Odisha Elections 2024
Posted inଖେଳ

‘ଭାରତ ବିପକ୍ଷ ମ୍ୟାଚ୍‌ ଚ୍ୟାଲେଞ୍ଜପୂର୍ଣ୍ଣ’

ସ୍ପେନ୍‌, ଓ୍ବେଲ୍ସ, କୋରିଆ ପହଞ୍ଚିଲା

ଭୁବନେଶ୍ୱର (କ୍ରୀଡ଼ା ପ୍ରତିନିଧି)/ ରାଉରକେଲା ଅଫିସ, ୯।୧: ସ୍ଥାନୀୟ କଳିଙ୍ଗ ଷ୍ଟାଡିୟମ ଏବଂ ରାଉରକେଲାର ବିର୍ସାମୁଣ୍ଡା ଷ୍ଟାଡିୟମରେ ହେବାକୁଥିବା ହକି ବିଶ୍ୱକପ୍‌ ପାଇଁ ଦଳଗୁଡ଼ିକର ଆସିବା ପ୍ରକ୍ରିୟା ଜାରି ରହିଛି। ଏହି କ୍ରମରେ ରବିବାର ସ୍ପେନ୍‌ ଓ ଓ୍ବେଲ୍ସ ଦଳ ଭୁବନେଶ୍ୱର ବାଟଦେଇ ଚାର୍ଟର ବିମାନରେ ରାଉରକେଲାରେ ପହଞ୍ଚିଛନ୍ତି। ଦକ୍ଷିଣ କୋରିଆ ଦଳ ମଧ୍ୟ ଭୁବନେଶ୍ୱରରେ ପହଞ୍ଚତ୍ଛି। ଉଭୟ ସ୍ପେନ୍‌ ଓ ଓ୍ବେଲ୍ସ ଭାରତ ସାମିଲ ଥିବା ଗ୍ରୁପ୍‌ ‘ଡି’ରେ ରହିଛନ୍ତି। ଭାରତ ଏହାର ପ୍ରଥମ ମ୍ୟାଚ୍‌ ୧୩ ତାରିଖରେ ସ୍ପେନ୍‌ ବିପକ୍ଷରେ ଖେଳିବ। ସ୍ପେନ୍‌ ଅଧିନାୟକ ଆଲ୍‌ଭାରୋ ଇଗ୍‌ଲେସିଆସ ଏହାକୁ ବିଶ୍ୱର ଯେ କୌଣସି ପ୍ରତିଦ୍ୱନ୍ଦ୍ୱୀ ଦଳ ପାଇଁ ଉତ୍କଣ୍ଠାପୂର୍ଣ୍ଣ ମ୍ୟାଚ୍‌ ବୋଲି ବର୍ଣ୍ଣନା କରିଛନ୍ତି। ”ଆମେ ଭଲଭାବେ ପ୍ରସ୍ତୁତି କରି ଏଠାକୁ ଆସିଛୁ। ସାଥିହୋଇ ଆମେ ଦୀର୍ଘଦିନ ଅଭ୍ୟାସ କରିଥିବାରୁ ମ୍ୟାଚ୍‌ ଆରମ୍ଭର ମୁହୂର୍ତ୍ତକୁ ଅପେକ୍ଷା କରିଛୁ। ଭାରତ ବିପକ୍ଷରେ ପ୍ରଥମ ମ୍ୟାଚ୍‌ ଖେଳିବା ନିଶ୍ଚିତ ଚ୍ୟାଲେଞ୍ଜପୂର୍ଣ୍ଣ“ ବୋଲି ଇଗ୍‌ଲେସିଆସ କହିଛନ୍ତି। ରାଉରକେଲାର ଷ୍ଟାଡିୟମ ବଡ଼। ସେଠାରେ ଷ୍ଟାଡିୟମଭରା ଦର୍ଶକ ଉପସ୍ଥିତ ଥିବେ। ଏଭଳି ସ୍ଥିତିରେ ସାଥୀ ଖେଳାଳି ଏବଂ ରେଫରିଙ୍କ କଥା ଶୁଣିବାରେ ଅସୁବିଧା ହୋଇପାରେ। ମାତ୍ର ଏଭଳି ପରିବେଶରେ ଖେଳିବାକୁ ଆଗ୍ରହର ସହ ଅପେକ୍ଷା କରିଛୁ ବୋଲି ସେ କହିଛନ୍ତି। ସ୍ପେନ୍‌ କୋଚ୍‌ ମ୍ୟାକ୍ସ କାଲଡାସ ମଧ୍ୟ ଦଳର ପ୍ରଦର୍ଶନକୁ ନେଇ ବେଶ୍‌ ଆଶାବାଦୀ। ସ୍ପେନ୍‌ ଦଳ ନିକଟରେ ଭାରତ ଓ ନ୍ୟୁଜିଲାଣ୍ଡ ବିପକ୍ଷରେ ଏଫ୍‌ଆଇଏଚ୍‌ ପ୍ରୋ-ଲିଗ୍‌ ମ୍ୟାଚ୍‌ ଭୁବନେଶ୍ୱରରେ ଖେଳିଥିଲା। ପ୍ରୋ-ଲିଗ୍‌ରେ ଖେଳିବା ଦ୍ୱାରା ଦଳର ପ୍ରଦର୍ଶନରେ ଉନ୍ନତି ଆସିଥିବା କାଲଡାସ ସ୍ବୀକାର କରିଛନ୍ତି। ”ଭାରତକୁ ପୁନର୍ବାର ପ୍ରତ୍ୟାବର୍ତ୍ତନ କରିବା ଆମ ପାଇଁ ସମ୍ମାନ ସଦୃଶ। ଏବେ ଚ୍ୟାଲେଞ୍ଜର ମୁକାବିଲା ପାଇଁ ଆମେ ପ୍ରସ୍ତୁତ ହେଉଛୁ। କୌଣସି ସ୍ଥାନରେ ଅଧିକ ମ୍ୟାଚ ଖେଳିଲେ ସହଜ ଅନୁଭବ ହୋଇଥାଏ। ଆମେ ଭାରତକୁ ଆସି ସେଭଳି ଅନୁଭବ କରୁଛୁ। କରୋନା ମହାମାରୀ ପାଇଁ ଖେଳାଳିମାନେ ବହୁ ଦର୍ଶକଙ୍କ ସମାଗମରେ ଖେଳିପାରି ନ ଥିଲେ। ତେଣୁ ରାଉରକେଲାରେ ମ୍ୟାଚ୍‌ ଚ୍ୟାଲେଞ୍ଜପୂର୍ଣ୍ଣ ରହିବ“ ବୋଲି ସେ କହିଛନ୍ତି।

