ମଧୁର ସମ୍ପର୍କର ମାଧ୍ୟମ

ମଧୁର ସମ୍ପର୍କରେ ପରସ୍ପରକୁ ବାନ୍ଧି ହସଖୁସିରେ ପରିବାର ଚଳାଇନେବାକୁ ସ୍ବପ୍ନ ଦେଖିଥାନ୍ତି ସମସ୍ତେ । କିନ୍ତୁ ଏଇ କାମକୁ ବେଶ୍‌ ସହଜ କରିପାରେ ଫୋନ୍‌ । ହଁ, ଅଯଥା ସମୟ ନଷ୍ଟ ନୁହେଁ ସମ୍ପର୍କ ବାନ୍ଧିବା ପାଇଁ ବି ବ୍ୟବହାର କରିହେବ ଫୋନ୍‌କୁ….

ବେଶି ସମୟ ଫୋନ୍‌ ବ୍ୟବହାର କରୁଥିବାରୁ ବେଳେବେଳେ ଘରକାମର ରୁଟିନ୍‌ ସବୁ ଏପଟସେପଟ ହୋଇଯାଏ। କିଏ କହେ ଫୋନ୍‌ ପାଇଁ ସମ୍ପର୍କ ଭାଙ୍ଗିଗଲା ତ ଆଉ କିଏ କହେ ସବୁ କାମ ଭୁଲ୍‌ ହୋଇଗଲା। କିନ୍ତୁ ଘର କାମକୁ ସହଜ କରି ସମ୍ପର୍କ ମଜଭୁତ କରିବା ପାଇଁ ବି ଫୋନ୍‌କୁ ବ୍ୟବହାର କରିହେବ। ଠିକ୍‌ ଢଙ୍ଗରେ ଫୋନ୍‌କୁ ବ୍ୟବହାର କରିପାରିଲେ ଆପଣ ବି ହୋଇପାରିବେ ବୁଦ୍ଧିମତୀ ବୋହୂ।
ଫୋନ୍‌ରେ ରୋଷେଇ: କର୍ମଜୀବୀ ହୁଅନ୍ତୁ କି ଗୃହିଣୀ ସମସ୍ତଙ୍କ ପାଇଁ ରୋଷେଇ କରିବା ଏକ କଳା। ଅନେକ ସମୟରେ ଭଲ ଖାଇବା ତିଆରି କରି ପିଲାମାନଙ୍କୁ ଖୁସି କରିହୁଏ ତ କେବେ ପୁଣି ଶାଶୁ ଶ୍ୱଶୁର କିମ୍ବା ସ୍ବାମୀଙ୍କୁ ମଧ୍ୟ ସନ୍ତୁଷ୍ଟ କରିହୁଏ। ତେଣୁ ଫୋନ୍‌ରୁ ଦେଖି କେବେକେବେ ନୂଆ ନୂଆ ଖାଦ୍ୟ ପ୍ରସ୍ତୁତ କଲେ ସମସ୍ତଙ୍କୁ ଭଲ ଲାଗିବ।
ମନେରହିବ ସ୍ବତନ୍ତ୍ର ଦିନ: ପରିବାର ଲୋକଙ୍କ ସହିତ ସମ୍ପର୍କୀୟ ଲୋକମାନଙ୍କର ଜନ୍ମଦିନ କିମ୍ବା ବିବାହ ବାର୍ଷିକୀ ଆଦି ସବୁ ଫୋନ୍‌ରେ ମନେ ରଖିହେବ। ସମସ୍ତଙ୍କର ସ୍ବତନ୍ତ୍ର ଦିନଗୁଡ଼ିକୁ ହୁଏତ ମନେ ରଖିବା ସମ୍ଭବ ହୋଇ ନ ପାରେ। କିନ୍ତୁ ଫୋନ୍‌ରେ ଏସବୁକୁ ଅତି ସହଜରେ ମନେପକାଇ ହେବ। ତେଣୁ ଠିକ୍‌ ସମୟରେ ସମସ୍ତଙ୍କ ପାଇଁ ସ୍ବତନ୍ତ୍ର ଆୟୋଜନ କରିହେବ। କିଛି କରି ନ ପାରିଲେ ବି ମନେପକାଇ ଶୁଭେଚ୍ଛା ଜଣାଇହେବ। ଏଇ ଛୋଟ ଛୋଟ ଖୁସି ବି ସମ୍ପର୍କକୁ ମଜଭୁତ କରିବାରେ ବେଶ୍‌ ସହାୟକ ହୋଇପାରିବ।
ଏକାଠି ମନୋରଞ୍ଜନ: ପରିବାରରେ ଏକାଠି ବସି ଫୋନ୍‌ରେ ମନୋରଞ୍ଜନ କରିପାରିବେ। କେବେ ସିନେମା କିମ୍ବା କିଛି ପାରମ୍ପରିକ ସିରିଏଲ୍‌କୁ ଏକାଠି ବସି ସମସ୍ତେ ଦେଖିପାରିବେ। ଏମିତିକି ଅଲଗା ଅଲଗା ସ୍କ୍ରିନ୍‌ରେ ମଧ୍ୟ ଏକ ସମୟରେ ସମାନ ଜିନିଷ ଦେଖି ମଜା ନେଇପାରିବେ। ଆଉ ସମ୍ପର୍କକୁ ମଜଭୁତ କରି ରଖିବା ପାଇଁ ଏମିତି ସୁଯୋଗ ମଧ୍ୟ ବେଶ୍‌ ସହାୟକ ହୋଇପାରିବ।
ସମୟ ପରିଚାଳନା: ଗୃହିଣୀମାନେ ଫୋନ୍‌ ମାଧ୍ୟମରେ ସମୟ ପରିଚାଳନା କରିବାର ସୁଯୋଗ ପାଇପାରିବେ। ଅନ୍‌ଲାଇନ ଅର୍ଡର କରି ଚାହିଁଲେ ଘରେ ବସି ସବୁ ଜିନିଷ କିଣିପାରିବେ। ତେଣୁ ମାର୍କେଟ ଯାଇ ସମୟ ନଷ୍ଟ କରିବାକୁ ପଡ଼ିବ ନାହିଁ। ଏହା ବ୍ୟତୀତ ଅନ୍‌ଲାଇନ ମାଧ୍ୟମରେ ବିଭିନ୍ନ ବିଲ୍‌ ମଧ୍ୟ ପୈଠ କରିପାରିବେ।
ହିସାବ କିତାବ: ଫୋନ୍‌ରେ ସବୁ ପ୍ରକାର ହିସାବକରି ସହଜରେ ଘରର ଆର୍ଥିକ ପରିଚାଳନା କରିପାରିବେ। ଏମିତିକି ଅନେକ ହିସାବ କିମ୍ବା ଘର ଖର୍ଚ୍ଚ ଅଥବା କାହାକୁ କିଛି ଦିଆଯାଇଥିବା ଅର୍ଥ ସବୁ ବିଷୟରେ ମନେରଖିବା ପାଇଁ ମଧ୍ୟ ଫୋନ୍‌କୁ ବ୍ୟବହାର କରିହେବ। ଆଉ ଫୋନରେ ରଖିଥିବା ହିସାବ କିମ୍ବା ବିଲ୍‌ ସବୁ ହଜିବା ଆଶଙ୍କା ମଧ୍ୟ କମ୍‌।

