ବଦଳିଗଲା ସ୍ମାର୍ଟସିଟିର ଚିତ୍ର

ଭୁବନେଶ୍ୱର, ୭।୮(ବ୍ୟୁରୋ): ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ସକ୍ରିୟ ରହିଥିବାରୁ ରାଜ୍ୟରେ ପୁଣି ବର୍ଷା ଆରମ୍ଭ ହୋଇଛି। ଫଳରେ ଖୋର୍ଦ୍ଧା, ପୁରୀ, କଟକ ଆଦି ବିଭିନ୍ନ ଜିଲାରେ ପ୍ରବଳ ବର୍ଷା ହେବା ସହ ଜଳବନ୍ଦୀ ସ୍ଥିତି ଉପୁଜିଛି। ଦିନତମାମ ବର୍ଷା ଲାଗିରହିବାରୁ ସ୍ମାର୍ଟସିଟି ଭୁବନେଶ୍ୱରର ଚିତ୍ର ବଦଳି ଯାଇଥିଲା। ସହରର ମୁଖ୍ୟ ରାସ୍ତାଠାରୁ ଆରମ୍ଭ କରି କଲୋନୀ ରାସ୍ତାରେ ପାଣିର ସୁଅ ଛୁଟିଥିବାବେଳେ ବିଶେଷକରି ଇସ୍କନ ଓ ବମିଖାଲ ଅଞ୍ଚଳରେ ଅଣ୍ଟାଏ ଉଚ୍ଚର ପାଣି ସହରବାସୀଙ୍କୁ ହଟହଟା କରିଥିଲା। ଘଣ୍ଟାଘଣ୍ଟା ଧରି ବହୁ ଗାଡିମୋଟର ଫସି ରହିବା ଦୃଶ୍ୟ ସ୍ମାର୍ଟସିଟିର ଅସଲ ଚେହେରାକୁ ପଦାରେ ପକାଇଥିଲା। ବସ୍ତିଠାରୁ କଲୋନୀ, ଆପାର୍ଟମେଣ୍ଟ ଅଞ୍ଚଳ ଜଳମୟ ହୋଇପଡିଥିଲା।
ଶନିବାର ସକାଳୁ ଆକାଶ ମେଘାଚ୍ଛନ୍ନ ରହିଥିଲା। ପୂର୍ବାହ୍ନ ପ୍ରାୟ ୧୦ଟାରୁ ଅବିଶ୍ରାନ୍ତ ବର୍ଷାରେ ଅସ୍ତବ୍ୟସ୍ତ ହୋଇ ପଡିଥିଲା ରାଜଧାନୀ। ଅପରାହ୍ନ ସୁଦ୍ଧା ସହରରେ ୩୬.୬ ମିମି ବର୍ଷା ହୋଇଥିବାବେଳେ ରାତିସାରା ମଧ୍ୟ ବର୍ଷିଥିଲା। ଫଳରେ ଚାରିଆଡେ ଜଳାର୍ଣ୍ଣବ ସ୍ଥିତି ଉପୁଜିବା ସହିତ ଜନଜୀବନ ଅସ୍ତବ୍ୟସ୍ତ ହୋଇ ପଡିଥିଲା। ବର୍ଷାଠାରୁ ଜଳବନ୍ଦୀ ସମସ୍ୟା ଲୋକଙ୍କୁ ଅଧିକ କଲବଲ କରିଥିଲା। ନୟାପଲ୍ଲୀସ୍ଥିତ ଇସ୍କନ ମନ୍ଦିର ସମ୍ମୁଖରେ ବର୍ଷାପାଣି ଜମି ରହିବା ଫଳରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା। ଅଣ୍ଟାଏ ପାଣିରେ ପଶି ଲୋକଙ୍କୁ ଯାତାୟାତ କରିବାକୁ ପଡିଥିଲା। ଅତ୍ୟଧିକ ପାଣି ଜମି ରହିବାରୁ ୨ଚକିଆ ଯାନ ବୁଡି ଯାଇଥିବାବେଳେ ଚାରି ଚକିଆ ଯାନ ମଧ୍ୟ ଅଧା ପର୍ଯ୍ୟନ୍ତ ବୁଡି ଯାଇଥିଲା। ଇଞ୍ଜିନରେ ପାଣି ପଶିବା କାରଣରୁ କେତେକ ଗାଡ଼ି ବନ୍ଦ ହୋଇଯାଇଥିଲା। କେହି ଗାଡ଼ିକୁ ଠେଲି ଠେଲି ନେଇଥିବାବେଳେ ଆଉ କେହି ପାଣି ଛାଡ଼ିବା ପର୍ଯ୍ୟନ୍ତ ଅପେକ୍ଷା କରିଥିଲେ। ସେହିପରି ପାଣି ଜମି ରହିବାରୁ ସହରରେ ଟ୍ରାଫିକ୍‌ ଜାମ୍‌ ସମସ୍ୟା ସୃଷ୍ଟି ହୋଇଥିଲା। କେବଳ ନୟାପଲ୍ଲୀ ଅଞ୍ଚଳ ନୁହେଁ, ବମିଖାଲ, କଳ୍ପନା ଛକ, ରସୁଲଗଡ଼, ସୌଭାଗ୍ୟ ନଗର, ଗାୟତ୍ରୀ ନଗର ଅଞ୍ଚଳରେ ମଧ୍ୟ ଜଳବନ୍ଦୀ ସମସ୍ୟା ଦେଖାଦେଇଥିଲା। ଏହାବାଦ୍‌ ଲକ୍ଷ୍ମୀସାଗର, ପୁରୁଣା ଭୁବନେଶ୍ୱର, ଆଚାର୍ଯ୍ୟ ବିହାର ଅଞ୍ଚଳରେ କେତେକ ଘରେ ପାଣି ପଶି ଯାଇଥିଲା। ୟୁନିଟ-୮ ଡିଏଭି ସ୍କୁଲ ସମ୍ମୁଖ ରାସ୍ତାରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା। ଖଣ୍ଡଗିରିଠାରୁ ରସୁଲଗଡ ପର୍ଯ୍ୟନ୍ତ ଓଭରବ୍ରିଜ୍‌ର ଅଧିକାଂଶ ସ୍ଥାନରେ ବହୁ ଉଚ୍ଚର ପାଣି ଜମି ରହିବାରୁ ଲୋକମାନେ ଆଶଙ୍କା ଭିତରେ ଯାତାୟାତ କରିଥିଲେ। ବାଣୀବିହାର ଶନି ମନ୍ଦିର ସମ୍ମୁଖ ସର୍ଭିସ ରୋଡ୍‌ ଓ ଆଇଗିଣିଆ ଆଳୁ ଗୋଦାମ ନିକଟ ଅଣ୍ଡରପାସ୍‌ରେ ଅନୁରୂପ ଭାବେ ପାଣି ଜମି ରହିଥିଲା।

