ଶାଗମାଛ ଦରରେ ଜମି କିଣିବାକୁ ମସୁଧା

ଯାଜପୁର ଅଫିସ,୩ା୧: ଯାଜପୁର ଜିଲା ଦେଇ ପ୍ରବାହିତ ବୈତରଣୀ ନଦୀର ବାମ ଓ ଡାହାଣ ପାର୍ଶ୍ୱ ସପ୍ତମାତୃକା ମନ୍ଦିର ନିକଟରେ ୨ଟି ଆନିକଟ (ବ୍ୟାରେଜ) ନିର୍ମାଣାଧୀନ ରହିଛି। ଏଥିପାଇଁ ୨୩୬.୬୩ କୋଟି ଟଙ୍କାର ପ୍ରଶାସନିକ ମଞ୍ଜୁରୀ ମିଳିସାରିଛି। ରାଜ୍ୟ ଜଳ ସମ୍ପଦ ବିଭାଗ ପକ୍ଷରୁ ଓଡ଼ିଶା କନ୍‌ଷ୍ଟ୍ରକ୍ସନ କମ୍ପାନୀ(ଓସିସି) ଲିମିଟେଡ ଏହାର ନିର୍ମାଣ ଦାୟିତ୍ୱରେ ରହିଛି। ତେବେ ଏଥିପାଇଁ ବୈତରଣୀ ନଦୀର ଡାହାଣ ପାର୍ଶ୍ୱ ଯାଜପୁର ତହସିଲ ଅନ୍ତର୍ଗତ ବିନ୍ଧାଣ ମୌଜାର ରାଉତରାପୁର, ଇନ୍ଦ୍ର ଆଖଣ୍ଡଳେଶ୍ୱର ନଗରର ପ୍ରାୟ ୨୬.୦୪ ଏକର ଜମି ପାଣିରେ ବୁଡ଼ିବ। ଏଥିପାଇଁ ଜଳ ସମ୍ପଦ ବିଭାଗ ପକ୍ଷରୁ ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଛି। ଏ ବାବଦରେ ଖର୍ଚ୍ଚ ପାଇଁ ୧୩ କୋଟି ୮୦ ଲକ୍ଷ ୧୨ ହଜାର ଟଙ୍କା ମଞ୍ଜୁର ହୋଇଛି। ତେବେ ଏକର ପ୍ରତି ମାତ୍ର ୫୩.୦୮ ଲକ୍ଷ ଟଙ୍କା ହେଉଥିବାରୁ ଯାଜପୁର ସହରର ଜମି ମୂଲ୍ୟ ତୁଳନାରେ ତାହା ବହୁତ କମ ବୋଲି କ୍ଷତିଗ୍ରସ୍ତ ଚାଷୀମାନେ କହିଛନ୍ତି। ଏକର ପ୍ରତି ଅନୂ୍ୟନ ୨ କୋଟି ଟଙ୍କା ନ ଦେଲେ ଜମି ଛଡା ଯିବ ନାହିଁ ବୋଲି ଚାଷୀମାନେ ସ୍ପଷ୍ଟ କରିଛନ୍ତି। ଅନ୍ୟପକ୍ଷେ ପ୍ରକଳ୍ପର ବାମପାର୍ଶ୍ୱ ଦଶରଥପୁର ବ୍ଲକ ତରପଦା, ମଲ୍ଲିକାପୁର, କଇଆଁ, ଖାନନଗର, ନିଜାମପୁର ଆଦି ଗ୍ରାମର ପ୍ରାୟ ୩୦ ଏକର ଜମି ପାଣିରେ ବୁଡିବ ବୋଲି ଚାଷୀମାନେ ଆଶଙ୍କା କରିଛନ୍ତି। ହେଲେ ବିଭାଗ ପକ୍ଷରୁ ଏଯାଏ କୌଣସି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇ ନ ଥିବାରୁ ନିର୍ମାଣାଧୀନ ପ୍ରକଳ୍ପକୁ ବନ୍ଦ କରିଦିଆଯିବ ବୋଲି ସଂପୃକ୍ତ ଚାଷୀମାନେ ଚେତାବନୀ ଦେଇଛନ୍ତିି।