କ’ଣ କରନ୍ତି ଏମାନେ…

ଫୋନ୍‌ରେ ସବୁ କରି ହେଉଛି
ଏବେ ତ ମୁଁ ସବୁ କାମ ଫୋନ୍‌ରେ କରି ଦେଉଛି। ପିଲାଙ୍କର ସ୍କୁଲ, ଟ୍ୟୁଶନ ଫି’ଠାରୁ ଆରମ୍ଭକରି ସବୁ କିଛି ଘରେ ବସି କରି ଦେଉଛି। ତେଣୁ ମୋର ବହୁତ ସମୟ ବଞ୍ଚୁଛି ଆଉ ମୁଁ ଘର କାମ ସବୁ କରିପାରୁଥିବାରୁ ସମସ୍ତେ ବେଶ୍‌ ଖୁସି ହେଉଛନ୍ତି। ଏହା ବ୍ୟତୀତ ଫୋନ୍‌ରୁ ଦେଖି ମୁଁ ପିଲାଙ୍କୁ ସହଜରେ ପାଠ ବି ପଢ଼ାଇ ପାରୁଛି। ତେଣୁ ଘର ଚଳାଇବା ଲାଗି ମୋ ପାଇଁ ଫୋନ୍‌ ତ ନିହାତି ଆବଶ୍ୟକ।
-କରିସ୍ମା ବିଶ୍ୱାଳ, କର୍ମଜୀବୀ, ନୟାପଲ୍ଲୀ ବ୍ରିଟ୍‌ କଲୋନୀ, ଭୁବନେଶ୍ୱର
ନୂଆ ଖାଦ୍ୟ ତିଆରି କରେ
ବେଳେବେଳେ ଫାଙ୍କା ସମୟ ପାଇଲେ ମୁଁ ଫୋନ୍‌ରୁ ଦେଖି ନୂଆ ନୂଆ ଖାଦ୍ୟ ଆଇଟମ୍‌ ସବୁ ତିଆରି କରେ। ମୋର ଏଇ ଗୁଣ ପାଇଁ ମୋ ଶାଶୁଘରେ ସମସ୍ତେ ଖୁସି। କାହିଁକିନା ସେମାନଙ୍କୁ ସବୁବେଳେ ନୂଆ ନୂଆ ଖାଦ୍ୟ ଆଇଟମ୍‌ ଖାଇବା ପାଇଁ ମିଳିଯାଏନା। ତେଣୁ କିଛି ନୂଆ ଖାଦ୍ୟ କରିବା ପାଇଁ ଯାହା ଆବଶ୍ୟକ ହୁଏ ସେସବୁକୁ ସଙ୍ଗେ ସଙ୍ଗେ ପିଲାମାନେ ମତେ କିଣି ଆଣି ଦେଇଥାନ୍ତି। ଆଉ ଫୋନ୍‌ ଦେଖି ମୁଁ ଘର ସଜାଇବା ପାଇଁ ନୂଆ ନୂଆ ଆଇଡିଆ ବି ପାଏ। ତେବେ ପିଲାମାନଙ୍କୁ ମୁଁ ବେଶି ସମୟ ଫୋନ୍‌ ଦେଖିବାକୁ ଦିଏନି। ଖାଲି ସେମାନଙ୍କ ପାଠପଢ଼ା ସମୟକୁ ଛାଡ଼ିଦେଲେ ସେମାନଙ୍କ ସହ ମୁଁ ଏକାଠି ସମୟ କାଟେ।
-ମମତା ସାହୁ, ଗୃହିଣୀ, ଆଶୁତୋଷ ନଗର, କେଶୁରା, ଭୁବନେଶ୍ୱର
ଫୋନ୍‌ ଦେଖିଲେ ମନେପଡ଼େ
ପିଲାମାନଙ୍କଠାରୁ ଫୋନ୍‌କୁ ଦୂରେଇ ରଖିବା ପାଇଁ ମୁଁ ଚେଷ୍ଟାକରେ ସତ, କିନ୍ତୁ ଫୋନ୍‌ରେ ହିଁ ମୁଁ ସବୁ କାମ କରେ। ଫୋନ୍‌ ଯେମିତି ମୋର ସବୁଠୁ ଘନିଷ୍ଠ ସାଙ୍ଗ ଭଳି। ଶାଶୁ ଘର ଲୋକ ଏବଂ ବାପଘର ଲୋକ ତଥା ମୋ ସାଙ୍ଗସାଥୀ ସମସ୍ତଙ୍କ ଜନ୍ମଦିନ ମତେ ମନେପକାଇ ଦିଏ ଫୋନ୍‌। ସେଥିପାଇଁ ମୁଁ ଠିକ୍‌ ସମୟରେ ସେମାନଙ୍କୁ ଶୁଭେଚ୍ଛା ଜଣାଇବା ସହିତ ଘରେ କିଛି ଭଲ ଖାଦ୍ୟ ତିଆରି କରିଥାଏ।
-ସୋନାଲି ଲେଙ୍କା, ଗୃହିଣୀ, ଗୋପାଳପୁର, କଟକ

 


Enter your email to get our daily news in your inbox.

All Right Reserved By Dharitri.Com

ଜାଣନ୍ତି ଅନ୍ୟ ବାସନ ଅପେକ୍ଷା ମାଟିପାତ୍ରରେ ଖାଇଲେ ମିଳିଥାଏ ଏସବୁ ଲାଭ

ଆଲୁମିନିୟମ, ଷ୍ଟିଲ୍‌ ବାସନରେ ରାନ୍ଧିବା ସମୟରେ ଖାଦ୍ୟ ଅନେକ ଥର ଜଳି ଯାଇଥାଏ। ଅବଶ୍ୟ ହଜମ ହେବା ସହଜ କିନ୍ତୁ ସ୍ବାଦ ଏବଂ ପୁଷ୍ଟିକର ଶୂନ୍ୟ...