ବିପର୍ଯ୍ୟୟ ସୃଷ୍ଟି ଲକ୍ଷ୍ୟରେ ଓ୍ବେଲ୍ସ

ଓ୍ବେଲ୍ସ ବିଶ୍ୱ ର଼୍ୟାଙ୍କିଙ୍ଗ୍‌ର ନିମ୍ନରେ ଥିଲେ ହେଁ କୋଚ୍‌ ନ୍ୟୁକମ୍ବ ପ୍ରତିପକ୍ଷ ଦଳଗୁଡ଼ିକୁ ଚେତାବନୀ ଦେଇଛନ୍ତି। ଏପରି କି ଦଳ ବିପର୍ଯ୍ୟୟ ସୃଷ୍ଟି କରିବାକୁ ପ୍ରସ୍ତୁତ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି। ”ବିଶ୍ୱ ର଼୍ୟାଙ୍କିଙ୍ଗ୍‌ର ୧୫ତମ ସ୍ଥାନରେ ଥିଲେ ମଧ୍ୟ କେହି ଆମକୁ ହେୟ ମନେ କରିବା ଉଚିତ ନୁହେଁ। ଆମେ ଭାରତ, ଇଂଲଣ୍ଡ ଓ ସ୍ପେନ୍‌ ଆଦି ୩ ଶକ୍ତିଶାଳୀ ଦଳ ବିପକ୍ଷରେ ଖେଳିବାକୁ ଯାଉଛୁ। ମାତ୍ର ମନେରଖିବାକୁ ହେବ ଯେ ଆମେ ଏଠାକୁ ବିପର୍ଯ୍ୟୟ ସୃଷ୍ଟି କରିବାକୁ ଆସିଛୁ। ଏଠାରେ ମ୍ୟାଚ୍‌ ଜିତିବା ଲକ୍ଷ୍ୟରେ ରହିଛୁ। କେହି ଆମକୁ ହେୟ ମନେକରୁଥିବେ ବୋଲି ଭାବିପାରୁନି“ ବୋଲି ନ୍ୟୁକମ୍ବ ପ୍ରକାଶ କରିଛନ୍ତି। ରାଉରକେଲା ପରିବେଶରେ ଖେଳିବାରେ ତାଙ୍କର କିଛି ଅସୁବିଧା ହେବନାହିଁ ବୋଲି ସେ ଅନୁଭବ କରୁଛନ୍ତି। ”ଏବେ ଏଠାରେ ଗରମ ପରିବେଶ ନାହିଁ। ଆମେ ମାଲେସିଆରେ ଖେଳିଛୁ। ସେଠାକାର ପରିବେଶ ଉଷ୍ମ। ଆମେ ଭାରତରେ ମଧ୍ୟ ଗ୍ରୀଷ୍ମଋତୁରେ ଖେଳିଛୁ। ତେଣୁ କିଛି ଅସୁବିଧା ହେବନାହିଁ। ଏବେ ଓ୍ବେଲ୍ସ ପରି ଏଠାରେ ଥଣ୍ଡା ପରିବେଶ ରହିଛି। ତେଣୁ ଆମେ ଖେଳିବାକୁ ପ୍ରସ୍ତୁତ“ ବୋଲି ସେ କହିଛନ୍ତି। ରାଉରକେଲାରେ ୨୦,୦୦୦ ଦର୍ଶକଙ୍କ ସମ୍ମୁଖରେ ଖେଳିବା ନିଶ୍ଚିତ ଚ୍ୟାଲେଞ୍ଜପୂର୍ଣ୍ଣ ରହିବ। ତେବେ ପ୍ରଦର୍ଶନ ଦ୍ୱାରା ସେମାନେ ଦର୍ଶକଙ୍କ ମନୋରଞ୍ଜନ କରିପାରିବେ ବୋଲି ଓ୍ବେଲ୍ସ ଅଧିନାୟକ ରୁପେର୍ଟ ଶିପେର୍ଲି ପ୍ରକାଶ କରିଛନ୍ତି। ଭାରତ ବିପକ୍ଷରେ ଓ୍ବେଲ୍ସ ଏହାର ଗ୍ରୁପ୍‌ ମ୍ୟାଚ୍‌ ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଖେଳିବ। ତେଣୁ ରାଉରକେଲାରେ ଅନ୍ୟ ଦଳ ବିପକ୍ଷରେ ଖେଳିବାବେଳେ ଆମ ଦଳକୁ କିଛି ଦର୍ଶକଙ୍କ ସମର୍ଥନ ମିଳିବ ବୋଲି ଶିପେର୍ଲି ଆଶା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସଚିନ ତେନ୍ଦୁଲକର, ନରେନ୍ଦ୍ର ମୋଦି, ଧୋନି… ଟିମ ଇଣ୍ଡିଆ ହେଡ କୋଚ ପାଇଁ ଏମିତି ସବୁ ଆବେଦନ, ଚମକି ପଡିଲା ବିସିସିଆଇ

ନୂଆଦିଲ୍ଲୀ,୨୮।୫: ଭାରତୀୟ କ୍ରିକେଟ ଦଳର କୋଚ ପାଇଁ ବିସିସିଆଇ ୩୦୦୦ରୁ ଅଧିକ ଆବେଦନ ଗ୍ରହଣ କରିଛି। ଯେଉଁମାନେ ଆବେଦନ କରିଥିଲେ ସେମାନଙ୍କ ମଧ୍ୟରେ ସଚିନ ତେନ୍ଦୁଲକର,...

୨ ମାସ ପର୍ଯ୍ୟନ୍ତ ବ୍ରଶ କରି ନ ଥିଲେ, ସବୁଠାରୁ ଖରାପ ସମୟକୁ ମନେପକାଇ ଭାବୁକ ହେଲେ ପନ୍ତ

ନୂଆଦିଲ୍ଲୀ,୨୮।୫: ଭାରତୀୟ କ୍ରିକେଟ ଦଳର ତାରକା ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ତାଙ୍କ ଜୀବନର ସବୁଠାରୁ କଷ୍ଟଦାୟକ ସମୟ ବିଷୟରେ ପ୍ରକାଶ କରିଛନ୍ତି। ନିକଟରେ...

