର, ଫୁଲୁପଡା, ଗଡ଼ସନ୍ତ୍ରୀ, ତୁଳସୀପାଳ, ଅନୁଗୋଳ, ବନ୍ତଳା, ବଅଁରପାଳ, କୁଲାଡ଼, ନୂଆହତା, ଗିରାଙ୍ଗ, ହିନ୍ଦୋଳ ସମେତ ଆଖପାଖ ୨୨ଖଣ୍ଡ ମୌଜାର ଲୋକଙ୍କ ଅଗାଧ ବିଶ୍ୱାସ ରହିଛି ଏହି ମେଘନାଦ ମଣ୍ଡପ ଉପରେ।
ପାପ କ୍ଷୟର ଉପାୟ ମିଳେ
ମେଘନାଦ ମଣ୍ଡପର ବହୁ ଇତିହାସ ରହିଛି। ରାଜାଙ୍କ ଶାସନ ସମୟରୁ ପଣ୍ଡିତମାନେ ଏହି ମଣ୍ଡପରେ ବସି ଉଚିତ ପରାମର୍ଶ ଦେଇଆସିଛନ୍ତି। ପାପ ନାଶ ସହ ପୁଣ୍ୟ ଅର୍ଜନର ଉପାୟ ସମ୍ପର୍କରେ ପଣ୍ଡିତମାନେ ଅନେକ ଲୋକଙ୍କୁ ଦିଗ୍‌ଦର୍ଶନ ଦେଇଛନ୍ତି।
-ଚନ୍ଦ୍ର ଶେଖର, ଗ୍ରାମବାସୀ
ଅଗାଧ ବିଶ୍ୱାସ ରହିଛି
ତଳମୂଳଶାସନରେ ଥିବା ମେଘନାଦ ମଣ୍ଡପରୁ ପରାମର୍ଶ ନେଇ ଆଖପାଖ ଅଞ୍ଚଳର ବହୁ ଲୋକ ନିଜ ପାପ କ୍ଷୟ କରିଛନ୍ତି। ଏଠାକାର ପଣ୍ଡିତମାନଙ୍କ ବିଚାର ଉପରେ ସମସ୍ତଙ୍କ ଅଗାଧ ବିଶ୍ୱାସ ରହିଛି। ସେଥିପାଇଁ ଦୂର ଦୂରାନ୍ତରୁ ଲୋକେ ଏଠାକୁ ଆସିଥାନ୍ତି।
-ସୁଧୀର କୁମାର ନନ୍ଦ, ଗ୍ରାମବାସୀ
ପୂର୍ବାପେକ୍ଷା ଭଲ ବ୍ୟବସ୍ଥା ଅଛି
ପୂର୍ବରୁ ଏହି ମଣ୍ଡପ ଅବହେଳିତ ଅବସ୍ଥାରେ ରହିଥିଲା। ପଣ୍ଡିତମାନେ ତଳେ ବସୁଥିଲେ। ମାତ୍ର ଏବେ ଭଲ ବ୍ୟବସ୍ଥା ହୋଇଛି। ପକ୍କା ଘର କରାଯାଇଥିବାରୁ ପଣ୍ଡିତ କିମ୍ବା ଆସୁଥିବ ଲୋକମାନେ ପୂର୍ବପରି ଅସୁବିଧର ସମ୍ମୁଖୀନ ହେଉନାହାନ୍ତି।
-ଛେଲୁ ନନ୍ଦ, ଗ୍ରାମବାସୀ


Enter your email to get our daily news in your inbox.

All Right Reserved By Dharitri.Com

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ସୁନା, ରୁପା ମୂଲ୍ୟରେ ଲଗାତର ହ୍ରାସ

ନୂଆଦିଲ୍ଲୀ,୧୭ା୧୧: ଗତ କିଛିଦିନ ଧରି ସୁନା ଓ ରୁପା ମୂଲ୍ୟ ହ୍ରାସ ପାଇ ଆସିଥିଲା ବେଳେ ସୋମବାର ଉଭୟ ଧାତୁ ମୂଲ୍ୟରେ ପୁଣି ହ୍ରାସ ଘଟିଛି। ଗତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?