ଗଞ୍ଜାମ,୬।୫(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତ ପାଳିବନ୍ଧ ଗ୍ରାମରେ ମା’ ବୁଢ଼ୀ ଠାକୁରାଣୀଙ୍କ ନୂତନ ମନ୍ଦିର ପ୍ରତିଷ୍ଠା ଉତ୍ସବ ଚାଲିଛି । ଏହି ଉପଲକ୍ଷେ ମଙ୍ଗଳବାର ଋଷୁକୂଲ୍ୟା ନଦୀ ଘାଟରେ ପହଞ୍ଚି ମା’ ଗଙ୍ଗାଦେବୀଙ୍କୁ ପୂଜାର୍ଚ୍ଚନା କରିବା ପରେ ପାଣି ଭାର ଧରି ଗଞ୍ଜାମ ସହର ଦେଇ ଯଜ୍ଞ ସ୍ଥଳରେ ପହଞ୍ଚିବା ପରେ ଯଜ୍ଞ ଆରମ୍ଭ ହୋଇଥିଲା । ମା’ଙ୍କ ମନ୍ଦିର ପ୍ରତିଷ୍ଠା ସହ ଗ୍ରାମରେ ଚବିଶି ପ୍ରହର ନାମଯଜ୍ଞ ଅନୁଷ୍ଠିତ ହୋଉ ଅଛି । ପ୍ରଥମଥର ପାଇଁ ଉକ୍ତ ପ୍ରତିଷ୍ଠା ଉତ୍ସବରେ ବିଭିନ୍ନ ସଚେତନତା ଓ ଲୋକକଳା ସ୍ଥାନ ପାଇଥିବା ଦେଖିବାକୁ ମିଳିଛି । ଯଜ୍ଞ ଦେଖିବାକୁ ଆସିଥିବା ଭକ୍ତମାନେ ଉକ୍ତ ଲୋକ କଳା ଦେଖି ଖୁସିବ୍ୟକ୍ତ କରୁଛନ୍ତି l ସହ ବିଭିନ୍ନ ପ୍ରତିଷ୍ଠା କର୍ମାରମ୍ଭ, ସୂର୍ଯ୍ୟ ପୂଜା ଏବଂ ଗୁରୁବାର ବିଗ୍ରହ ପ୍ରାଣ ପ୍ରତିଷ୍ଠା ଶୁକ୍ରବାର ଦେବତା ସିଂହାସନ ଆରୋହଣ ଓ ଘୃତ ଯଜ୍ଞର ପୂର୍ଣ୍ଣାହୁତି ଆଦି ଅନୁଷ୍ଠିତ ହେବ ବୋଲି ଗ୍ରାମବାସୀ ସୂଚନା ଦେଇଛନ୍ତି । ଶନିବାର ନଗର କୀର୍ତନ ଯମୁନା ସ୍ନାନ ଆଦି କାର୍ଯ୍ୟକ୍ରମ ହେବା ପରେ ଯଜ୍ଞ ସମ୍ପୂର୍ଣ୍ଣ ହୋଇ ଥିବା ଜଣାପଡିଛି ।