ବୈତରଣୀ ନଦୀର ଡାହାଣ ପାର୍ଶ୍ୱରେ ୮୪.୫୦ ମିଟର ଲମ୍ବ ବ୍ୟାରେଜ ନିର୍ମାଣ କରିବାକୁ ୬ା୯ା୨୦୧୨ରେ ପ୍ରଥମେ ସ୍ଥିର ହୋଇଥିଲା। କିନ୍ତୁ ଜଳ ସଂରକ୍ଷଣ ପାଇଁ ଗୋଟିଏ ବ୍ୟାରେଜ ଯଥେଷ୍ଟ ହେବ ନାହିଁ ବୋଲି ଆକଳନ କରାଯାଇ ପରବର୍ତ୍ତୀ ସମୟରେ ୨ଟି ବ୍ୟାରେଜ କରିବାକୁ ନିଷ୍ପତ୍ତି ହୋଇଥିଲା। ଏହି କ୍ରମରେ ଡାହାଣ ପାର୍ଶ୍ୱରେ ୮୪.୫୦ ମିଟର ଓ ବାମ ପାର୍ଶ୍ୱରେ ୯୦ ମିଟର ଲମ୍ବ ବ୍ୟାରେଜ ନିର୍ମାଣ କରିବାକୁ ପ୍ରସ୍ତାବ ଦିଆଯାଇଥିଲା। ଏଥିରେ ପ୍ରାୟ ୯.୫୦ ମିଟର ପର୍ଯ୍ୟନ୍ତ ଜଳଧାରଣ କ୍ଷମତା ରହିବ। ଏହି ୨ ବ୍ୟାରେଜ ନିର୍ମାଣ ଖର୍ଚ୍ଚ ବାବଦକୁ ୨୩୬.୬୩ କୋଟି ଟଙ୍କାର ପ୍ରଶାସନିକ ମଞ୍ଜୁରୀ ମିଳିଛି। ତେବେ ପ୍ରଥମ ପର୍ଯ୍ୟାୟ ଡାହାଣ ପାର୍ଶ୍ୱ ବ୍ୟାରେଜ ନିର୍ମାଣ ପାଇଁ ୮୩ କୋଟି ୪୨ ଲକ୍ଷ ୫୯ ହଜାର ୪୬୧ ଟଙ୍କା ମଞ୍ଜୁର ହୋଇଛି। ତେବେ ଟେଣ୍ଡର ପ୍ରକ୍ରିୟାରେ ସର୍ବନିମ୍ନ ୭୮ କୋଟି ୪୨ ହଜାର ୯୦ ଲକ୍ଷ ୪୦୮ ଟଙ୍କା ବିନିମୟରେ ଓସିସିଏଲ୍‌କୁ କାର୍ଯ୍ୟାଦେଶ ଦିଆଯାଇଛି । ପ୍ରକଳ୍ପ ସମ୍ପୂର୍ଣ୍ଣ ହେଲେ ବାମ ବ୍ୟାରେଜ୍‌ରେ ଭଦ୍ରକ ଜିଲା ଓ ଡାହାଣ ପାର୍ଶ୍ୱରେ ଯାଜପୁର ଜିଲାର ପ୍ରାୟ ୧୫୦୦ ହେକ୍ଟର ଜମିରେ ଜଳସେଚିତ ହୋଇପାରିବ ବୋଲି ଲକ୍ଷ୍ୟ ରଖାଯାଇଛି। ଜମି ଅଧିଗ୍ରହଣକୁ ବାଦ୍‌ ଦେବାକୁ ଉଠାଜଳସେଚନ ମାଧ୍ୟମରେ ଜଳସେଚିତ କରାଯିବ ବୋଲି ବିଭାଗ ପକ୍ଷରୁ ନିଷ୍ପତ୍ତି ହୋଇଥିଲା। ଜଳ ସମ୍ପଦ ବିଭାଗ ପକ୍ଷରୁ ଜମି ଅଧିଗ୍ରହଣରେ କୌଣସି ସମସ୍ୟା ରହିବ ନାହିଁ ବୋଲି ଆଶା କରାଯାଇଥିଲା। ହେଲେ ବିଭାଗ ପକ୍ଷରୁ ଅଟକଳ ଏବଂ ଚାଷୀ ମହଲରେ ଦାବି ହେବା ପରେ ନଦୀ ଡାହାଣ ପାର୍ଶ୍ୱରେ ଏକର ୨୬.୦୪ ଡେସିମିଲ ଜମି ପାଇଁ ଉପରୋକ୍ତ ଟଙ୍କା ମଞ୍ଜୁର କରାଯାଇଛି। ଏହି ମର୍ମରେ ମହାନଦୀ, ବ୍ରାହ୍ମଣୀ ଓ ବୈତରଣୀ ସିଷ୍ଟମର ଚିଫ୍‌ ଇଞ୍ଜିନିୟରଙ୍କୁ ବିଭାଗୀୟ ଆର୍‌ ଆଣ୍ଡ ଆର୍‌ ନିର୍ଦ୍ଦେଶକ ରାଜେନ୍ଦ୍ର କୁମାର ପଟ୍ଟନାୟକ ସୂଚନା ଦେଇଛନ୍ତି। ଜଣେ କ୍ଷତିଗ୍ରସ୍ତ ଚାଷୀ କୁମାର କିଙ୍କର ନାୟକ କୁହନ୍ତି, ବ୍ୟାରେଜ ନିର୍ମାଣ ପାଇଁ ପାଣିରେ ବୁଡିବାକୁ ଥିବା ଜମି ଅତି ପୁରୁଣା। ଏଥିରେ ଚାଷୀମାନେ ବିଭିନ୍ନ ଚାଷ କରି ପେଟ ପୋଷିଥାନ୍ତି। ତେଣୁ ଏକର ପ୍ରତି ୨ କୋଟି ଟଙ୍କା ନ ମିଳିଲେ କୋର୍ଟର ଆଶ୍ରୟ ନିଆଯିବ। ଏ ସଂକ୍ରାନ୍ତରେ ଯାଜପୁର ଜଳସେଚନ ବିଭାଗ ନିର୍ବାହୀଯନ୍ତ୍ରୀ ଧନେଶ୍ୱର ସାମଲଙ୍କୁ ପଚାରିବାରୁ ସେ କହିଛନ୍ତି, ବୈତରଣୀ ନଦୀରେ ବ୍ୟାରେଜ ନିର୍ମାଣ ପାଇଁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇ ସାରିଛି। ତେବେ ସେହି ଜମି ନଦୀରେ ରହିଛି। ବନ୍ୟା ସମୟରେ ଏହି ଚିହ୍ନଟ ଜମି ପାଣିରେ ବୁଡି ରହେ। ନିୟମ ଅନୁସାରେ ମୂଲ୍ୟ ନିର୍ଦ୍ଧାରଣ ହୋଇଛି।


