ଜଣେ ମହିଳା ରିଲେସନଶିପ୍ ପୋର୍ଟାଲରେ ନିଜର ବୈବାହିକ ଜୀବନ ବିଷୟରେ ଏକ ଅଜବ କଥା ପ୍ରକାଶ କରିଛନ୍ତି। ଯାହା ଜାଣିଲେ ଆଶ୍ଚର୍ଯ୍ୟ ହେବେ। ମାତ୍ର ଏହା ସତ। ମହିଳା ଜଣକ ନିଜେ ଏ ବିଷୟରେ କହିଛନ୍ତି। ସେ ଦୁଇଟି ସନ୍ତାନର ଜନନୀ ହୋଇଥିବା ବେଳେ ତାଙ୍କ ସ୍ବାମୀ ତାଙ୍କୁ ତୃତୀୟ ସନ୍ତାନ ପାଇଁ ବାଧ୍ୟ କରୁଛନ୍ତି। ମାତ୍ର ସେ ଏକଥା ଚାହାନ୍ତି ନାହିଁ।
ସ୍ବାମୀ କ’ଣ ପାଇଁ ତୃତୀୟ ସନ୍ତାନ ଚାହୁଁଛନ୍ତି ପଚାରିବାରୁ ମହିଳା କହିଛନ୍ତି, ସେ ଏକ ବଡ଼ ଭୁଲ କରିଥିଲେ। ଦୁଇବର୍ଷ ପୂର୍ବେ ଅଫିସର ଜଣେ ସହକର୍ମୀଙ୍କ ସହିତ ତାଙ୍କର ପ୍ରେମସମ୍ପର୍କ ଗଢ଼ି ଉଠିଥିଲା। ଫଳରେ ସ୍ବାମୀଙ୍କ ସହ ତାଙ୍କର ସମ୍ପର୍କ ଭଲ ରହିଲା ନାହିଁ। ମୋତେ ଲାଗିଲା ମୋ ସ୍ବାମୀଙ୍କ ଅପେକ୍ଷା ପ୍ରେମିକ ମୋତେ ବହୁତ ଭଲ ପାଉଛନ୍ତି। ତାଙ୍କ ସହିତ ଏକ ନୂଆ ଜୀବନ ଆରମ୍ଭ କରିବାର ସ୍ବପ୍ନ ଦେଖିଲି। ମାତ୍ର ଯେତେବେଳେ ଜାଣିଲି ସେହି ପ୍ରେମିକ ଜଣକ ଅନ୍ୟ ଜଣେ ମହିଳାଙ୍କ ପାଇଁ ମୋତେ ଧୋକା ଦେଲେ। ସେଥିରେ ମୁଁ ନିରାଶ ହୋଇଥିଲି। ନିଜ ଉପରୁ ମୋର ଭରସା ତୁଟି ଯାଇଥିଲା।
ସେ ଆହୁରି ଲେଖିଛନ୍ତି, ମୋ’ ଜୀବନକୁ ମୁଁ ନିଜେ ନଷ୍ଟ କରିଛି। ଆଉ ଏହି କଥା ମୋ’ ସ୍ବାମୀ ଜାଣିପାରିଲେ। ଯଦିଓ ମୋ ସ୍ବାମୀ ମୋତେ କ୍ଷମା କରିଦେଇଛନ୍ତି କିନ୍ତୁ ସେ ତୃତୀୟ ସନ୍ତାନ ଚାହୁଁଛନ୍ତି। ସ୍ବାମୀଙ୍କ ମତରେ ମୁଁ ତୃତୀୟ ସନ୍ତାନର ମା ହେଲେ ତାଙ୍କୁ ଛାଡ଼ି ଆଉ ଯିବି ନାହିଁ। ତେଣୁ ସେ ଏପରି ସର୍ତ୍ତ ମୋ ସହ ରଖିଛନ୍ତି।