କରୋନାରୁ ସୁସ୍ଥ ହେବା ପରେ ରୋଗୀଙ୍କଠାରେ ଦେଖାଦେଉଛି ଏସବୁ ଲକ୍ଷଣ

ଦେଶରେ କରୋନା ସଂକ୍ରମଣ ଧୀରେ ଧୀରେ ହ୍ରାସ ପାଉଛି । ସଂକ୍ରମଣ କମୁଥିବା ବେଳେ ମୃତ୍ୟୁସଂଖ୍ୟା ମଧ୍ୟ ହ୍ରାସ ପାଉଥିବା ଲକ୍ଷ୍ୟ କରାଯାଇଛି। କିନ୍ତୁ କରୋନାରୁ...

ମସ୍ତିଷ୍କକୁ ଚାପମୁକ୍ତ ରଖେ ଏହି ରସ…

ସକାଳୁ ଖାଲି ପେଟରେ ଲାଉ ରସ ପିିଇଲେ  ସୁଫଳ ମିଳିଥାଏ। ଏହାଦ୍ୱାରା ରକ୍ତରେ କୋଲେଷ୍ଟରଲସ୍ତର ହ୍ରାସ ପାଏ। ମେଦବହୁଳତା କ୍ଷେତ୍ରରେ ଏହା ମହୋଷଧୀ ଭଳି କାମ...

ଅଣ୍ଟାବିନ୍ଧାର ଘରୋଇ ଉପଚାର

ଅଣ୍ଟା ବିନ୍ଧିବା ଆଜିକାଲି ଏକ ସାଧାରଣ ସମସ୍ୟା ପାଲଟିଗଲାଣି। ଏହାର ଲକ୍ଷଣ ସମ୍ପର୍କରେ ଅବଗତହେବା ପରେ ତାହାକୁ ହାଲୁକା ଭାବରେ ନିଅନ୍ତୁ ନାହିଁ। କାରଣ ପରବର୍ତ୍ତୀ...

ପୂର୍ବଜନ୍ମର କର୍ମ ଆଧାରରେ ବ୍ୟକ୍ତିକୁ ମିଳିଥାଏ ଏହି ୬ ଜିନିଷ: ଆପଣଙ୍କ ପାଖରେ ଅଛି ତ…

ଭାରତର ମହାନ ରାଜନୀତିଜ୍ଞ ତଥା ଅର୍ଥଶାସ୍ତ୍ର ବିଶାରଦ ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ଅନେକ ବିଷୟରେ ଉଲ୍ଲେଖ କରିଛନ୍ତି। ତନ୍ମଧ୍ୟରୁ ଗୋଟିଏ ହେଲା ପୂର୍ବଜନ୍ମର କର୍ମ...

ଓଜନ କମାନ୍ତୁ ଏହି ଉପାୟରେ

ଦୁଇଟି ସାଧାରଣ ଉପାୟରେ ଧନିଆ ପତ୍ର ଉପଯୋଗ କରି ଓଜନ କମାଇପାରିବେ। * ୧୦ରୁ ୨୦ଟି ଧନିଆ ପତ୍ର ରାତିରେ ପାଣିରେ ପକାଇ ସକାଳୁ ଛାଣି...

ରୋଗ ପ୍ରତିରୋଧକ କ୍ଷମତା ବଢ଼ାଇଥାଏ ଘରୋଇ ଉପଚାର

ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଆୟୁର୍ବେଦ ଜୟପୁରର ଆସୋସିଏଟ୍‌ ପ୍ରଫେସର ଡ. ସିଆର ଯାଦବ କୁହନ୍ତି, ରୋଗ ପ୍ରତିରୋଧକ କ୍ଷମତା ବଢ଼ାଇବା ପାଇଁ ଘରୋଇ ଉପଚାର ସବୁଠୁ...

ଏହି କାରଣରୁ ପାଖରେ ରୁହନ୍ତି ନାହିଁ ଲକ୍ଷ୍ମୀ

ଲକ୍ଷ୍ମୀ ଓ ଧନ ବିଷୟରେ ନୀତିଗ୍ରନ୍ଥର ତୃତୀୟ ଅଧ୍ୟାୟର ଏକବିଂଶ ପଦରେ ଚାଣକ୍ୟ ଅନେକ କଥା କହିଛନ୍ତି। ସେ କହିଛନ୍ତି, ମୁର୍ଖମାନଙ୍କୁ ସମ୍ମାନ କରୁଥିବା ଲୋକଙ୍କ...

Advertisement
Archives

Model This Week