 

ଦକ୍ଷ ଅଧିକାରୀ, ତଥାପି ଜଳବନ୍ଦୀ
ଭୁବନେଶ୍ୱରରେ ବିକାଶଧାରା ଆରମ୍ଭଠାରୁ ହିଁ ଜଳବନ୍ଦୀ ସମସ୍ୟା ଉତ୍କଟ ହେଉଛି। ବିଶେଷକରି ଗତ ୫/୭ ବର୍ଷ ହେବ ବର୍ଷା ହେବା ମାତ୍ରେ ଏଭଳି ସ୍ଥିତି ଦେଖିବାକୁ ମିଳୁଛି। ବର୍ଷା ଦିନ ଆସିଲେ ସହରବାସୀଙ୍କ ଦୁର୍ଦ୍ଦଶା ବଢ଼ୁଛି। ଏପଟେ ସ୍ମାର୍ଟସିଟି ହେବା ପରଠାରୁ ସହରର ଉନ୍ନୟନ, ସୌନ୍ଦର୍ଯ୍ୟକରଣ ଆଦି ବାବଦକୁ ପାଣି ଭଳି ଟଙ୍କା ଖର୍ଚ୍ଚ କରାଯାଉଛି। ଦକ୍ଷ ଅଧିକାରୀ, କର୍ମଚାରୀଙ୍କୁ ମଧ୍ୟ ଏଠାକୁ ଅଣାଯାଇ ବିଶ୍ୱସ୍ତରୀୟ ସହରର ସ୍ବପ୍ନକୁ ସାକାର କରିବାକୁ ପ୍ରୟାସ କରାଯାଉଛି। ହେଲେ ଏସବୁ ସତ୍ତ୍ୱେ ସାମାନ୍ୟ ବର୍ଷା ହେଲେ ରାସ୍ତାରେ ପାଣି ଜମୁଛି। ବିଶେଷକରି ଇସ୍କନ ଓ ବମିଖାଲ ଓଭର ବ୍ରିଜ୍‌ ପାର୍ଶ୍ୱରୁ ପାଣି ହଟାଇ ପାରୁନାହାନ୍ତି ଦକ୍ଷ ଅଧିକାରୀ। ଯୋଜନା ହୋଇଛି, ଡ୍ରେନ୍‌ ନିର୍ମାଣ ଚାଲିଛି କହି ବର୍ଷବର୍ଷ ଧରି ଅଧିକାରୀମାନେ ସହରବାସୀଙ୍କୁ ଭୁଆଁ ବୁଲାଇ ଚାଲିଛନ୍ତି। ଜୁଲାଇ ମାସରେ ବିଏମ୍‌ସି ମେୟର ଓ କମିଶନର ବିଭିନ୍ନ ଅଞ୍ଚଳ ବୁଲି ସ୍ଥିତି ପରଖିବା ସହିତ ସମୀକ୍ଷା କରିଥିଲେ। ଇତିମଧ୍ୟରେ ଜଳବନ୍ଦୀ ସମସ୍ୟାର ମୁକାବିଲା ପାଇଁ ବାରମ୍ବାର ବୈଠକ ବସିଥିଲେ ବି ଫଳ ଶୂନ। ସ୍ମାର୍ଟସିଟିରେ ଜଳବନ୍ଦୀର ଏଭଳି ସମସ୍ୟା ବାରମ୍ବାର ଘଟୁଥିବାବେଳେ ସ୍ଥାୟୀ ସମାଧାନ ହେଉ ନ ଥିବାରୁ ପ୍ରଶ୍ନବାଚୀ ସୃଷ୍ଟି ହୋଇଛି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?