Enter your email to get our daily news in your inbox.

All Right Reserved By Dharitri.Com

ଭଙ୍ଗାକୁଡ଼ିଆରେ ବିତୁଛି ଜୀବନ

ବ୍ରହ୍ମବରଦା,୯ା୪(ଡ଼ି.ଏନ.ଏ): ଯାଜପୁର ଜିଲା ରସୁଲପୁର ବ୍ଲକ୍‌ ଅନ୍ତର୍ଗତ ବ୍ରହ୍ମବରଦା ପଞ୍ଚାୟତ ବଉଳାଘାଇ ଦାଣ୍ଡିସାହି ୨ ନଂ. ୱାର୍ଡରେ ବାସ କରୁଥିବା ସମଲାତୁନ ବିବିଙ୍କ ପରିବାରକୁ ସରକାରୀ...

ନାବାଳିକା ବଳାତ୍କାରୀଙ୍କୁ ୧୦ ବର୍ଷ ଜେଲ

କେନ୍ଦୁଝର, ୨୯ା୧(ସ୍ବ.ପ୍ର.): ସ୍ଥାନୀୟ ଅତିରିକ୍ତ ଜିଲା ଜଜ କମ ସ୍ପେଶାଲ ଜଜ ଲୋକନାଥ ସାହୁ ଏକ ନାବାଳିକା ବଳାତ୍କାର ମାମଲାର ଶୁଣାଣି କରି ବୁଧବାର ଦୋଷୀ...

ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶ ପାଇବେ ‘ଶାନ୍ତି ସ୍ବରୂପ ଭଟ୍ଟନାଗର ପୁରସ୍କାର’

ଭୁବନେଶ୍ୱର,୨୮ା୯:  ବିଜ୍ଞାନ କ୍ଷେତ୍ରରେ ଦେଶର ସର୍ବୋଚ୍ଚ ସମ୍ମାନ ‘ଶାନ୍ତି ସ୍ବରୂପ ଭଟ୍ଟନାଗର ପୁରସ୍କାର-୨୦୨୦’ ପାଇଁ ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶ ମନୋନୀତ ହୋଇଛନ୍ତି। କାଉନ୍‌ସିଲ ଫର୍‌...

ଶର୍ମିଷ୍ଠାଙ୍କୁ ସ୍ପଟ୍‌କୁ ନେଲା କ୍ରାଇମବ୍ରାଞ୍ଚ, ହୋଇପାରେ ସିନ୍‌ ରିକ୍ରିଏଶନ

କଟକ ଅଫିସ,୧ା୪: କ୍ୟାମେରାମ୍ୟାନ୍‌ ମାନସ ସ୍ବାଇଁ ହତ୍ୟା ମାମଲାରେ ଗିରଫ ଅଭିଯୁକ୍ତଙ୍କୁ ରିମାଣ୍ଡରେ ଆଣିବାର ଆଜି ହେଉଛି ଚତୁର୍ଥ ଦିନ। ହତ୍ୟାରେ ବ୍ୟବହୃତ ସାମଗ୍ରୀ ଜବତ...

ସ୍ବତନ୍ତ୍ର ଟ୍ରେନ୍‌ରେ ବରଗଡ଼ରେ ପହଞ୍ଚିଲେ ୧୪୦୦ ପ୍ରବାସୀ

ବରଗଡ଼ ଅଫିସ,୧୩ା୬: ରାଜ୍ୟ ବାହାରେ ରହିଥିବା ୧୪୦୦ ପ୍ରବାସୀ ଶନିବାର ଅପରାହ୍ନରେ ଏକ ସ୍ବତନ୍ତ୍ର ଟ୍ରେନ୍‌ ଯୋଗେ ବରଗଡ଼ ରୋଡ୍‌ ଷ୍ଟେଶନରେ ପହଞ୍ଚିଛନ୍ତି। ବରଗଡ଼ ଜିଲା...

କରୋନା କଟକଣା ଭିତରେ ଜି.ଉଦୟଗିରିରେ ଉଡିଲା ତ୍ରିରଙ୍ଗା

ଜି.ଉଦୟଗିରି,୧୫।୮(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ହବାକ ହାଇସ୍କୁଲ ଖେଳ ପଡିଆରେ ଶନିବାର ନିରାଡ଼ମ୍ବର ଭାବେ ସ୍ବାଧୀନତା ଦିବସ ପାଳିତ ହୋଇଯାଇଛି। ସ୍ଥାନୀୟ ବିଡିଓ ତଥା ଭାରପ୍ରାପ୍ତ...

ପୁଣି ଫେରିଲେ ୧୩୧ ପ୍ରବାସୀ ଶ୍ରମିକ

ବୌଦ୍ଧ,୨୮ା୫ (ସ୍ବ.ପ୍ର.)-ଗୁରୁବାର ବୌଦ୍ଧ ଜିଲାରେ ପୁଣି ୧୩୧ ଜଣ ପ୍ରବାସୀ ଶ୍ରମିକ ପହଞ୍ଚିଥିବା ଜଣାଯାଇଛି। ଫଳରେ ଫେରିଥିବା ପ୍ରବାସୀ ଶ୍ରମିକଙ୍କ ସଂଖ୍ୟା ୨୬୩୧ରେ ପହଞ୍ଚତ୍ଛିି। ସେହିପରି...

ବରଗଡ଼ରେ ଗର୍ଜିଲେ ଚାଷୀ

ବରଗଡ଼ ଅଫିସ,୧୧।୧୦: ବରଗଡ଼ ଜିଲାକୁ ରାଜ୍ୟର ଭାତହାଣ୍ଡି କୁହାଯାଏ। କିନ୍ତୁ ଏହି ଜିଲାର ଚାଷୀମାନେ ବିଭିନ୍ନ ସମସ୍ୟାରେ ଛନ୍ଦି ହୋଇଛନ୍ତି। ଏହାସତ୍ତ୍ବେ କେନ୍ଦ୍ର କିମ୍ବା ରାଜ୍ୟ...

Advertisement
Archives

Model This Week