ଏହି ୫ ଖେଳାଳି ଭାରତକୁ ଜିତାଇପାରନ୍ତି ଟି-୨୦ ବିଶ୍ୱକପ୍‌

ନୂଆଦିଲ୍ଲୀ,୨୮।୫: ଟି-୨୦ ବିଶ୍ୱକପ ୨୦୨୪ ବହୁତ ନିକଟତର। ବର୍ତ୍ତମାନ ଟୁର୍ନାମେଣ୍ଟ ଆରମ୍ଭ ପାଇଁ ଆଉ କିଛି ଦିନ ବାକି ଅଛି। ଏହି ଟୁର୍ନାମେଣ୍ଟ ମାଧ୍ୟମରେ ପୁଣିଥରେ...

ଭାରତୀୟ ଟିମ୍‌ର କୋଚ ପାଇଁ ଆବେଦନ ସମୟ ସୀମା ଶେଷ

ନୂଆଦିଲ୍ଲୀ,୨୮।୫: ଆମେରିକା ଏବଂ ୱେଷ୍ଟଇଣ୍ଡିଜରେ ଅନୁଷ୍ଠିତ ହେବାକୁ ଥିବା ଟି -୨୦ ବିଶ୍ୱକପ ପାଇଁ ଭାରତୀୟ ଦଳ ବର୍ତ୍ତମାନ ନ୍ୟୁୟର୍କରେ ଅଛନ୍ତି। ବର୍ତ୍ତମାନର ଦଳର ମୁଖ୍ୟ...

ହରମନ୍‌ପ୍ରୀତଙ୍କ ହ୍ୟାଟ୍ରିକ୍‌ରେ ଭାରତ ବିଜୟୀ

ଆଣ୍ଟ୍ବେର୍ପ,୨୮ା୫(ପି.ଟି): ଅଧିନାୟକ ହରମନ୍‌ପ୍ରୀତ ସିଂଙ୍କ ହ୍ୟାଟ୍ରିକ୍‌ ଗୋଲ୍‌ ବଳରେ ଏଫ୍‌ଆଇଏଚ୍‌ ପ୍ରୋ ଲିଗ୍‌ ହକିରେ ଆର୍ଜେଣ୍ଟିନାକୁ ୫-୪ରେ ପରାସ୍ତ କରିଛି ଭାରତ। ହରମନ୍‌ପ୍ରୀତ୍‌ (୨୯, ୫୦...

ଅଷ୍ଟ୍ରେଲିଆ ଦଳରେ ଖେଳାଳି ଅଭାବ

ମେଲବୋର୍ନ, ୨୮ା୫ (ପି.ଟି.): ଆସନ୍ତା ମାସରେ ହେବାକୁଥିବା ଟି୨୦ ବିଶ୍ୱକପ୍‌ ଲାଗି ଅଷ୍ଟ୍ରେଲିଆର ଓ୍ବାର୍ମଅପ୍‌ ମ୍ୟାଚ ବେଳେ ଦଳରେ ଖେଳାଳି ଅଭାବ ପରିଲକ୍ଷିତ ହେବ। ତେଣୁ...

କିସ୍‌ ଚାମ୍ପିୟନ, ଜଗତ୍‌ସିଂହପୁର ରନରଅପ୍‌

ଭୁବନେଶ୍ୱର, ୨୮।୫ (ତପନ ସ୍ବାଇଁ): ଓଡ଼ିଶା ରଗ୍‌ବୀ ଫୁଟବଲ ଆସୋସିଏଶନ (ଓର୍‌ଫା) ଆନୁକୂଲ୍ୟରେ କିଟ୍‌ ରଗ୍‌ବୀ ଷ୍ଟାଡିୟମରେ ଆନ୍ତଃ ଜିଲା ଜୁନିୟର ବାଳିକା ରଗ୍‌ବୀ ୭ଏସ୍‌...

ସ୍ବିଟେକ୍‌, ଜାବେରଙ୍କ ସହଜ ବିଜୟ

ପ୍ୟାରିସ, ୨୮।୫: ଟପ୍‌ ସିଡ୍‌ ଇଗା ସ୍ବିଟେକ ଓ ୮ମ ସିଡ୍‌ ଓନ୍ସ ଜାବେର ପ୍ରମୁଖ ଫ୍ରେଞ୍ଚ୍‌ ଓପନ ଗ୍ରାଣ୍ଡସ୍ଲାମ ଟେନିସ ମହିଳା ସିଙ୍ଗଲ୍ସର ପ୍ରଥମ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri