ଲକ୍ଷ୍ନୌ,୨୫।୮: ରାସ୍ତାରେ ଗାଡି ଚଳାଇବା ସମୟରେ କୌଣସି ନିୟମ ଭାଙ୍ଗିଲେ,ଟ୍ରାଫିକ ପୋଲିସ ଚାଲାଣ କାଟିବାକୁ ଆଦୌ ଭୁଲନ୍ତି ନାହିଁ। ତେବେ ଉତ୍ତରପ୍ରଦେଶର ଶାମଲି ଜିଲାରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ଏଠାରେ ଜଣେ ଟ୍ରାଫିକ ପୋଲିସ କନଷ୍ଟେବଳ ଜଣେ ଲାଇନମ୍ୟାନଙ୍କ ୬ ହଜାର ଚାଲାଣ କାଟିଛି। ଏହି ଜରିମାନା ତାଙ୍କ ମାସିକ ଦରମାଠାରୁ ଅଧିକ ଥିଲା। ଯଦିଓ ଲାଇନମ୍ୟାନ ଟ୍ରାଫିକ ପୋଲିସକୁ ନିଜ ଭୁଲ୍ ପାଇଁ କ୍ଷମା ମାଗିଥିଲେ ମଧ୍ୟ ସେ ଶୁଣି ନ ଥିଲେ। ଏଥିରେ ରାଗିଯାଇ ଲାଇନମ୍ୟାନ ପୋଲିସ ଷ୍ଟେଶନର ବିଦ୍ୟୁତ କାଟି ଦେଇଥିଲେ।
ଚୁକ୍ତିଭିତ୍ତିରେ କାମ କରୁଥିବା ଲାଇନମ୍ୟାନ ମହମ୍ମଦ ମେହତାବ ବାଇକ ଚଲାଇବା ସମୟରେ ହେଲମେଟ ପିନ୍ଧି ନ ଥିଲେ। ଏଥିପାଇଁ ପୋଲିସ ତାଙ୍କର ୬ ହଜାର ଟଙ୍କା ଚାଲାଣ କାଟିଥିଲା। ମହମ୍ମଦ କହିଛନ୍ତି, ମୋର ମାସିକ ଦରମା ମାତ୍ର ୫ ହଜାର ଟଙ୍କା ଏବଂ ପୋଲିସ ମୋର ଚାଲାଣ ୬ ହଜାର ଟଙ୍କା କାଟି ଦେଇଛି। ମୁଁ ମଧ୍ୟ ପୋଲିସଙ୍କୁ କ୍ଷମା କରିବାକୁ ଅନୁରୋଧ କଲି, କିନ୍ତୁ ସେ କୌଣସି ଦୟା ନ ଦେଖାଇ ଚାଲାଣ କାଟିଲେ।
